ನೆಪೋಟಿಸಂ ಆರೋಪ: ಜಾಹ್ನವಿ ಕಪೂರ್ ಸಿನಿಮಾದ ಟ್ರೈಲರ್ ನಲ್ಲಿಲ್ಲ ಕರಣ್ ಜೋಹರ್ ಹೆಸರು

ಗುಂಜನ್ ಸಕ್ಸೇನಾ ಸಿನಿಮಾದಲ್ಲಿಲ್ಲ ಕರಣ್ ಹೆಸರು

ಬಾಲಿವುಡ್ ನಲ್ಲಿ ಹಲವು ಸ್ಟಾರ್ ಮಕ್ಕಳನ್ನು ಪರಿಚಯಿಸಿದ್ದೆ ಕರಣ್ ಜೋಹರ್. ಆದರೀಗ ಕರಣ್ ಗೆ ಅದೆ ಮುಳುವಾಗಿದೆ. ಕೇವಲ ಸ್ಟಾರ್ ಮಕ್ಕಳನ್ನೇ ಪರಿಚಯಿಸುತ್ತಿದ್ದಾರೆ, ಹೊರಗಿನಿಂದ ಬಂದವರನ್ನು ತುಳಿಯುತ್ತಿದ್ದಾರೆ ಎನ್ನುವ ಆರೋಪ ಕರಣ್ ವಿರುದ್ಧ ಕೇಳಿ ಬರುತ್ತಿದೆ. ಹಾಗಾಗಿ ಗುಂಜನ್ ಸಕ್ಸೇನಾ ಸಿನಿಮಾದಲ್ಲಿ ಕರಣ್ ಹೆಸರು ಕಾಣಿಸಿಕೊಂಡಿರೆ ಮತ್ತೆ ಸಮಸ್ಯೆಯಾಗಬಹುದು ಎನ್ನುವ ಕಾರಣಕ್ಕೆ ಸಿನಿಮಾಲ್ಲಿ ಕರಣ್ ಹೆಸರನ್ನುತೆಗೆದುಹಾಕಿದ್ದಾರೆ. ನೆಪೋಟಿಸಂ ಚರ್ಚೆ ಪ್ರಾರಂಭವಾಗುವ ಮೊದಲು ರಿಲೀಸ್ ಆದ ಪೋಸ್ಟರ್ ನಲ್ಲಿ ಧರ್ಮ ಪ್ರೊಡಕ್ಷನ್ ಹೆಸರಿದೆ. ಆದರೀಗ ರಿಲೀಸ್ ಆದ ಆದ ಪೋಸ್ಟರ್ ನಲ್ಲಿ ಕರಣ್ ಹೆಸರು ಮಿಸ್ ಆಗಿದೆ.

ಕರಣ್ ಹೆಸರಿದ್ದರೆ ಸಿನಿಮಾ ನೋಡುವುದೇ ಅನುಮಾನ

ಕರಣ್ ಹೆಸರಿದ್ದರೆ ವೀಕ್ಷಕರು ಸಿನಿಮಾ ನೋಡದೆ ಬ್ಯಾನ್ ಮಾಡುವ ಸಾಧ್ಯತೆ ಇದೆ. ಕರಣ್ ಹೆಸರು ಕೇಳಿದರೆ ಸಾಕು ಸಿಡಿದುಬೀಳುತ್ತಿರುವ ಈ ಸಮಯದಲ್ಲಿ, ಇನ್ನೂ ಕರಣ್ ಸಿನಿಮಾ ಬರ್ತಿದೆ ಅಂದರೆ ಸುಮ್ಮನಿರಲು ಸಾಧ್ಯವೆ ಇಲ್ಲ. ಹಾಗಾಗಿ ಸಿನಿಮಾದಿಂದ ಕರಣ್ ಹೆಸರನ್ನು ತೆಗೆಯುವುದೆ ಉತ್ತಮ ಎಂದು ನಿರ್ಧರಿಸಿ ನಿರ್ಮಾಣ ಸಂಸ್ಥೆಯ ಹೆಸರನ್ನು ತೆಗೆದುಹಾಕಿದ್ದಾರೆ ಎನ್ನುವ ಮಾತು ಕೇಳಿ ಬರುತ್ತಿದೆ.

ನಿರ್ದೇಶಕರ ಹೆಸರು ಇಲ್ಲ

ಕರಣ್ ನಿರ್ಮಾಣದ ಧರ್ಮ ಪ್ರೊಡಕ್ಷನ್ ಹೆಸರು ಮಾತ್ರವಲ್ಲದೆ ನಿರ್ದೇಶಕ ಶರಣ್ ಶರ್ಮಾ ಹೆಸರನ್ನು ತೆಗೆಯಲಾಗಿದೆ. ಕರಣ್ ಹೆಸರು ಮಾತ್ರ ತೆಗೆದರೆ ಮತ್ತೆ ಪ್ರಶ್ನೆ ಎದುರಾಗಬಹುದು ಎನ್ನುವ ಕಾರಣ ನಿರ್ದೇಶಕರ ಹೆಸರನ್ನು ಕೈಬಿಡಲಾಗಿದೆ. ಸದ್ಯ ಕೇವಲ ನಾಯಕಿ ಜಾಹ್ನವಿ ಹೆಸರನ್ನು ಮುಂದಿಟ್ಟುಕೊಂಡು ಸಿನಿಮಾ ರಿಲೀಸ್ ಮಾಡಲಾಗತ್ತಿದೆ.

ಇದೇ ತಿಂಗಳು ಸಿನಿಮಾ ರಿಲೀಸ್

ಗಂಜನ್ ಸಕ್ಸೇನಾ ಸಿನಿಮಾ ಅಂದುಕೊಂಡಂತೆ ಆಗಿದ್ದಾರೆ ಈಗಾಗಲೆ ರಿಲೀಸ್ ಆಗಬೇಕಿತ್ತು. ಆದರೆ ಕೊರೊನಾ ಲಾಕ್ ಡೌನ್ ಹಿನ್ನಲೆ ಸಿನಿಮಾ ಮುಂದಕ್ಕೆ ಹೋಗಿದೆ. ಅಲ್ಲದೆ ಚಿತ್ರರಂದಿರದ ಬದಲಿಗೆ ಸಿನಿಮಾ ನೆಟ್ ಫ್ಲಿಕ್ಸ್ ನಲ್ಲಿ ಇದೆ ತಿಂಗಳು ಆಗಸ್ಟ್ 12ಕ್ಕೆ ರಿಲೀಸ್ ಆಗುತ್ತಿದೆ.