ಬಾಲಿವುಡ್ ನಟಿ ಕಂಗನಾ ರಣಾವತ್ ಗೆ ಅತ್ಯಾಚಾರ ಬೆದರಿಕೆ

ಕಂಗನಾ ರಣಾವತ್ ಟ್ವೀಟ್

ಎಫ್ ಐ ಆರ್ ಬಗ್ಗೆ ಕಂಗನಾ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ. ನವರಾತ್ರಿ ಹಬ್ಬ ಆಚರಣೆ ಮಾಡುತ್ತಿರುವ ಕಂಗನಾ ಸಾಂಪ್ರದಾಯಿಕ ಉಡುಪಿನಲ್ಲಿರುವ ಒಂದಿಷ್ಟು ಫೋಟೋಗಳನ್ನು ಶೇರ್ ಮಾಡಿ, 'ಎಲ್ಲರೂ ನವರಾತ್ರಿ ಉಪವಾಸ ಮಾಡುತ್ತಿದ್ದಾರೆ. ನಾನು ಸಹ ಉಪವಾಸ ಮಾಡುತ್ತಿದ್ದೇನೆ. ಸಂಭ್ರಮಮಾಚರಣೆಯಲ್ಲಿದ್ದೆವು, ಅಷ್ಟರಲ್ಲಿ ನನ್ನ ವಿರುದ್ಧ ಮತ್ತೊಂದು ಎಫ್ ಐ ಆರ್ ದಾಖಲಾಗಿದೆ. ನನ್ನನ್ನು ಮಿಸ್ ಮಾಡಿಕೊಳ್ಳಬೇಡಿ, ನಾನು ಶೀಘ್ರದಲ್ಲೇ ಅಲ್ಲಿಗೆ ಬರುತ್ತೇನೆ' ಎಂದು ಟ್ವೀಟ್ ಮಾಡಿದ್ದಾರೆ.

ಅತ್ಯಾಚಾರ ಬೆದರಿಕೆ

ಈ ಟ್ವೀಟ್ ಗೆ ಅಭಿಮಾನಿಗಳಿಂದ ಸಿಕ್ಕಾಪಟ್ಟೆ ಕಾಮಂಟ್ಸ್ ಹರಿದುಬಂದಿದೆ. ಅಭಿಮಾನಿಗಳ ಕಾಮೆಂಟ್ಸ್ ಗಳ ಜೊತೆಗೆ ಒಡಿಸ್ಸಾ ಮೂಲಕ ವಕೀಲ ಮೆಹಂದಿ ರೇಜಾ ಹೆಸರಿನ ಖಾತೆಯಿಂದ ಅತ್ಯಾಚಾರ ಬೆದರಿಕೆ ಬಂದಿದೆ. 'ನಗರದ ಮಧ್ಯದಲ್ಲಿ ನಿಮ್ಮನ್ನು ಅತ್ಯಾಚಾರ ಮಾಡಬೇಕು' ಎಂದು ಕಾಮೆಂಟ್ ಹಾಕಿದ್ದಾನೆ. ಬಳಿಕ ಕಂಗನಾ ಅಭಿಮಾನಿಗಳು ಆತನ ವಿರುದ್ಧ ಮುಗಿಬಿದ್ದಾರೆ.

ಖಾತೆ ಹ್ಯಾಕ್ ಆಗಿದೆ ಎಂದ ವಕೀಲ

ಈ ಬಗ್ಗೆ ವಕೀಲ ಸಾಮಾಜಿಕ ಜಾಲತಾಣದಲ್ಲಿ ಪ್ರತಿಕ್ರಿಯೆ ನೀಡಿ, ಫೇಸ್ ಬುಕ್ ಖಾತೆ ಹ್ಯಾಕ್ ಆಗಿರುವುದಾಗಿ ಹೇಳಿದ್ದಾರೆ. 'ಈ ದಿನ ನನ್ನ ಖಾತೆಯನ್ನು ಹ್ಯಾಕ್ ಮಾಡಲಾಗಿದೆ. ಕೆಲವು ಅವಹೇಳನಕಾರಿ ಕಾಮೆಂಟ್ಸ್ ಪೋಸ್ಟ್ ಮಾಡಲಾಗಿದೆ. ಯಾವುದೇ ಮಹಿಳೆಯರು ಅಥವಾ ಯಾವುದೇ ಸಮುದಾಯದ ಬಗ್ಗೆ ಪೋಸ್ಟ್ ಮಾಡಿದ್ರೆ ಅದು ನನ್ನ ಅಭಿಪ್ರಾಯವಲ್ಲ. ನಾನು ತುಂಬಾ ಆಘಾತಕ್ಕೊಳಗಾಗಿದ್ದೇನೆ ಮತ್ತು ಕ್ಷಮೆಯಾಚಿಸುತ್ತೇನೆ. ನನ್ನ ಕ್ಷಮೆಯನ್ನು ಸ್ವೀಕರಿಸಿ ಮತ್ತು ಯಾರ ಭಾವನೆಗಾದರೂ ನೋವುಂಟು ಮಾಡಿದರೆ ಕ್ಷಮಿಸಬೇಕೆಂದು ವಿನಂತಿಸುತ್ತೇನೆ' ಎಂದು ಪ್ರತಿಕ್ರಿಯೆ ನೀಡಿದ್ದಾರೆ.

Recommended Video

ಮೈಸೂರಿನಲ್ಲಿ ಬೀಡುಬಿಟ್ಟ ಹರಿಪ್ರಿಯಾ, ನೀನಾಸಂ ಸತೀಶ್ | Filmibeat Kannada

ಕಾಮೆಂಟ್ ಡಿಲೀಟ್ ಮಾಡಲಾಗಿದೆ

ಬಳಿಕ ಈ ಕಾಮೆಂಟ್ ಅನ್ನು ಡಿಲೀಟ್ ಮಾಡಲಾಗಿದೆ.ಈ ಬಗ್ಗೆ ಕಂಗನಾ ಇನ್ನೂ ಪ್ರತಿಕ್ರಿಯೆ ನೀಡಿಲ್ಲ. ಕಂಗನಾ ಸದ್ಯ ಮನಾಲಿಯಲ್ಲಿದ್ದಾರೆ. ಸಹೋದರನ ಮದುವೆ ಸಂಭ್ರಮ ಮತ್ತು ನವರಾತ್ರಿ ಹಬ್ಬದ ಖುಷಿಯಲ್ಲಿದ್ದಾರೆ.