ಕಂಗನಾ ರಿಜೆಕ್ಟ್ ಮಾಡಿದ್ದ ಈ ಐದು ಸಿನಿಮಾಗಳು ಸೂಪರ್ ಹಿಟ್

ಡರ್ಟಿ ಗರ್ಲ್ ಆಗಲ್ಲ ಎಂದಿದ್ದರು ಕಂಗನಾ

2011ರಲ್ಲಿ ರಿಲೀಸ್ ಆಗಿದ್ದ 'ದಿ ಡರ್ಟಿ ಪಿಕ್ಚರ್' ಸಿನಿಮಾಗೆ ಮೊದಲು ಕಂಗನಾ ಗೆ ಆಫರ್ ಮಾಡಲಾಗಿತ್ತಂತೆ. ಫ್ಯಾಷನ್ ಬೆಡಗಿ ನೋ ಅಂದ ಕಾರಣಕ್ಕೆ ವಿದ್ಯಾ ಬಾಲನ್ ಕಾಣಿಸಿಕೊಂಡಿದ್ದರು. ಸೌತ್ ಸಿನಿ ಇಂಡಸ್ಟ್ರಿಯ ಖ್ಯಾತ ನಟಿ ಸಿಲ್ಕ್ ಸ್ಮಿತಾ ಅವರ ಜೀವನಾಧರಿತ ಸಿನಿಮಾ ಇದಾಗಿತ್ತು. ಏಕ್ತಾ ಕಪೂರ್ ನಿರ್ಮಾಣದಲ್ಲಿ ಮೂಡಿಬಂದ 'ದಿ ಡರ್ಟಿ ಪಿಕ್ಚರ್' ಬಾಲಿವುಡ್ ನಲ್ಲಿ ದೊಡ್ಡ ಯಶಸ್ಸು ಕಂಡಿತ್ತು.

ಭಾಯಿಜಾನ್ ಸಿನಿಮಾ ರಿಜೆಕ್ಟ್ ಮಾಡಿದ್ದ ಕ್ವೀನ್

2016ರಲ್ಲಿ ಬಾಲಿವುಡ್ ನಲ್ಲಿ ಸಂಚಲನ ಸೃಷ್ಟಿಸಿದ್ದ 'ಭಜರಂಗಿ ಭಾಯಿಜಾನ್' ಚಿತ್ರವನ್ನು ತಿರಸ್ಕರಿಸಿದ್ರಂತೆ ಕಂಗನಾ. ನಿರ್ದೇಶಕ ಕಬೀರ್ ಖಾನ್, ಚಿತ್ರದ ನಾಯಕಿ ಪಾತ್ರವನ್ನು ಕಂಗನಾ ಮಾಡಿದ್ರೆ ಚೆನ್ನಾಗಿರುತ್ತೆ ಎಂದು ಈ ಸಿನಿಮಾ ಆಫರ್ ಕಂಗನಾ ಮುಂದಿಟ್ಟರೆ, ಗಂಭೀರವಾಗಿ ಯೋಚಿಸದ ಕಂಗನಾ ನೋ ಅಂದಿದ್ರಂತೆ. ನಂತರ ಕರೀನಾ ಕಪೂರ್ ಸಲ್ಲು ಜೊತೆ ಡುಯೇಟ್ ಹಾಡಿದ್ರು.

ಮತ್ತೊಮ್ಮೆ ಸಲ್ಲು ಸಿನಿಮಾ ರಿಜೆಕ್ಟ್ ಮಾಡಿದ ಕಂಗನಾ

ಬಾಕ್ಸಾಫಿಸ್ ಸುಲ್ತಾನ್ ಸಲ್ಮಾನ್ ಖಾನ್ ಜೊತೆ ಅಭಿನಯಿಸಲು ಮತ್ತೊಮ್ಮೆ ಅವಕಾಶ ಸಿಕ್ಕಿದ್ದರು ಸಹ ಆ ಅದನ್ನು ರಿಜೆಕ್ಟ್ ಮಾಡಿದ್ದರು ಕಂಗನಾ. 2016ರಲ್ಲಿ ರಿಲೀಸ್ ಆದ ಅಲಿ ಅಬ್ಬಾಸ್ ಜಫರ್ ನಿರ್ದೇಶನದ 'ಸುಲ್ತಾನ್' ಚಿತ್ರದ ನಾಯಕಿ ಪಾತ್ರಕ್ಕೆ ಮೊದಲು ಕಂಗನಾ ಅವರನ್ನು ಕೇಳಲಾಗಿತ್ತಂತೆ. ಆದರೆ ಕಂಗನಾ ನಿರಾಕರಿಸದ ಕಾರಣ ಆ ಪಾತ್ರವನ್ನ ಅನುಷ್ಕಾ ಶರ್ಮಾ ಮಾಡಿ ಸೈ ಎನಿಸಿಕೊಂಡರು. ಈ ಚಿತ್ರವೂ ಸೂಪರ್ ಹಿಟ್ ಆಯಿತು.

ಅಕ್ಷಯ್ ಕುಮಾರ್ ಸಿನಿಮಾ ಬಿಟ್ಟ ಕಂಗನಾ

2016ರಲ್ಲಿ ರಿಲೀಸ್ ಆಗಿದ್ದ ಬಾಲಿವುಡ್ ನ ಮತ್ತೊಂದು ಹಿಟ್ ಸಿನಿಮಾ 'ಏರ್ ಲಿಫ್ಟ್'. ಈ ಸಿನಿಮಾದಲ್ಲೂ ಅಭಿನಯಿಸಲ್ಲ ಎಂದಿದ್ದರಂತೆ ಕಂಗನಾ. ಬೇರೆ ಪ್ರಾಜೆಕ್ಟ್ ನಲ್ಲಿ ಬ್ಯುಸಿ ಇದ್ದ ಕಾರಣ ಏರ್ ಲಿಫ್ಟ್ ನಲ್ಲಿ ಅಭಿನಯಿಸಲು ಸಾಧ್ಯವಿಲ್ಲ ಎಂದು ತಿರಸ್ಕರಿಸಿದ್ದರಂತೆ ಕಂಗನಾ. ನಂತರ ಕಂಗನಾ ಪಾತ್ರದಲ್ಲಿ ನಿಮ್ರತ್ ಕೌರ್ ಕಾಣಿಸಿಕೊಂಡಿದ್ದರು.

ಸಂಜು ಮಿಸ್ ಮಾಡಿಕೊಂಡ ಕಂಗನಾ

ಒಂದೇ ವರ್ಷದಲ್ಲಿ ಮೂರು ಸೂಪರ್ ಹಿಟ್ ಸಿನಿಮಾ ರಿಜೆಕ್ಟ್ ಮಾಡಿದ್ದ ಕಂಗನಾ, ಮತ್ತದೆ ತಪ್ಪನ್ನು 'ಸಂಜು' ಸಿನಿಮಾ ವಿಚಾರದಲ್ಲೂ ಮಾಡಿದ್ರು. 2018ರಲ್ಲಿ ರಿಲೀಸ್ ಆದ ರಣಬೀರ್ ಅಭಿನಯದ 'ಸಂಜು' ಸಿನಿಮಾದಲ್ಲಿ ಮಾನ್ಯತಾ ದತ್ ಪಾತ್ರಕ್ಕೆ ಕಂಗನಾ ಅವರನ್ನು ಆಫರ್ ಮಾಡಲಾಗಿತ್ತಂತೆ. ಆದರೆ ಕಂಗನಾ ಒಪ್ಪಲಿಲ್ಲ. ಕೊನೆಗೂ ಆ ಸಿನಿಮಾನೂ ಬಹುದೊಡ್ಡ ಯಶಸ್ಸು ಪಡೆಯಿತು.