Don't Miss!
- Automobiles ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- Lifestyle ಹನುಮಂತನ ಪವಾಡ: ಈ ದೇವಾಲಯದಲ್ಲಿ ಹನುಮಾನ್ ಮೂರ್ತಿ ವರ್ಷದಿಂದ ವರ್ಷಕ್ಕೆ ಎತ್ತರ ಬೆಳೆಯುತ್ತಿದೆ!
- News ಮೀಸಲಾತಿ ಅಸ್ತ್ರ ಪ್ರಯೋಗಿಸಿದ ಮೋದಿ; ಮುಸ್ಲಿಂ ಸಮುದಾಯಕ್ಕೆ 4% ಮೀಸಲಾತಿ: ಸಿದ್ದರಾಮಯ್ಯ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Finance Lok Sabha Election 2024: ಮತದಾನ ಮಾಡಿ ಹೋಟೆಲ್ಗಳಲ್ಲಿ ಫ್ರೀಯಾಗಿ, ರಿಯಾಯಿತಿಯಲ್ಲಿ ಟಿಫನ್ ತಿನ್ನಿ!
- Technology Qubo InstaView ವಿಡಿಯೋ ಡೋರ್ ಫೋನ್ ಲಾಂಚ್!..ಬೆಲೆ ಎಷ್ಟು, ಫೀಚರ್ಸ್ ಏನಿವೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹಳೆ ದ್ವೇಷ ಬದಿಗಿಟ್ಟು ಸೋನು ಸೂದ್ಗೆ ಮನವಿ ಮಾಡಿದ ಕಂಗನಾ
ಹಳೆಯ ದ್ವೇಷವನ್ನು ಬದಿಗಿಟ್ಟು ನಟಿ ಕಂಗನಾ ರನೌತ್, ಸೋನು ಸೂದ್ಗೆ ಮನವಿಯೊಂದನ್ನು ಮಾಡಿದ್ದಾರೆ.
ನಟ ಸೋನು ಸೂದ್ ಅವರು ಪಂಜಾಬ್ ರಾಜ್ಯದ ಕೊರೊನಾ ವ್ಯಾಕ್ಸಿನ್ ಅಭಿಯಾನದ ಅಧಿಕೃತ ರಾಯಭಾರಿ ಆಗಿದ್ದಾರೆ. ಜೊತೆಗೆ ಕೋಟ್ಯಂತರ ಅಭಿಮಾನಿಗಳನ್ನು ಹೊಂದಿರುವ ಅವರು ಕೊರೊನಾ ಕುರಿತಂತೆ ಜಾಗೃತಿ ಮೂಡಿಸುವ ಕಾರ್ಯದಲ್ಲಿ ತೊಡಗಿದ್ದಾರೆ.
ಹಾಗಾಗಿ ನಟಿ ಕಂಗನಾ ರನೌತ್, 'ಭಾರತದಲ್ಲಿ ತಯಾರಿಸಲಾದ ಕೊರೊನಾ ಲಸಿಕೆಯನ್ನೇ ಪಡೆಯುವಂತೆ ಪ್ರಚಾರ ಮಾಡಿ' ಎಂದು ಸೋನು ಸೂದ್ಗೆ ಸಾಮಾಜಿಕ ಜಾಲತಾಣದ ಮೂಲಕ ಮನವಿ ಮಾಡಿದ್ದಾರೆ.
ಸೋನು ಸೂದ್, ತಮಗೆ ಕೊರೊನಾ ನೆಗೆಟಿವ್ ಆದ ಬಗ್ಗೆ ಮಾಡಿರುವ ಟ್ವೀಟ್ಗೆ ಪ್ರತಿಕ್ರಿಯಿಸಿರುವ ಕಂಗನಾ, 'ಸೋನು ಜೀ, ನೀವು ಕೊರೊನಾ ವ್ಯಾಕ್ಸಿನ್ ಮೊದಲ ಡೋಸೇಜ್ ಪಡೆದುಕೊಂಡಿದ್ದಿರಿ, ಹಾಗಾಗಿ ನೀವು ಬಹುಬೇಗ ಹುಷಾರಾಗಿದ್ದೀರಿ. ಭಾರತದಲ್ಲಿ ತಯಾರಾದ ವ್ಯಾಕ್ಸಿನ್ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ ಎಂಬುದಕ್ಕೆ ನೀವೇ ಉದಾಹರಣೆ. ಹೆಚ್ಚು-ಹೆಚ್ಚು ಜನ ಭಾರತದಲ್ಲಿ ತಯಾರಾದ ವ್ಯಾಕ್ಸಿನ್ ಅನ್ನೇ ಬಳಸುವಂತೆ ಮನವಿ ಮಾಡಿ. ಇಲ್ಲವಾದಲ್ಲಿ ವ್ಯಾಕ್ಸಿನ್ಗಳು ಕಳೆದ ಬಾರಿ ಆದಂತೆ ಎಕ್ಸ್ಪೈರ್ ಆಗಿಬಿಡುತ್ತವೆ' ಎಂದಿದ್ದಾರೆ ಕಂಗನಾ.
ನಟಿ ಕಂಗನಾ ರನೌತ್ ಹಾಗೂ ಸೋನು ಸೂದ್ ಮಧ್ಯೆ ಎಲ್ಲವೂ ಸರಿಯಿಲ್ಲ. ಕಂಗನಾ ರನೌತ್ ನಟಿಸಿದ್ದ 'ಮಣಿಕರ್ಣಿಕ' ಸಿನಿಮಾದಲ್ಲಿ ಸೋನು ಸೂದ್ ನಟಿಸಿದ್ದರು. ಕೆಲವೇ ದಿನಗಳ ಚಿತ್ರೀಕರಣದ ನಂತರ ಸೋನು ಸೂದ್ ಅನ್ನು ಚಿತ್ರದಿಂದ ಹೊರಗೆ ಹಾಕಿದರು ಕಂಗನಾ. ಇದು ಭಾರಿ ವಿವಾದ ಎಬ್ಬಿಸಿತ್ತು. ಸೋನು ಸೂದ್ ಬಗ್ಗೆ ಮಾಧ್ಯಮಗಳಲ್ಲಿ ಲಘುವಾಗಿ ಸಹ ಕಂಗನಾ ಮಾತನಾಡಿದ್ದರು. ಆ ನಂತರ ಈ ಇಬ್ಬರೂ ಒಟ್ಟಿಗೆ ಕೆಲಸ ಮಾಡಿಲ್ಲ.
Recommended Video
ಇದೀಗ ಸೋನು ಸೂದ್ ಅವರು ಕೊರೊನಾ ಸಮಯದಲ್ಲಿ ತಮ್ಮ ಸತತ ಸಮಾಜ ಸೇವೆಯಿಂದಾಗಿ ದೇಶದ ಬಹುಮೆಚ್ಚಿನ ಸಿನಿಮಾ ಸೆಲೆಬ್ರಿಟಿಗಳಲ್ಲಿ ಒಬ್ಬರಾಗಿದ್ದಾರೆ.