ಕಂಗನಾಗೆ ಮತ್ತೊಂದು ಶಾಕ್; ನಟಿಯನ್ನು ಬ್ಯಾನ್ ಮಾಡಿದ ಬಾಲಿವುಡ್ ಖ್ಯಾತ ಡಿಸೈನರ್ಸ್

ಕಂಗನಾ ಜೊತೆ ಇನ್ಮುಂದೆ ಕೆಲಸ ಮಾಡಲ್ಲ- ಆನಂದ್ ಭೂಷಣ್

ದ್ವೇಷದ ಮಾತುಗಳನ್ನು ಆಡುವ ಯಾರ ಜೊತೆಯೂ ನಾವು ಕೆಲಸ ಮಾಡುವುದಿಲ್ಲ ಆನಂದ್ ಭೂಷಣ್ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ. 'ಇಂದು ನಡೆದ ಘಟನೆಯ ದೃಷ್ಟಿಯಿಂದ, ಕಂಗನಾ ರಣಾವತ್ ಅವರೊಂದಿಗೆನ ಎಲ್ಲಾ ಸಹಯೋಗದ ಚಿತ್ರಗಳನ್ನು ನಮ್ಮ ಸಾಮಾಜಿಕ ಮಾಧ್ಯಮಗಳಿಂದ ತೆಗೆದುಹಾಕುತ್ತಿದ್ದೇವೆ. ಭವಿಷ್ಯದಲ್ಲಿ ಯಾವುದೇ ಪ್ರಾಜೆಕ್ಟ್ ಗೂ ಅವರ ಜೊತೆ ಕೆಲಸ ಮಾಡಲ್ಲ ಎಂದು ಪ್ರತಿಜ್ಞೆ ಮಾಡುತ್ತೇವೆೆ. ನಮ್ಮ ಬ್ರ್ಯಾಂಡ್ ಯಾವುದೇ ಧ್ವೇಷ ಭಾಷಣವನ್ನು ಬೆಂಬಲಿಸುವುದಿಲ್ಲ' ಎಂದು ಹೇಳಿದ್ದಾರೆ.

ಒಳ್ಳೆಯ ಕೆಲಸ ಮಾಡಲು ತಡಮಾಡಬಾರದು

ಇನ್ನು ಈ ಬಗ್ಗೆ ರಿಮ್ ಜಿಮ್ ಟ್ವಿಟ್ ಮಾಡಿ, 'ಒಳ್ಳೆಯ ಕೆಲಸ ಮಾಡಲು ಎಂದಿಗೂ ತಡಮಾಡಬಾರದು. ಕಂಗನಾ ಜೊತೆಗಿನ ಈ ಹಿಂದಿನ ಎಲ್ಲಾ ಪೋಸ್ಟ್ ಗಳನ್ನು ಸಾಮಾಜಿಕ ಜಾಲತಾಣದಿಂದ ತೆಗೆದುಹಾಕುತ್ತಿದ್ದೇವೆ. ಭವಿಷ್ಯದಲ್ಲಿ ಯಾವುದೇ ಪ್ರಾಜೆಕ್ಟ್ ನಲ್ಲೂ ಕೆಲಸ ಮಾಡುವುದಿಲ್ಲ' ಎಂದು ಹೇಳಿದ್ದಾರೆ.

ಕಂಗನಾ ಸಹೋದರಿಯ ಪ್ರತಿಕ್ರಿಯೆ

ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ನಟಿ ಕಂಗನಾ ರಣಾವತ್ ಸಹೋದರಿ ರಂಗೋಲಿ ಚಂದೇಲ್ 'ಈ ವ್ಯಕ್ತಿ ಆನಂದ್ ಭೂಷಣ್ ಕಂಗನಾ ಹೆಸರಿನಲ್ಲಿ ಮೈಲೇಜ್ ಪಡೆಯಲು ಪ್ರಯತ್ನಿಸುತ್ತಿದ್ದಾರೆ. ನಾವು ಅವರ ಜೊತೆ ಅಸೊಸಿಯೇಟ್ ಆಗಿಲ್ಲ ಮತ್ತು ಅವರು ಯಾರೆಂದು ನಮಗೆ ತಿಳಿದಿಲ್ಲ.'

ನಾವು ಬ್ರ್ಯಾಂಡ್ ಆಯ್ಕೆ ಮಾಡಲ್ಲ

'ಅನೇಕ ಪ್ರಭಾವಶಾಲಿ ಹ್ಯಾಂಡಲ್ ಗಳು ಆತನ ಜೊತೆ ಟ್ಯಾಗ್ ಮಾಡಿ, ಕಂಗನಾ ಹೆಸರನ್ನು ತನ್ನ ಬ್ರಾಂಡ್ ಜೊತೆ ಎಳೆಯುತ್ತಿದ್ದಾರೆ. ಕಂಗನಾ ಯಾವುದೇ ಬ್ರ್ಯಾಂಡ್ ಗಳಿಗೆ ಕೋಟಿ ರೂ. ಕೊಡುತ್ತಾರೆ. ನಾವು ಬಟ್ಟೆಗಳನ್ನು ಆಯ್ಕೆ ಮಾಡುವುದಿಲ್ಲ. ಆದರೆ ಮ್ಯಾಗಜಿನ್ ಸಂಪಾದಕರು ಸಂಪೂರ್ಣ ಔಟ್ ಲುಕ್ ನೋಡಿಕೊಳ್ಳುತ್ತಾರೆ' ಎಂದು ಹೇಳಿದ್ದಾರೆ.

ಕೊರ್ಟ್ ಮೊರೆ ಹೋಗುವುದಾಗಿ ಹೇಳಿದ ರಂಗೋಲಿ

'ಈ ಸಣ್ಣ ಡಿಸೈನರ್ ತನ್ನನ್ನು ಪ್ರಮೋಟ್ ಮಾಡಿಕೊಳ್ಳಲು ಭಾರತದ ಖ್ಯಾತ ನಟಿಯ ಹೆಸರನ್ನು ಬಳಸಿಕೊಳ್ಳುತ್ತಿದ್ದಾರೆ. ನಾನು ಅವನ ವಿರುದ್ಧ ಮೊಕದ್ದಮೆ ಹೂಡಲು ನಿರ್ಧರಿಸಿದ್ದೇನೆ. ನಾವು ಅವರೊಂದಿಗೆ ಎಲ್ಲಿ ಮತ್ತು ಹೇಗೆ ಅಸೋಸಿಯೇಟ್ ಆಗಿದ್ದೇವೆ ಎನ್ನುವುದು ಕೋರ್ಟ್ ನಲ್ಲಿ ಸಾಬೀತು ಆಗಲಿ. ನ್ಯಾಯಾಲಯದಲ್ಲಿ ನಿಮ್ಮನ್ನು ನೋಡುತ್ತೇವೆ' ಎಂದು ಬರೆದುಕೊಂಡಿದ್ದಾರೆ.