ಮುಖಪುಟ

ಬಾಲಿವುಡ್

ಕನ್ನಡದ ಖ್ಯಾತ ಕಲಾನಿರ್ದೇಶಕ, ನಟ, ಟಿವಿ ನಿರೂಪಕ, ಮಾತಿನ ಮೋಡಿಗಾರ ಅರುಣ್ ಸಾಗರ್ ಹಠಾತ್ತನೆ ಮುಂಬೈ ಗೆ ಪಯಣ ಬೆಳೆಸಿದ್ದಾರೆ.

ಪ್ರತಿಭಾವಂತ ನಟರಾಗಿರುವ ಅವರು ಬಾಲಿವುಡ್‌ನ ಚಿತ್ರದಲ್ಲಿ ನಟಿಸಲು ಹೋಗುತ್ತಿದ್ದಾರೆಂದು ನೀವು ಅಂದುಕೊಂಡರೆ ಅದು ಸುಳ್ಳು, ನಿರ್ದೇಶಕರಾಗಲು ಅವರು ಬಾಲಿವುಡ್ ಗೆ ಹಾರಿದ್ದಾರೆ.

ಮುಯೆ ಥಾಯ್‌ನಲ್ಲಿ ಭಾರತಕ್ಕೆ ಹೆಮ್ಮೆ ತಂದ ಅರುಣ್ ಸಾಗರ್ ಪುತ್ರ

ಹೌದು, ಕನ್ನಡ ಬಿಟ್ಟು ಬೇರೆ ಭಾಷೆಗಳಲ್ಲಿ ನಟಿಸದ ಅರುಣ್ ಸಾಗರ್, ಮೊದಲ ನಿರ್ದೇಶನ ಮಾಡಲು ಹಿಂದಿ ಭಾಷೆಯನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಹೀಗೆ ಆಯ್ಕೆ ಮಾಡಿಕೊಳ್ಳಲು ಕತೆಯೇ ಕಾರಣ ಎಂದು ಅವರು ಹೇಳಿದ್ದಾರೆ.

ಕತೆಯು ಮಲ್ಲಕಂಬ ಕುರಿತಾಗಿದ್ದು, ನೈಜತೆಗೆ ತೀರಾ ಹತ್ತಿರವಾಗಿದೆ. ಕಮರ್ಷಿಯಲ್ ಬಿಲ್ಡಪ್‌ಗಳು ಇಲ್ಲದ, ಕತೆ ಮತ್ತು ಪರಿಸರವೇ ಪ್ರಧಾನವಾಗಿರುವ ಈ ಚಿತ್ರವನ್ನು ಬಾಲಿವುಡ್‌ನಲ್ಲಿ ನಿರ್ಮಿಸಿದರೆ ಸೂಕ್ತ ಎಂದು ಅವರು ಹಿಂದಿ ಕಡೆ ಹೊರಳಿದ್ದಾರೆ.

ಕತೆ ಪೂರ್ಣಗೊಂಡಿದ್ದು, ಮರಾಠಿ ವ್ಯಕ್ತಿಯೊಬ್ಬರು ನಿರ್ಮಾಣಕ್ಕೂ ಒಪ್ಪಿಕೊಂಡಿದ್ದಾರಂತೆ. ಇನ್ನೇನಿದ್ದರೂ ತಾರಾಗಣ ಅಂತಿಮವಾಗಬೇಕಷ್ಟೆ.