ವಾವ್..! 48 ಕೋಟಿ ವೆಚ್ಚದ ಕಂಗನಾ ರಣಾವತ್ ಆಫೀಸ್ ಇದು

ಪ್ರಶಾಂತವಾಗಿದೆ ಆಫೀಸ್ ಪ್ರದೇಶ

ಕಂಗನಾ ಆಫೀಸ್ ತುಂಬಾ ವಿಶಾಲವಾಗಿದೆ. ಆಫೀಸ್ ಹೊರಾಂಗಣ ಮತ್ತು ಒಳಗೆ ಆಕರ್ಷಕವಾಗಿದೆ. ಅಂದ್ಹಾಗೆ ಕಂಗನಾ ಕೆಲವು ವರ್ಷಗಳ ಹಿಂದೆಯೆ ಈ ಆಫೀಸ್ ಕಟ್ಟಡವನ್ನು ಖರೀದಿಸಿದ್ದರಂತೆ. ಆದರೀಗ ಕಟ್ಟಡಕ್ಕೆ ಹೊಸ ರೂಪ ನೀಡಿ, ಅದ್ಭುತ ಡಿಸೈನ್ ಮೂಲಕ ಆಫೀಸ್ ಆಗಿ ಪರಿವರ್ತಿಸಿಕೊಂಡಿದ್ದಾರೆ.

ಸಭೆ, ಚರ್ಚೆಗೆ ಪ್ರತ್ಯೇಕ ಸ್ಥಳ

ಈ ಆಫೀಸ್ ನಲ್ಲಿ ಪ್ರತಿಯೊಂದಕ್ಕೂ ಒಂದೊಂದು ಪ್ರತ್ಯೇಕ ಸ್ಥಳವಿದೆ. ಚರ್ಚೆ, ಸಭೆ ನಡೆಸಲು ವಿಶಾಲವಾದ ಪ್ರದೇಶವಿದೆ. ಇಂಟೀರಿಯರ್ ಡಿಸೈನ್ ಅದ್ಭುತವಾಗಿದೆ. ಇನ್ನೂ ಪ್ಲೇ ದಿ ವೈಲ್ಡ್ ಕಾರ್ಡ್ ಎಂದು ಬರೆದಿರುವ ಜಾಗ ಕೂಡ ಆಕರ್ಷಕವಾಗಿದೆ.

ಮರದಿಂದ ನಿರ್ಮಿಸಿದ ವಸ್ತುಗಳು

ಆಫೀಸ್ ಒಳಗೆ ಎಂಟ್ರಿ ಆಗುತ್ತಿದ್ದಂತೆ ಮರದಿಂದ ನಿರ್ಮಿಸಿದ ಡಿಸೈನ್ ಗಳು ಗಮನ ಸೆಳೆಯುತ್ತವೆ. ಲೈಟ್ಸ್, ಟೆಬಲ್, ಖುರ್ಚಿ ಸೇರಿದಂತೆ ಪ್ರತಿಯೊಂದು ಸಹ ಮರದಿಂದ ನಿರ್ಮಾಣ ಮಾಡಲಾಗಿದೆ. ಸುಂದರವಾದ ದೀಪಗಳು ಆಫೀಸ್ ಸೌಂದರ್ಯವನ್ನು ಮತ್ತಷ್ಟು ಹೆಚ್ಚಿಸಿವೆ.

ಕಾಫಿ ಏರಿಯಾ

ಕಂಗನಾ ರಣಾವತ್ ಗೆ ಕಾಫಿ ಅಂದರೆ ತುಂಬಾ ಇಷ್ಟವಂತೆ. ಹಾಗಾಗಿ ಆಫೀಸ್ ನಲ್ಲಿ ವಿಶೇಷವಾಗಿ ಕಾಫಿಗಾಗಿ ಪ್ರತ್ಯೇಕ ಜಾಗ ಮಾಡಿಸಿದ್ದಾರೆ. ಕಾಫಿ ಮಾಡಲು ಮತ್ತು ಕುಡಿಯಲು ಆ ಜಾಗವನ್ನು ಬಳಸಬಹುದು.

ಮೇಕಪ್ ಪ್ರದೇಶ ಮತ್ತು ಕೆಫೆಟೇರಿಯಾ

ಕಂಗನಾ ಆಫೀಸ್ ನಲ್ಲಿಯೂ ಮೇಕಪ್ ರೂಮ್ ಇದೆ. ಇನ್ನೂ ವಿಶ್ರಾಂತಿ ಪಡೆಯಲು, ಊಟಕ್ಕೆ ಪ್ರತ್ಯೇಕವಾಗಿ ವಿಶಾಲವಾದ ಸ್ಥಳವಿದೆ. ಕಂಗನಾ ಆಫೀಸ್ ನ ಪ್ರತಿಯೊಂದು ಏರಿಯಾವು ಆಕರ್ಷಕವಾಗಿದ್ದು, ಅಭಿಮಾನಿಗಳ ಗಮನ ಸೆಳೆಯುತ್ತಿದೆ.