ಮುಖಪುಟ

ಬಾಲಿವುಡ್

ಹಿಂದಿಯ ಜನಪ್ರಿಯ ಟಿವಿ ಕಾರ್ಯಕ್ರಮ 'ಕಪಿಲ್ ಶರ್ಮಾ ಶೋ' ತನ್ನ ಪ್ರದರ್ಶನವನ್ನ ನಿಲ್ಲಿಸಿದೆ. ಕಳೆದ ಕೆಲ ದಿನಗಳಿಂದ ಈ ಕಾರ್ಯಕ್ರಮ ಹಾಗೂ ನಿರೂಪಕ ಕಪಿಲ್ ಶರ್ಮಾ ಅವರ ವಿರುದ್ಧ ಹಲವು ಟೀಕೆಗಳು ಕೇಳಿ ಬಂದಿತ್ತು. ಈ ಹಿನ್ನೆಲೆಯಲ್ಲಿ ಟಿ.ಆರ್.ಪಿ ಯಲ್ಲಿ ಟಾಪ್ ನಲ್ಲಿದ್ದ 'ಕಪಿಲ್ ಶರ್ಮಾ ಶೋ' ರದ್ದುಗೊಳಿಸಲಾಗಿದೆ.

ನಿರೂಪಕ ಕಪಿಲ್ ಶರ್ಮಾ ಅವರ ಆರೋಗ್ಯ ಸರಿಯಿಲ್ಲದ ಕಾರಣ, ಹೊಸ ಹೊಸ ಎಪಿಸೋಡ್ ನೀಡಲು ಸಾಧ್ಯವಾಗುತ್ತಿಲ್ಲ. ಹೀಗಾಗಿ, ಸೋನಿ ಟಿವಿ ಈ ನಿರ್ಧಾರಕ್ಕೆ ಬಂದಿದ್ದು, ತಾತ್ಕಾಲಿಕವಾಗಿ ನಿಲ್ಲಿಸಲು ನಿರ್ಧರಿಸಿದೆ.

ಕೋಪಗೊಂಡ ಅಜಯ್ ದೇವಗನ್ 'ಕಪಿಲ್ ಶೋ'ನಿಂದ ಹೊರಹೋಗಿದ್ದೇಕೆ?

ಪ್ರತಿ ವಾರಾಂತ್ಯ ರಾತ್ರಿ 9 ಗಂಟೆಗೆ ಪ್ರಸಾರವಾಗುತ್ತಿದ್ದ ಈ ಸ್ಥಳದಲ್ಲಿ ಈಗ 'ಡ್ರಾಮಾ ಕಂಪನಿ' ಕಾರ್ಯಕ್ರಮ ಪ್ರಸಾರವಾಗಲಿದೆ. ಈ ಮೊದಲು 'ಡ್ರಾಮಾ ಕಂಪನಿ' ಕಾರ್ಯಕ್ರಮ 8 ಗಂಟೆಗೆ ಪ್ರಸಾರವಾಗುತ್ತಿತ್ತು. ಈಗ ಆ ಜಾಗಕ್ಕೆ 'ಸೂಪರ್ ಡ್ಯಾನ್ಸರ್' ಎಂಬ ಹೊಸ ಡ್ಯಾನ್ಸ್ ಕಾರ್ಯಕ್ರಮ ಪರಿಚಯಿಸುತ್ತಿದೆ.

ಇತ್ತೀಚೆಗಷ್ಟೇ ಶಾರೂಖ್ ಖಾನ್, ಅಮಿತಾಬ್ ಬಚ್ಚನ್, ಅಜಯ್ ದೇವಗನ್ ಅಂತಹ ಸ್ಟಾರ್ ನಟರ ಎಪಿಸೋಡ್ ಗಳನ್ನ ಕಪಿಲ್ ಶರ್ಮಾ ಚಿತ್ರೀಕರಣ ಮಾಡಲು ಸಾಧ್ಯವಾಗಿರಲಿಲ್ಲ. ಇದರಿಂದ ಟಿ.ಆರ್.ಪಿ ಕೂಡ ಕುಸಿತ ಕಂಡಿತ್ತು.

ಈ ಎಲ್ಲ ಕಾರಣಗಳಿಂದ ಕಪಿಲ್ ಶರ್ಮಾ ಶೋವನ್ನ ನಿಲ್ಲಿಸಲಾಗಿದೆ. ಮುಂದಿನ ದಿನದಲ್ಲಿ ಮತ್ತೆ ಮರು ಚಾಲನೆ ನೀಡುತ್ತಾರಾ ಗೊತ್ತಿಲ್ಲ. ಆದ್ರೆ, ಇನ್ಮುಂದೆ ಅಂತೂ ಕಪಿಲ್ ಶೋ ಇಲ್ಲ.