ಕೊಲೆ ಬೆದರಿಕೆ ಬಂದಿತ್ತು; ಕೊರೊನಾ ಸೋಂಕು ತಗುಲಿದ್ದ ಭಾರತದ ಮೊದಲ ಸೆಲೆಬ್ರಿಟಿ ಕನಿಕಾ ಭಾವುಕ ನುಡಿ

ಎದುರಿಸಿದ ಕಷ್ಟದ ಬಗ್ಗೆ ಕನಿಕಾ ಪ್ರತಿಕ್ರಿಯೆ

ಕನಿಕಾ ಅವರ ಅಜಾಗರೂಕತೆಯೇ ಕಾರಣವೆಂದು ಸಾರ್ವಜನಿಕರು ಜರಿದಿದ್ದರು. ಕೊರೊನಾಗಿಂತ ಕನಿಕಾ ಟೀಕೆಗಳಿಂದ ಮಾನಸಿಕವಾಗಿ ಕುಗ್ಗಿ ಹೋಗಿದ್ದರು. ಆ ಸಮಯದಲ್ಲಿ ಕನಿಕಾ ಎದುರಿಸಿದ ಸಂಕಷ್ಟಗಳ ಬಗ್ಗೆ ಈಗ ಪ್ರತಿಕ್ರಿಯೆ ನೀಡಿದ್ದಾರೆ. ಮೊದಲ ಬಾರಿಗೆ ಸಂದರ್ಶನವೊಂದರಲ್ಲಿ ಮಾತನಾಡಿರುವ ಕನಿಕಾ ಬೇಸರ ವ್ಯಕ್ತಪಡಿಸಿದ್ದಾರೆ.

ನನಗೆ ನನ್ನ ಮಕ್ಕಳಿಗೆ ಕೊಲೆ ಬೆದರಿಕೆ ಬಂದಿತ್ತು

'ಈ ಹಂತದಲ್ಲಿ ನಾನು ತುಂಬಾ ನೊಂದು ಹೋಗಿದ್ದೆ, ಯಾಕೆಂದರೆ ಕೊಲೆ ಬೆದರಿಕೆ ಕರೆಗಳು ಬರುತ್ತಿತ್ತು. ನಿಮ್ಮಂತೆ ನಿಮ್ಮ ಮಕ್ಕಳನ್ನು ಕಲ್ಲುತ್ತೇವೆ ಎಂದು ಬೆದರಿಸುತ್ತಿದ್ದರು. ಅನೇಕ ಕೆಟ್ಟ ಸಂದೇಶಗಳನ್ನು ಕಳುಹಿಸುತ್ತಿದ್ದರು. ನಿನ್ನ ವೃತ್ತಿ ಜೀವನ ಮುಗಿಯಿತು ಎಂದು ಅನೇಕರು ಹೆದರಿಸುತ್ತಿದ್ದರು. ಆದರೆ ಯಾರಿಗೂ ಗೊತ್ತಿಲ್ಲ ಸಿಂಪಲ್ ತಾಯಿಯಾಗಿ ಮಕ್ಕಳಿಂದ ದೂರ ಉಳಿದು ತುಂಬಾ ಕಷ್ಟ ಪಟ್ಟು ಈ ಜೀವನ ಕಟ್ಟಿಕೊಂಡಿದ್ದೇನೆ' ಎಂದು ಹೇಳಿದ್ದಾರೆ.

ಗೂಗಲ್ ನೀಡಿದ ಪಟ್ಟ ಸಂತೋಷ ತಂದಿಲ್ಲ

ಕಷ್ಟದ ಸಮಯದಲ್ಲಿ ಜೊತೆಯಲ್ಲಿ ನಿಂತು, ಅದರಿಂದ ಹೊರಬರಲು ಸಹಾಯ ಮಾಡಿದ ಕುಟುಂಬಕ್ಕೆ ಧನ್ಯವಾದ ತಿಳಿಸಿದ್ದಾರೆ. ಜೊತೆಗೆ ಗೂಗಲ್‌ನಲ್ಲಿ ಅತೀಯಾದ ಹುಡುಕಲ್ಪಟ್ಟ ಸೆಲೆಬ್ರಿಟಿ ಎನ್ನುವ ಬಿರುದಿನ ಬಗ್ಗೆ ಮಾತನಾಡಿ, ಯಾವುದೇ ಆಚರಣೆ, ಸಂತೋಷ ಇರಲಿಲ್ಲ. ಯಾಕೆಂದರೆ ಒಳ್ಳೆಯ ಕಾರಣಕ್ಕೆ ಹುಡುಕಿದಲ್ಲ ಹಾಗಾಗಿ ಎಂದಿದ್ದಾರೆ.

ಬಾಲಿವುಡ್ ಗಾಯಕಿಗೆ ಕೊರೊನಾ ವೈರಸ್: ಕನಿಕಾ ಉದ್ಧಟತನದಿಂದ ಶುರುವಾಯ್ತು ಆತಂಕ

Recommended Video

ಅಮೆರಿಕದಲ್ಲಿ ಒಂದು ದಿನ ಮುಂಚಿತವಾಗಿ ರಿಲೀಸಾಗ್ತಿದೆ ಯುವರತ್ನ ಸಿನಿಮಾ | Yuvarathnaa | Filmibeat Kannada

ಪಾರ್ಟಿಯಲ್ಲಿ ಭಾಗಿಯಾಗಿ ಗೊಂದಲ ಸೃಷ್ಟಿಸಿದ್ದ ಕನಿಕಾ

ಕನಿಕಾ ಕಪೂರ್ ಕಳೆದ ವರ್ಷ ಲಂಡನ್‌ನಿಂದ ವಾಪಸ್ ಆದ ಬಳಿಕ ಉದ್ದೇಶಪೂರ್ವಕವಾಗಿ ಕ್ವಾರಂಟೈನ್ ಆಗದೆ, ಪ್ರಯಾಣದ ಇತಿಹಾಸ ಮರೆಮಾಚಲು ಪಾರ್ಟಿಯಲ್ಲಿ ಭಾಗಿಯಾಗಿದ್ದರು ಎನ್ನುವ ಟೀಕೆ ಎದುರಿಸಿದ್ದರು. ಅನೇಕ ಕಡೆ ಓಡಾಡಿದ್ದ ಕನಿಕಾ ಬಳಿಕ ಪರೀಕ್ಷೆಯಲ್ಲಿ ಕೊರೊನಾ ಪಾಸಿಟಿವ್ ವರದಿ ಬಂದಿದೆ. ಬಳಿಕ ಕನಿಕಾ ವಿರುದ್ಧ ಅನೇಕ ಎಫ್ಐಆರ್‌ಗಳು ದಾಖಲಾಗಿದೆ.