ಸ್ವಂತ ತಂದೆಯ ಮೇಲೆಯೇ ಕೈ ಎತ್ತಿದ್ದೇಕೆ ನಟಿ ಕಂಗನಾ ರಣಾವತ್?

ತಂದೆಗೆ ಹೊಡೆಯಲು ಹೋಗಿದ್ದ ಕಂಗನಾ

ವಿದ್ಯಾಭ್ಯಾಸದ ಬಗ್ಗೆ ಹೇಳಿದ್ದಕ್ಕೆ ತಂದೆಯ ಮೇಲೆಯೆ ಕೈ ಎತ್ತಲು ಮುಂದಾಗಿದ್ದೆ ಎಂದು ಕಂಗನಾ ಹೇಳಿದ್ದಾರೆ. ಅಪ್ಪನಿಗೆ ನನ್ನನ್ನು ಡಾಕ್ಟರ್ ಮಾಡಬೇಕು ಎನ್ನುವ ಆಸೆ ಇತ್ತು. ಉತ್ತಮ ಶಾಲೆಗೆ ಸೇರಿಸಿ ಕ್ರಾಂತಿಕಾರಿ ತಂದೆ ಎನಿಸಿಕೊಳ್ಳಬೇಕು ಎಂದುಕೊಂಡಿದ್ದರು. ಆದರೆ ನನಗೆ ಅದು ಇಷ್ಟವಿರಲಿಲ್ಲ. ಹಾಗಾಗಿ ನನಗೆ ಹೊಡೆಯಲು ಬಂದರು. ಆಗ ನಾನು ನನಗೆ ಹೊಡೆದರೆ ನಾನು ನಿಮಗೆ ತಿರುಗಿ ಹೊಡೆಯುತ್ತೇನೆ ಎಂದು ಎಚ್ಚರಿಕೆ ನೀಡಿದ್ದೆ. ಅವತ್ತೇ ಸಂಬಂಧ ಕೊನೆಯಾಯಿತು' ಎಂದಿದ್ದಾರೆ.

ನನ್ನನ್ನು ಯಾರು ಪಂಜರದಲ್ಲಿ ಇರಿಸಲು ಸಾಧ್ಯವಿಲ್ಲ

'ನಾನು ನನ್ನ ಗಡಿ ಮೀರಿದೆ ಎನ್ನುವುದು ಗೊತ್ತಾಯಿತು. ಆ ಘಟನೆ ನನ್ನ ದೃಷ್ಟಿಯಿಂದ ಏನೋ ಬದಲಾವಣೆ ಆಯಿತು. ಸ್ವಾತಂತ್ರ್ಯಕ್ಕಾಗಿ ನಾನು ಯಾವ ಮಟ್ಟಕ್ಕೆ ಬೇಕಾದರೂ ಹೋಗಬಲ್ಲೆ ಎಂಬುದನ್ನು ಈ ಘಟನೆಯಿಂದ ಅರ್ಥ ಮಾಡಿಕೊಳ್ಳಬಹುದು. ನನ್ನನ್ನು ಯಾರು ಪಂಜರದಲ್ಲಿ ಇಡಲು ಸಾಧ್ಯವಿಲ್ಲ' ಎಂದಿದ್ದಾರೆ.

ದೇಶದ ಪ್ರಭಾವಿ ಧ್ವನಿಗಳಲ್ಲಿ ನನ್ನದು ಒಂದು

ಯಶಸ್ಸು ನನ್ನ ತೆಲೆಗೆ ಏರಿದೆ ಎಂದು ಈ ಚಿಲ್ಲರ್ ಇಂಡಸ್ಟ್ರಿ ತಿಳಿದುಕೊಂಡಿದೆ. ನನ್ನನ್ನು ನಿಯಂತ್ರಿಸಬಹುದು ಎಂದುಕೊಂಡಿದ್ದಾರೆ. ಯಶಸ್ಸಿನ ನಂತರ ನನ್ನ ಧ್ವನಿ ಬದಲಾಯಿತು. ಇಂದು ದೇಶದ ಪ್ರಭಾವಿ ಧ್ವನಿಗಳಲ್ಲಿ ಒಂದಾಗಿದೆ. ನನ್ನನ್ನು ಹದ್ದುಬಸ್ತಿನಲ್ಲಿ ಇಡಬೇಕು ಎಂದುಕೊಂಡ ಬಂದವರನ್ನು ನಾನೆ ಹದ್ದುಬಸ್ತಿನಲ್ಲಿ ಇಟ್ಟಿದ್ದೇನೆ' ಎಂದು ಹೇಳಿದ್ದಾರೆ.

Recommended Video

ರಾಜ್ ಕುಮಾರ್ ಸಹಾಯ ಸ್ಮರಿಸಲು ದರ್ಶನ್ ತಂದೆ ಮಾಡಿದ ಕೆಲಸ ಇದು | Filmibeat Kannada

ಮಾಫಿಯಾ ಕೈಗೆ ಸಿಕ್ಕಿ ಹಾಕಿಕೊಂಡಿದ್ದ ಕಂಗನಾ

ಅವಕಾಶಕ್ಕಾಗಿ ಮುಂಬೈನಲ್ಲಿ ಅಲೆಯುತ್ತಿದ್ದ ಕಂಗನಾ ರಣೌತ್ ತಮ್ಮ 16ನೇ ವಯಸ್ಸಿಗೆ ಭೂಗತಲೋಕದ ಮಾಫಿಯಾ ಕೈಗೆ ಸಿಕ್ಕಿ ಹಾಕಿಕೊಂಡರಂತೆ. ಈ ಬಗ್ಗೆ ಹಿಂದೆ ವಿಡಿಯೋ ಒಂದರಲ್ಲಿ ಮಾತನಾಡಿದ್ದರು ಕಂಗನಾ, 'ಸೌದಿ ದೊರೆಗಳಿಗೆ ನನ್ನನ್ನು ಮಾರಲು ಯತ್ನಿಸಿದ್ದರು. ಒಬ್ಬ ವ್ಯಕ್ತಿ ನನ್ನನ್ನು ಕೂಡಿ ಹಾಕಿ ಲೈಂಗಿಕವಾಗಿ, ಮಾನಸಿಕವಾಗಿ, ದೈಹಿಕವಾಗಿ ಹಿಂಸೆ ಕೊಟ್ಟಿದ್ದ' ಎಂದು ಇತ್ತಿಚಿಗಷ್ಟೆ ಹೇಳಿಕೊಂಡಿದ್ದರು.