ಲೈಂಗಿಕ ಕಿರುಕುಳ ಪ್ರಕರಣ : ಕಂಗನಾ ಮತ್ತು ಸೋನಮ್ ಮಧ್ಯೆ ಡೈಲಾಗ್ ವಾರ್

ವಿವಾಸ್ ಭಾಲ್ ವಿರುದ್ಧ ಮಹಿಳೆಯೊಬ್ಬರ ಆರೋಪ

2015ರಲ್ಲಿ 'ಬಾಂಬೆ ವೆಲ್ವೆಟ್' ಚಿತ್ರದ ವೇಳೆ ನಿರ್ದೇಶಕ ವಿವಾಸ್ ಭಾಲ್ ನನ್ನ ಮೇಲೆ ಲೈಂಗಿಕ ಕಿರುಕುಳ ನೀಡಿದ್ದರು ಎಂದು ಅವರ ಸಂಸ್ಥೆಯಲ್ಲಿ ಕೆಲಸ ನಿರ್ವಹಿಸುತ್ತಿದ್ದ ಮಹಿಳೆಯೊಬ್ಬರು ಆರೋಪಿಸಿದ್ದರು. ಆ ಯುವತಿಗೆ ಬೆಂಬಲ ಸೂಚಿಸಿರುವ ನಟಿ ಕಂಗನಾ ವಿಕಾಸ್ ದೌರ್ಜನ್ಯ ಮಾಡಿರ್ತಾರೆ ಎಂದಿದ್ದಾರೆ.

ಮಹಿಳೆಗೆ ಬೆಂಬಲ ಸೂಚಿಸಿದ ಕಂಗನಾ

ಈ ಘಟನೆಯ ಬಗ್ಗೆ ಮಾತನಾಡಿದ ಕಂಗನಾ ''ಆ ಮಹಿಳೆ ಮಾಡಿರುವ ಆರೋಪದಲ್ಲಿ ಶೇ.100ರಷ್ಟು ಸತ್ಯವಿದೆ. ಅಲ್ಲದೇ ವಿಕಾಸ್ ನಿಂದ ನಾನು ಕೂಡ ಅದೇ ರೀತಿಯ ತೊಂದರೆಗೆ ಒಳಗಾಗಿದ್ದೇನೆ. 'ಕ್ವೀನ್' ಚಿತ್ರದ ವೇಳೆ ನನ್ನನ್ನು ಹಲವು ಬಾರಿ ಬಿಗಿಯಾಗಿ ತಬ್ಬಿಕೊಂಡಿದ್ದರು. ನನ್ನ ತಲೆ ಕೂದಲನ್ನ ಸ್ಮೆಲ್ ಮಾಡಿದ್ರು. ನಿನ್ನ ಸ್ಮೆಲಗ್ ಕಂಡ್ರೆ ನನಗೆ ತುಂಬಾ ಇಷ್ಟ ಎನ್ನುತ್ತಿದ್ದರು. ಅವರಿಂದ ಬಿಡಿಸಿಕೊಳ್ಳಲು ತುಂಬಾ ಕಷ್ಟ ಪಡ್ತಿದ್ದೆ. ಅವರಲ್ಲಿ ಏನೋ ಸಮಸ್ಯೆ ಇದೆ'' ಎಂದು ಹೇಳಿಕೆ ನೀಡಿದ್ದರು.

ಕಂಗನಾ ಬಗ್ಗೆ ತಮಾಷೆ ಮಾಡಿದ ಸೋನಮ್

ಬೆಂಗಳೂರಿನಲ್ಲಿ 'ವಿ ಆರ್ ವುಮೆನ್' ಕಾರ್ಯಕ್ರಮವೊಂದರಲ್ಲಿ ಭಾಗಿಯಾಗಿದ್ದ ನಟಿ ಸೋನಮ್ ಕಪೂರ್ ನಿರ್ದೇಶಕರ ವಿವಾಸ್ ಭಾಲ್ ಮೇಲೆ ಕಂಗನಾ ಮಾಡಿದ ಆರೋಪದ ಬಗ್ಗೆ ತಮ್ಮ ಅಭಿಪ್ರಾಯ ವ್ಯಕ್ತ ಪಡಿಸಿದ್ದರು. ''ಆಕೆಯ (ಕಂಗನಾ) ಬಳಿ ಸಾಕಷ್ಟು ಸಂಗತಿಗಳು ಇವೆ. ಆದರೆ, ಆಕೆಯನ್ನು ಗಂಭೀರವಾಗಿ ತೆಗೆದುಕೊಳ್ಳಲು ಕಷ್ಟ ಆಗುತ್ತದೆ. ಆಕೆ ತಾನು ನಂಬಿಕೊಂಡಿದ್ದನೂ ಹೇಳುವುದು ನನಗೆ ಇಷ್ಟ.'' ಎಂದು ತನ್ನ ಮಾತಿನ ಮೂಲಕ ತಮಾಷೆ ಮಾಡಿದ್ದರು.

ಸೋನಮ್ ಗೆ ಟಾಂಕ್ ಕೊಟ್ಟ ಕಂಗನಾ

ಸೋನಮ್ ಮಾತನ್ನ ಕೇಳಿಕೊಂಡ ಕಂಗಾನ ಸುಮ್ಮನೆ ಕೂರಲಿಲ್ಲ. ''ಸೋನಮ್ ಕಪೂರ್ ಕೆಲವು ಮಹಿಳೆಯನ್ನು ನಂಬುತ್ತಾರೆ. ಕೆಲವರನ್ನ ನಂಬುವುದಿಲ್ಲ. ನಾನು ನನ್ನ ತಂದೆಯ ಹೆಸರಿನ ಮೂಲಕ ಜನರಿಗೆ ಗೊತ್ತಾದವು ಅಲ್ಲ. ದಶಕಗಳ ಕಾಲ ಚಿತ್ರರಂಗದಲ್ಲಿ ಕಷ್ಟ ಪಟ್ಟು ಹೆಸರು ಗಳಿಸಿದ್ದೇನೆ.'' ಎಂದಿದ್ದಾರೆ.