ಹಿಂದಿ 'ಡಿಯರ್ ದಿಯಾ' ಟ್ರೈಲರ್ ರಿಲೀಸ್: ಚೆನ್ನಾಗಿಲ್ಲ ಎಂದ ನೆಟ್ಟಿಗರು!

'ಡಿಯರ್ ದಿಯಾ' ಟ್ರೈಲರ್ ರಿಲೀಸ್!

'ದಿಯಾ' ಸಿನಿಮಾವನ್ನು ಹಿಂದಿಗೆ ರಿಮೇಕ್ ಮಾಡಲಾಗಿದೆ. ಹಿಂದಿಯಾ 'ಡಿಯರ್ ದಿಯಾ'ವನ್ನು ಕನ್ನಡದಲ್ಲಿ 'ದಿಯಾ' ಚಿತ್ರವನ್ನು ಮಾಡಿದ್ದ ಅಶೋಕ್ ಅವರೇ ನಿರ್ದೇಶನ ಮಾಡಿದ್ದಾರೆ. ಹಾಗಾಗಿ ಈ ಸಿನಿಮಾ ಮೇಲೆ ಹೆಚ್ಚಿನ ನಿರೀಕ್ಷೆ ಇದೆ. ಜೂನ್ 10ಕ್ಕೆ ಸಿನಿಮಾ ರಿಲೀಸ್‌ಗೆ ರೆಡಿಯಾಗಿದ್ದು, ಇದೆ ಬೆನ್ನಲ್ಲೇ ಟ್ರೈರಲ್ ರಿಲೀಸ್ ಮಾಡಲಾಗಿದೆ. ಕನ್ನಡದ ನಟ ಪೃಥ್ವಿ ಅಂಬರ್ ಹಿಂದಿಯಲ್ಲಿ ನಟಿಸಿದ್ದಾರೆ.

'ಡಿಯರ್ ದಿಯಾ' ಟ್ರೈಲರ್‌ಗೆ ಟೀಕೆಗಳ ಸುರಿಮಳೆ!

'ಡಿಯರ್ ದಿಯಾ' ಟ್ರೈಲರನ್ನು ಚಿತ್ರತಂಡ ಹಂಚಿಕೊಳ್ಳುತ್ತಿದ್ದಂತೆಯೇ, ಟ್ರೈಲರ್‌ ಬಗ್ಗೆ ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ. ಒಂದೇ ಮಾತಲ್ಲಿ ಟ್ರೈಲರ್ ಚೆನ್ನಾಗಿ ಇಲ್ಲ ಎಂದಿದ್ದಾರೆ. ಕನ್ನಡದ 'ದಿಯಾ' ಮುಂದೆ ಈ 'ಡಿಯರ್ ದಿಯಾ' ಏನೇನು ಇಲ್ಲ ಎನ್ನುವ ಅಭಿಪ್ರಾಯಗಳು ವ್ಯಕ್ತವಾಗಿವೆ. ಇನ್ನು ಮುಖ್ಯವಾಗಿ 'ಡಿಯರ್ ದಿಯಾ' ಪಾತ್ರ ವರ್ಗದ ಬಗ್ಗೆಯೇ ಹೆಚ್ಚು ಚರ್ಚೆ ಶುರುವಾಗಿದೆ.

ನಟಿ ಖುಷಿಯ ಮುಂದೆ ಮಂಕಾದ ಮಿಹಿಕಾ ಕುಶ್ವಾಹಾ!

'ದಿಯಾ' ಎನ್ನುವ ಟೈಟಲ್ಲೇ ಹೇಳುತ್ತೆ ಸಿನಿಮಾದಲ್ಲಿ ದಿಯಾ ಎನ್ನುವ ಪಾತ್ರ ಎಷ್ಟು ಮುಖ್ಯ ಎನ್ನುವುದನ್ನು. ಕನ್ನಡದಲ್ಲಿ ದಿಯಾ ಪಾತ್ರವನ್ನು ನಟಿ ಖುಷಿ ಮಾಡಿದ್ದಾರೆ. ಖುಷಿಯನ್ನು ದಿಯಾ ರೂಪದಲ್ಲಿ ನೋಡಿದ ಪ್ರೇಕ್ಷಕರು ಆಕೆಯ ಅಭಿನಯಕ್ಕೆ ಫಿದಾ ಆಗಿದ್ದರು. ಹಿಂದಿಯ 'ಡಿಯರ್ ದಿಯಾ' ಚಿತ್ರದಲ್ಲಿ ಇದೇ ಪಾತ್ರವನ್ನು ಮಿಹಿಕಾ ಕುಶ್ವಾಹಾ ಮಾಡಿದ್ದಾರೆ. ಆದರೆ ದಿಯಾ ಪಾತ್ರಕ್ಕೆ ಇರುವ ಆರ್ದ್ರತೆಯನ್ನು ವ್ಯಕ್ತ ಪಡಿಸುವಲ್ಲಿ ಸೋತಿದ್ದಾರೆ ಎನ್ನುವುದು ಸ್ಪಷ್ಟವಾಗಿ ಕಾಣುತ್ತೆ. ಇದು ಟ್ರೈರಲ್ ಮಾತ್ರ ಹಾಗಾಗಿ ಚಿತ್ರದಲ್ಲಿ ಚೆನ್ನಾಗಿ ಇದ್ದರೂ ಇರಬಹುದೇನೊ.

'ದಿಯಾ' ರಿಮೇಕ್ ಬದಲು ಡಬ್ ಮಾಡಬಹುದಿತ್ತು!

'ದಿಯಾ' ಸಿನಿಮಾದ್ದು, ಕನ್ನಡದ ಭಾಷೆ ಗೊತ್ತಿಲ್ಲದೇ ಇರುವವರಿಗೂ ಕನೆಕ್ಟ್ ಆಗುವಂತಹ ಭಾವನಾತ್ಮಕ ಕಥೆ. ಹಾಗಾಗಿ ಈ ಚಿತ್ರವನ್ನು ಹಿಂದಿಗೆ ರಿಮೇಕ್ ಮಾಡುವ ಅವಶ್ಯಕತೆ ಇರಲಿಲ್ಲ. ರಿಮೇಕ್ ಮಾಡುವ ಬದಲಿಗೆ ಚಿತ್ರವನ್ನು ಡಬ್ ಮಾಡಿದ್ದರೆ ಇನ್ನೂ ಚೆನ್ನಾಗಿ ಇರುತ್ತಿತ್ತು ಎನ್ನಲಾಗುತ್ತಿದೆ. ಆದರೂ ಸದ್ಯ ಟ್ರೈಲರ್ ಮಾತ ರಿಲೀಸ್ ಆಗಿದ್ದು, ಜೂನ್ 10ಕ್ಕೆ ಸಿನಿಮಾ ಬಂದ ಮೇಲೆ ಹೇಗಿರಲಿ ಎನ್ನುವುದು ತಿಳಿಯುತ್ತದೆ.