Don't Miss!
- News Toilet Photo Viral: ಕಡಿಮೆ ಖರ್ಚಿನಲ್ಲಿ 'ಲೀಕೆಜ್ ಟ್ಯಾಂಕರ್'ನಿಂದ ಟಾಯ್ಲೆಟ್ ನಿರ್ಮಾಣ: ನೀವೂ ಟ್ರೈ ಮಾಡಿ
- Sports IPL 2024: ಹೈದರಾಬಾದ್-ಡೆಲ್ಲಿ ನಡುವೆ ಮೆಗಾ ಫೈಟ್; ಟಾಸ್, ಆಡುವ 11ರ ಬಳಗದ ವರದಿ
- Automobiles ಭಾರತದಲ್ಲಿ 80 ಲಕ್ಷ ಸ್ಕೂಟರ್ ಮಾರಿದ ಜಪಾನ್ ಕಂಪನಿ: ವಿಶ್ವಗುರು ಭಾರತದಲ್ಲಿ ಎಲ್ಲವೂ ಸಾಧ್ಯ!
- Technology 6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು?
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಶೂಟಿಂಗ್ ವೇಳೆ ಅವಘಡ: ಗಾಯಗೊಂಡ ಕಂಗನಾ ಹಣೆ ಮೇಲೆ 15 ಹೊಲಿಗೆ
ಸ್ವಲ್ಪದರಲ್ಲಿಯೇ ನಟಿ ಕಂಗನಾ ಅಪಾಯದಿಂದ ಪಾರಾಗಿದ್ದಾರೆ. ಕೂದಲೆಳೆ ಅಂತರದಲ್ಲಿ ತಮ್ಮ ಕಣ್ಣಿಗೆ ಬೀಳುತ್ತಿದ್ದ ಭಾರಿ ಪೆಟ್ಟಿನಿಂದ ನಟಿ ಕಂಗನಾ ತಪ್ಪಿಸಿಕೊಂಡಿದ್ದಾರೆ. ಅದೃಷ್ಟವಶಾತ್ ಭಾರಿ ಗಂಡಾಂತರದಿಂದ ಬಚಾವ್ ಆಗಿರುವ ಕಂಗನಾ ಹಣೆ ಮೇಲೆ ಬರೋಬ್ಬರಿ 15 ಹೊಲಿಗೆ ಹಾಕಲಾಗಿದೆ.
'ಮಣಿಕಾರ್ನಿಕಾ - ದಿ ಕ್ವೀನ್ ಆಫ್ ಝಾನ್ಸಿ' ಚಿತ್ರದ ಚಿತ್ರೀಕರಣದ ಸಮಯದಲ್ಲಿ ಸಂಭವಿಸಿದ ಅವಘಡದಿಂದಾಗಿ ಇಂದು ನಟಿ ಕಂಗನಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುವಂತಾಗಿದೆ. ಮುಂದೆ ಓದಿರಿ...
ಅಸಲಿಗೆ ಆಗಿದ್ದೇನು.?
'ಮಣಿಕಾರ್ನಿಕಾ - ದಿ ಕ್ವೀನ್ ಆಫ್ ಝಾನ್ಸಿ' ಚಿತ್ರದ ಶೂಟಿಂಗ್ ನಲ್ಲಿ ನಟಿ ಕಂಗನಾ ಪಾಲ್ಗೊಂಡಿದ್ದರು. ಕತ್ತಿವರಸೆ ಸನ್ನಿವೇಶದ ಚಿತ್ರೀಕರಣ ನಡೆಯುತ್ತಿತ್ತು. ನಟ ನಿಹಾರ್ ಪಾಂಡ್ಯ ಜೊತೆ ಕಂಗನಾ ಕತ್ತಿವರಸೆ ಮಾಡಲು ಆರಂಭಿಸಿದರು. ಆಗಲೇ, ಅವಘಡ ನಡೆದಿದ್ದು.
ಹೇಗಾಯ್ತು.?
ಕತ್ತಿವರಸೆ ಮಾಡುವಾಗ ನಟಿ ಕಂಗನಾ ಟೈಮಿಂಗ್ ಮಿಸ್ ಮಾಡಿದರು. ಹೀಗಾಗಿ ನಿಹಾಲ್ ಪಾಂಡ್ಯ ರವರ ಕತ್ತಿ ಕಂಗನಾ ಹಣೆಗೆ ತಾಕಿತು. ಕತ್ತಿ ಚೂಪಾಗಿದ್ದ ಪರಿಣಾಮ ಕಂಗನಾ ಹುಬ್ಬುಗಳ ಮಧ್ಯೆ ರಕ್ತ ಚಿಮ್ಮಿತು.
ಹಣೆಗೆ 15 ಹೊಲಿಗೆ
ಕಂಗನಾ ಹಣೆಗೆ ಪೆಟ್ಟು ಬಿದ್ದಿದ್ರಿಂದಾಗಿ ತಕ್ಷಣ ಅವರನ್ನ ಅಪೋಲೋ ಆಸ್ಪತ್ರೆಗೆ ಕರೆದೊಯ್ಯಲಾಯ್ತು. ಸದ್ಯ ತೀವ್ರ ನಿಗಾ ಘಟಕದಲ್ಲಿ ಕಂಗನಾ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಕಂಗನಾ ಹಣೆಗೆ 15 ಹೊಲಿಗೆ ಹಾಕಲಾಗಿದೆ.
ಡ್ಯೂಪ್ ಬೇಡ ಎಂದಿದ್ದರಂತೆ.!
ಕತ್ತಿವರಸೆ ಸನ್ನಿವೇಶಕ್ಕೆ ಡ್ಯೂಪ್/ಬಾಡಿ ಡಬಲ್ಲಿಂಗ್ ಬೇಡ. ಸ್ವತಃ ತಾವೇ ಕಲಿತು ಮಾಡುವುದಾಗಿ ಕಂಗನಾ ಚಿತ್ರತಂಡಕ್ಕೆ ತಿಳಿಸಿದ್ದರಂತೆ. ಅದರಂತೆ ಅನೇಕ ಬಾರಿ ಈ ಸನ್ನಿವೇಶವನ್ನ ರಿಹರ್ಸಲ್ ಮಾಡಲಾಗಿತ್ತಂತೆ. ಆದರೆ ಇಂದು ಕಂಗನಾ ಟೈಮಿಂಗ್ ಮಿಸ್ ಮಾಡಿದ್ದರಿಂದಾಗಿ ಅವಘಡ ಸಂಭವಿಸಿದೆ.
ಕಾಸ್ಮೆಟಿಕ್ ಸರ್ಜರಿ ಮಾಡಬಹುದು
ಹುಬ್ಬುಗಳ ಮಧ್ಯೆ ಕತ್ತಿ ಇರಿತ ಸ್ವಲ್ಪ ಆಳವಾಗಿ ಇರುವ ಕಾರಣ 15 ಹೊಲಿಗೆ ಹಾಕಲಾಗಿದೆ. ಸ್ವಲ್ಪ ದಿನ ಕಳೆದ ಬಳಿಕ ಕಾಸ್ಮೆಟಿಕ್ ಸರ್ಜರಿ ಮಾಡಬೇಕಾಗಬಹುದು ಎಂದು ವೈದ್ಯರು ತಿಳಿಸಿದ್ದಾರೆ.