ಚಿತ್ರರಂಗಕ್ಕೆ ಬಂದ ಕಪಿಲ್ ದೇವ್ ಪುತ್ರಿ ಅಮಿಯಾ

ಕಪಿಲ್ ದೇವ್ ಪುತ್ರಿ ಅಮಿಯಾ

ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಕಪಿಲ್ ದೇವ್ ಅವರ ಪುತ್ರಿ ಅಮಿಯಾ ದೇವ್ ಬಾಲಿವುಡ್ ಸಿನಿಮಾದ ಮೂಲಕ ತಮ್ಮ ಕೆಲಸ ಶುರು ಮಾಡಿದ್ದಾರೆ. ಅಮಿಯಾ ಇಲ್ಲಿ ಹೀರೋಯಿನ್ ಆಗಿಲ್ಲ. ಬದಲಿಗೆ ಒಂದು ಸಿನಿಮಾಗೆ ಅಸಿಸ್ಟೆಂಟ್ ಡೈರೆಕ್ಟರ್ ಆಗಿ ಕೆರಿಯರ್ ಪ್ರಾರಂಭ ಮಾಡಿದ್ದಾರೆ.

'83' ಸಿನಿಮಾಗೆ ಅಸಿಸ್ಟೆಂಟ್ ಡೈರೆಕ್ಟರ್

1983 ವರ್ಷವನ್ನು ಇಡೀ ಭಾರತದ ಜನ ಎಂದಿಗೂ ಮರೆಯುವುದಿಲ್ಲ. ಅದು ಭಾರತ ಕ್ರಿಕೆಟ್ ತಂಡ ವಿಶ್ವಕಪ್ ಎತ್ತಿ ಹಿಡಿದ ದಿನ. ಆ ವೇಳೆ ಭಾರತ ತಂಡದ ನಾಯಕನಾಗಿದ್ದು, ಕಪಿಲ್ ದೇವ್. ಈ ಐತಿಹಾಸಿಕ ಗೆಲುವಿನ ಬಗ್ಗೆ '83' ಹೆಸರಿನಲ್ಲಿ ಸಿನಿಮಾ ಬರುತ್ತಿದೆ. ಆ ಸಿನಿಮಾಗೆ ಕಪಿಲ್ ದೇವ್ ಪುತ್ರಿಯೇ ಅಸಿಸ್ಟೆಂಟ್ ಡೈರೆಕ್ಟರ್ ಆಗಿದ್ದಾರೆ.

ಕಪಿಲ್ ದೇವ್ ಪಾತ್ರದಲ್ಲಿ ರಣ್ವೀರ್

ಸಿನಿಮಾದಲ್ಲಿ ಕಪಿಲ್ ದೇವ್ ಪಾತ್ರದಲ್ಲಿ ರಣ್ವೀರ್ ಸಿಂಗ್ ಕಾಣಿಸಿಕೊಂಡಿದ್ದಾರೆ. ಕಪಿಲ್ ಸಹ ಈ ಸಿನಿಮಾದಲ್ಲಿ ತೊಡಗಿಸಿಕೊಂಡಿದ್ದು, ರಣ್ವೀರ್ ಗೆ ಟ್ರೈನಿಂಗ್ ನೀಡುತ್ತಿದ್ದಾರೆ. 'ಭಜರಂಗಿ ಭಾಯಿಜಾನ್' ಖ್ಯಾತಿಯ ಕಬೀರ್ ಖಾನ್ ಈ ಸಿನಿಮಾದ ನಿರ್ದೇಶನ ಮಾಡುತ್ತಿದ್ದಾರೆ.

10 ಏಪ್ರಿಲ್ 2020ಕ್ಕೆ ಬಿಡುಗಡೆ

ಚಿತ್ರದಲ್ಲಿ ಡೈರೆಕ್ಷನ್ ಟೀಮ್ ನಲ್ಲಿ ಕೆಲಸ ಮಾಡುತ್ತಿರುವ ಅಮಿಯಾ ನಟರಿಗೆ ತರಬೇತಿ ಹಾಗೂ ಕಾಸ್ಟೂಮ್ ಜವಾಬ್ದಾರಿ ತೆಗೆದುಕೊಂಡಿದ್ದಾರೆ. ವಿಶೇಷ ಅಂದರೆ, ಸಿನಿಮಾದ ಕ್ಲೈಮ್ಯಾಕ್ಸ್ ಕ್ರಿಕೆಟ್ ಕಾಶಿ ಲಾರ್ಡ್ಸ್ ನಲ್ಲಿ ನಡೆಯಲಿದೆ. '83' ಸಿನಿಮಾ 10 ಏಪ್ರಿಲ್ 2020ಕ್ಕೆ ಬಿಡುಗಡೆ ಆಗಲಿದೆ.