ಧೂಮ್-3 ದಾಖಲೆ ಬ್ರೇಕ್ ಮಾಡುತ್ತಾ ಕಬೀರ್ ಸಿಂಗ್.!

ಶಾಹೀದ್ ಕಪೂರ್ ಅಭಿನಯದ 'ಕಬೀರ್ ಸಿಂಗ್' ಸಿನಿಮಾದ ಹವಾ ಇನ್ನು ನಿಂತಿಲ್ಲ. ಸಿನಿಮಾ ರಿಲೀಸ್ ಆಗಿ ಒಂದು ತಿಂಗಳಾಗಿದ್ದು, ಇದುವರೆಗೂ 271 ಕೋಟಿ ಗಳಿಕೆ ಕಂಡಿದೆ. ಈ ಮೂಲಕ ಶಾಹೀದ್ ಕಪೂರ್ ಜೀವನದಲ್ಲಿ ವೈಯಕ್ತಿಕವಾಗಿ ಅತಿ ಹೆಚ್ಚು ಗಳಿಸಿದ ಸಿನಿಮಾ ಎನಿಸಿಕೊಂಡಿದೆ.

ವಾರದಿಂದ ವಾರಕ್ಕೆ ಕಬೀರ್ ಸಿಂಗ್ ಗಳಿಕೆ ಕುಸಿಯುತ್ತಿದ್ದು, ಐದನೇ ವಾರಾಂತ್ಯದಲ್ಲಿ 5 ಕೋಟಿ ಗಳಿಸಿದೆ. ಸದ್ಯ ಕಬೀರ್ ಸಿಂಗ್ ಸಿನಿಮಾ ಅಮೀರ್ ಅಭಿನಯದ ಧೂಮ್ 3 ದಾಖಲೆಯನ್ನ ಬ್ರೇಕ್ ಮಾಡುವತ್ತಾ ಹೆಜ್ಜೆ ಹಾಕಿದೆ.

ಅಮೀರ್ ಖಾನ್ ಅಭಿನಯದ ಧೂಮ್ 3 ಸಿನಿಮಾ 284 ಕೋಟಿ (ನೆಟ್ ಕಲೆಕ್ಷನ್) ಗಳಿಸಿದೆ ಎಂಬ ವರದಿ ಇದೆ. ಈಗ ಕಬೀರ್ ಸಿಂಗ್ 271 ಕೋಟಿ ಬಾಚಿಕೊಂಡಿದೆ. ಅಲ್ಲಿಗೆ ಇನ್ನು 13 ಕೋಟಿ ಅಂತರ ಇದೆ. ಆದ್ರೆ, ಐದನೇ ವಾರದ ಗಳಿಕೆ ನೋಡಿದ್ರೆ ಕಬೀರ್ ಸಿಂಗ್ ಧೂಮ್ 3 ದಾಖಲೆಯನ್ನ ಹಿಂದಿಕ್ಕುತ್ತಾ ಅಥವಾ ಇಲ್ವಾ ಎಂಬ ಚರ್ಚೆ ಆರಂಭವಾಗಿದೆ.

ತೆಲುಗಿನ ಸೂಪರ್ ಹಿಟ್ ಚಿತ್ರ ಅರ್ಜುನ್ ರೆಡ್ಡಿ ಚಿತ್ರದ ಹಿಂದಿ ರೀಮೇಕ್ ಕಬೀರ್ ಸಿಂಗ್. ಶಾಹೀದ್ ಕಪೂರ್, ಕಿಯಾರಾ ಅಡ್ವಾನಿ ಮುಖ್ಯಭೂಮಿಕೆಯಲ್ಲಿ ನಟಿಸಿರುವ ಈ ಚಿತ್ರವನ್ನ ಮೂಲ ನಿರ್ದೇಶಕ ಸಂದಿಪ್ ವಂಗಾ ಅವರೇ ನಿರ್ದೇಶಿಸಿದ್ದಾರೆ.