For Quick Alerts
    ALLOW NOTIFICATIONS  
    For Daily Alerts

    ಸಮಂತಾ ಅಕ್ಕಿನೇನಿಯನ್ನು ಕೊಂಡಾಡಿದ ಕಂಗನಾ ರನೌತ್

    |

    ನಟಿ ಸಮಂತಾ ಅಕ್ಕಿನೇನಿ ಅಭಿನಯಿಸಿರುವ ವೆಬ್ ಸರಣಿ 'ದಿ ಫ್ಯಾಮಿಲಿ ಮ್ಯಾನ್' ಸೀಸನ್ 2 ನ ಟ್ರೇಲರ್ ನಿನ್ನೆಯಷ್ಟೆ ಬಿಡುಗಡೆ ಆಗಿದ್ದು ಟ್ರೇಲರ್‌ ನೋಡಿದ ಹಲವರು ಸಮಂತಾ ಅಭಿನಯಕ್ಕೆ ಮಾರುಹೋಗಿದ್ದಾರೆ.

    ಹಲವಾರು ಮಂದಿ ನಟ-ನಟಿಯರು ಸಮಂತಾ ಅಭಿನಯವನ್ನು ಕೊಂಡಾಡಿದ್ದಾರೆ. ಸಮಂತಾ ಪತಿ ನಾಗಚೈತನ್ಯ, ತೆಲುಗಿನ ಇನ್ನೂ ಕೆಲವು ನಟ-ನಟಿಯರ ಜೊತೆಗೆ ಬಾಲಿವುಡ್‌ನ ನಟಿಯರು ಸಹ ಸಮಂತಾ ಅಭಿನಯಕ್ಕೆ ಮಾರು ಹೋಗಿದ್ದಾರೆ.

    ಸಹನಟಿಯರ ಬಗ್ಗೆ ಬಹಳ ಅಪರೂಪಕ್ಕೆ ಒಳ್ಳೆಯ ಮಾತಾಡುವ ನಟಿ ಕಂಗನಾ ರನೌತ್ ಸಹ ಸಮಂತಾ ಅಭಿನಯವನ್ನು ಹೊಗಳಿದ್ದಾರೆ. ಟ್ರೇಲರ್‌ನಲ್ಲಿನ ಸಮಂತಾರ ಚಿತ್ರವನ್ನು ಹಂಚಿಕೊಂಡಿರುವ ಕಂಗನಾ ರನೌತ್, 'ಈ ಹುಡುಗಿ ನನ್ನ ಹೃದಯ ಗೆದ್ದಿದ್ದಾಳೆ' ಎಂದು ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಹಾಕಿದ್ದಾರೆ.

    ಕೆಲವೇ ತಿಂಗಳುಗಳ ಹಿಂದೆ ಸಮಂತಾ, ಕಂಗನಾ ರನೌತ್ ನಟನೆಯ 'ತಲೈವಿ' ಸಿನಿಮಾದ ಹಾಡೊಂದನ್ನು ಬಿಡುಗಡೆ ಮಾಡಿದ್ದರು. ಆಗಲೂ ಸಹ ಕಂಗನಾ, ಸಮಂತಾಗೆ ಸಾಮಾಜಿಕ ಜಾಲತಾಣ ಮೂಲಕ ಧನ್ಯವಾದ ತಿಳಿಸಿದ್ದರು. ಆಗ ಸಮಂತಾ, ಕಂಗನಾರ ನಟನೆಯನ್ನು ಹೊಗಳಿ ಟ್ವೀಟ್ ಮಾಡಿದ್ದರು.

    ಕಂಗನಾ ರನೌತ್ ಮಾತ್ರವೇ ಅಲ್ಲದೆ ಬಾಲಿವುಡ್‌ನ ಪ್ರತಿಭಾವಂತ ನಟಿ ತಾಪ್ಸಿ ಪನ್ನು ಸಹ ಸಮಂತಾ ಅಕ್ಕಿನೇನಿಯ ನಟನೆಯನ್ನು ಹೊಗಳಿದ್ದಾರೆ. ಟ್ವೀಟ್ ಮಾಡಿರುವ ತಾಪ್ಸಿ ಪನ್ನು, 'ಸಮಂತಾ, ನಿನ್ನನ್ನು ಈ ಹೊಸ ಅವತಾರದಲ್ಲಿ ಹೊಸ ಮಾಧ್ಯಮದ ಮೂಲಕ (ವೆಬ್ ಸರಣಿ) ನೋಡಲು ಉತ್ಸುಕತೆಯಿಂದ ಕಾಯುತ್ತಿದ್ದೇನೆ' ಎಂದಿದ್ದಾರೆ. ತಾಪ್ಸಿ ಟ್ವೀಟ್‌ಗೆ ಧನ್ಯವಾದ ಹೇಳಿದ್ದಾರೆ ಸಮಂತಾ.

    ನಿರ್ದೇಶಕ Prashanth Raj ಅವರಿಗೆ ಏನಾಯ್ತು ? | Filmibeat Kannada

    'ದಿ ಫ್ಯಾಮಿಲಿ ಮ್ಯಾನ್' ಸೀಸನ್ 2 ವೆಬ್ ಸರಣಿಯಲ್ಲಿ ಎಲ್‌ಟಿಟಿಇ ಉಗ್ರಳ ಪಾತ್ರದಲ್ಲಿ ಸಮಂತಾ ನಟಿಸಿದ್ದು, ಇದೇ ಮೊದಲ ಬಾರಿಗೆ ವಿಲನ್ ಪಾತ್ರದಲ್ಲಿ ಸಮಂತಾ ಕಾಣಿಸಿಕೊಂಡಿದ್ದಾರೆ. ವೆಬ್ ಸರಣಿಯಲ್ಲಿ ಮನೋಜ್ ಭಾಜಪೇಯಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದು, ಪ್ರಿಯಾಮಣಿ ಸಹ ನಟಿಸಿದ್ದಾರೆ. ವೆಬ್ ಸರಣಿಯು ಜೂನ್ 4 ರಂದು ಅಮೆಜಾನ್ ಪ್ರೈಂ ಒಟಿಟಿಯಲ್ಲಿ ಬಿಡುಗಡೆ ಆಗಲಿದೆ.

    English summary
    Bollywood actress Kangana Ranaut praises Samantha Akkineni's acting in The Family Man seson 2 trailer.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X