Don't Miss!
- News Siddaramaiah: ಸಿಎಂ ಸಿದ್ದರಾಮಯ್ಯ ಕೊರಳಿಗೆ ಉಚಿತ ಬಸ್ ಟಿಕೆಟ್ಗಳ ಹಾರ ಹಾಕಿದ ವಿದ್ಯಾರ್ಥಿನಿ
- Sports ಟಿ20 ವಿಶ್ವಕಪ್ನಲ್ಲಿ ವಿರಾಟ್ ಕೊಹ್ಲಿಗೆ ಬ್ಯಾಟಿಂಗ್ ಕ್ರಮಾಂಕ ನೀಡಿದ ಆರೋನ್ ಫಿಂಚ್
- Finance ಮುಂಬೈನ ಅಲಿಬಾಗ್ನಲ್ಲಿ 10,000 ಚದರ ಅಡಿ ಜಾಗ ಖರೀದಿಸಿದ ಅಮಿತಾಭ್ ಬಚ್ಚನ್
- Lifestyle ರಾಜ್ಯದಲ್ಲಿ ಮುಂದಿನ 1 ವಾರ ಹವಾಮಾನ ಹೇಗಿರಲಿದೆ? ಎಲ್ಲೆಲ್ಲಿ ಮಳೆಯಾಗಲಿದೆ?
- Technology ಲಾವಾ ಅಗ್ನಿ 2 5G ಮೊಬೈಲ್ ಬೆಲೆಯಲ್ಲಿ ದಿಢೀರ್ ಇಳಿಕೆ; ಗ್ರಾಹಕರಿಗೆ ಖುಷಿ!
- Automobiles ಮಾರುಕಟ್ಟೆಯಲ್ಲಿ ಸುನಾಮಿ ಎಬ್ಬಿಸಲು ಹೊಸ ಟೊಯೊಟಾ ಫಾರ್ಚುನರ್ ಲೀಡರ್ ಎಡಿಷನ್ ಅನಾವರಣ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಡ್ರಗ್ಸ್ ಸೇವಿಸುತ್ತೇನೆಂದು ಒಪ್ಪಿಕೊಂಡಿದ್ದ ಕಂಗನಾ, ಈಗ ಹೇಳಿಕೆ ಉಲ್ಟಾ!
ಬಾಲಿವುಡ್ನಲ್ಲಿ 99% ಮಂದಿ ಡ್ರಗ್ಸ್ ಸೇವನೆ ಮಾಡುತ್ತಾರೆ, ನನಗೆ ಭದ್ರತೆ ಕೊಟ್ಟರೆ ಹೆಸರು ಹೇಳುತ್ತೇನೆ ಎಂದಿದ್ದ ಕಂಗನಾ ವಿರುದ್ಧವೇ ಈಗ ಡ್ರಗ್ಸ್ ವ್ಯಸನ ಹಾಗೂ ಡ್ರಗ್ಸ್ ತೆಗೆದುಕೊಳ್ಳಲು ಒತ್ತಾಯ ಪ್ರಕರಣ ದಾಖಲಾಗಿದೆ.
ಕಂಗನಾಳ ಮಾಜಿ ಪ್ರಿಯಕರ ಅಧ್ಯಯನ್, ಮೂರು ವರ್ಷದ ಹಳೆಯ ಸಂದರ್ಶನದಲ್ಲಿ ಕಂಗನಾ, ಡ್ರಗ್ಸ್ ಸೇವಿಸುತ್ತಾಳೆ, ನನ್ನನ್ನೂ ಡ್ರಗ್ಸ್ ಸೇವಿಸುವಂತೆ ಆಕೆ ಒತ್ತಾಯಿಸಿದ್ದಳು ಎಂದಿದ್ದರು. ಆ ವಿಡಿಯೋ ಈಗ ವೈರಲ್ ಆಗಿದ್ದು, ಕಂಗನಾ ವಿರುದ್ಧ ದೂರು ದಾಖಲಾಗಿದೆ.
ಡ್ರಗ್ಸ್ ಆರೋಪ ಸಾಬೀತಾದ್ರೆ ಶಾಶ್ವತವಾಗಿ ಮುಂಬೈ ಬಿಡುತ್ತೇನೆ: ನಟಿ ಕಂಗನಾ ಸವಾಲ್
ಆದರೆ ಇದಕ್ಕೆ ಪ್ರತಿಕ್ರಿಯಿಸಿರುವ ಕಂಗನಾ, 'ನಾನು ಈ ವರೆಗೆ ಡ್ರಗ್ಸ್ ಸೇವಿಸಿಲ್ಲ, ನಾನು ಎಲ್ಲಾ ರೀತಿಯ ತನಿಖೆಗೆ, ಪರೀಕ್ಷೆಗೆ ಸಿದ್ಧಳಿದ್ದೇನೆ, ಇದೊಂದು ದುರುದ್ದೇಶಪೂರ್ವಕ ದೂರು' ಎಂದಿದ್ದಾರೆ. ಆದರೆ ಕೆಲವು ತಿಂಗಳ ಹಿಂದಷ್ಟೆ ಕಂಗನಾ ಸ್ವತಃ, ತಾವು ಡ್ರಗ್ಸ್ ಸೇವಿಸುತ್ತಿದ್ದುದಾಗಿ ಹೇಳಿದ್ದರು!
ಡ್ರಗ್ಸ್ ಸೇವಿಸಿಯೇ ಇಲ್ಲ ಎಂದಿರುವ ಕಂಗನಾ
ಹೌದು, ಸ್ವತಃ ಕಂಗನಾ ರನೌತ್, ತಾನು ಡ್ರಗ್ಸ್ ಸೇವಿಸುತ್ತಿದ್ದುದಾಗಿ ವಿಡಿಯೋ ಒಂದರಲ್ಲಿ ಹೇಳಿದ್ದರು. ಆದರೆ ಈಗ ನಾನು ಈವರೆಗೆ ಡ್ರಗ್ಸ್ ಸೇವಿಸಿಯೇ ಇಲ್ಲ ಎಂದಿದ್ದಾರೆ. ಆದರೆ ಕಂಗನಾ ತಾನು ಡ್ರಗ್ಸ್ ಸೇವಿಸುತ್ತಿದುದಾಗಿ ಹೇಳಿದ್ದ ಹಳೆಯ ವಿಡಿಯೋ ಈಗ ವೈರಲ್ ಆಗಿದೆ.
ನಾನು ಡ್ರಗ್ಸ್ ಅಡಿಕ್ಟ್ ಆಗಿದ್ದೆ ಎಂದಿದ್ದ ಕಂಗನಾ
ವಿಡಿಯೋ ಒಂದರಲ್ಲಿ ತಾನು ಬಾಲಿವುಡ್ನಲ್ಲಿ ಅನುಭವಿಸಿದ ಸಂಕಷ್ಟಗಳ ಬಗ್ಗೆ ಹೇಳಿಕೊಂಡಿದ್ದ ಕಂಗನಾ, ನಾನು ಮನೆ ಬಿಟ್ಟು ಓಡಿಬಂದ ಒಂದೂವರೆ ವರ್ಷದಲ್ಲಿ ನಾನು ಸಿನಿಮಾ ನಟಿಯಾದೆ, ಅದೇ ಸಮಯದಲ್ಲಿ ನಾನು ಡ್ರಗ್ ವ್ಯಸನಿ ಆಗಿದ್ದೆ' ಎನ್ನುತ್ತಾರೆ. ಈ ವಿಡಿಯೋ ಬಹಳ ಹಳೆಯದ್ದೂ ಸಹ ಅಲ್ಲ.
ಕಂಗನಾಗೂ ಅಂಟಿದ ಡ್ರಗ್ಸ್ ನಂಟು: ಹಳೆ ವಿಡಿಯೋ ವೈರಲ್
ವ್ಯಕ್ತಿಯೊಬ್ಬ ಡ್ರಗ್ಸ್ ಕೊಟ್ಟಿದ್ದ ಎಂದಿದ್ದ ಕಂಗನಾ
ಅದು ಮಾತ್ರವಲ್ಲದೆ ಮತ್ತೊಂದು ವಿಡಿಯೋದಲ್ಲಿ ಕಂಗನಾ ತಮ್ಮ ಸಿನಿ ಜೀವನದ ಆರಂಭದಲ್ಲಿ ವ್ಯಕ್ತಿಯೊಬ್ಬ ನನಗೆ ಡ್ರಗ್ಸ್ ನೀಡುತ್ತಿದ್ದ ಎಂದು ಹೇಳಿಕೊಂಡಿದ್ದರು. ಆದರೆ ಆ ವ್ಯಕ್ತಿ ಬಲವಂತವಾಗಿ ಡ್ರಗ್ಸ್ ನೀಡಿದ್ದರು ಎಂದು ಆರೋಪಿಸಿದ್ದರು. ವಿಡಿಯೋದಲ್ಲಿ ವ್ಯಕ್ತಿಯ ಹೆಸರು ಹೇಳಿರಲಿಲ್ಲ.
Recommended Video
ಕಂಗನಾ ವಿರುದ್ಧ ಪ್ರಕರಣ ದಾಖಲು
ಇದೀಗ ಮಹಾರಾಷ್ಟ್ರ ಪೊಲೀಸರು ಕಂಗನಾ ವಿರುದ್ಧ ಪ್ರಕರಣ ದಾಖಲಿಸಿದ್ದು, ಡ್ರಗ್ಸ್ ಪ್ರಕರಣದಲ್ಲಿ ಕಂಗನಾ ವಿಚಾರಣೆ ನಡೆಯಲಿದೆ. ಕಂಗನಾ ಕಚೇರಿಯನ್ನು, ಮುಂಬೈ ನಗರ ಪಾಲಿಕೆ ಕೆಡವುವ ಕಾರ್ಯ ಪ್ರಾರಂಭಿಸಿದೆ. ಬಾಂಬೆ ಹೈಕೋರ್ಟ್ ತಡೆ ನೀಡಿದ್ದರಿಂದ ಕಾರ್ಯ ಅರ್ಧಕ್ಕೆ ನಿಂತಿದೆ.