ತೆರೆಮೇಲೆ ಬರಲಿದೆ 'ದಾದಾ' ಸೌರವ್ ಗಂಗೂಲಿ ಬಯೋಪಿಕ್!

ಕರಣ್ ಜೋಹರ್ ಪ್ಲಾನ್

ಪ್ರಸ್ತುತ ಬಿಸಿಸಿಐ (ಭಾರತೀಯ ಕ್ರಿಕೆಟ್ ಮಂಡಳಿ) ಅಧ್ಯಕ್ಷ ಸೌರವ್ ಗಂಗೂಲಿ ಅವರ ಜೀವನಕಥೆಯನ್ನು ತೆರೆಮೇಲೆ ತರಲು ಬಾಲಿವುಡ್ ನಿರ್ಮಾಪಕ ಕರಣ್ ಜೋಹರ್ ಸಜ್ಜಾಗಿದ್ದಾರೆ. ಈ ಕುರಿತು ಗಂಗೂಲಿ ಅವರನ್ನು ಕರಣ್ ಭೇಟಿ ಮಾಡಿ ಚರ್ಚಿಸಿದ್ದಾರಂತೆ.

ಗಂಗೂಲಿ ಪಾತ್ರದಲ್ಲಿ ಹೃತಿಕ್ ರೋಷನ್

ಸದ್ಯದ ಟಾಕ್ ಪ್ರಕಾರ ಸೌರವ್ ಗಂಗೂಲಿ ಪಾತ್ರಕ್ಕಾಗಿ ಬಿಟೌನ್ ಸ್ಟಾರ್ ನಟನನ್ನು ಕರೆತರುವ ಮಾತುಕತೆ ಆಗುತ್ತಿದೆಯಂತೆ. ಎಲ್ಲ ಅಂದುಕೊಂಡಂತೆ ಆದರೆ ಹೃತಿಕ್ ರೋಷನ್, ತೆರೆಮೇಲೆ ಗಂಗೂಲಿಯಾಗಲಿದ್ದಾರೆ ಎನ್ನಲಾಗುತ್ತಿದೆ.

ಯುವರಾಜ್ ಸಿಂಗ್ ಬಯೋಪಿಕ್!

ಗಂಗೂಲಿ ಬಯೋಪಿಕ್ ಚಿತ್ರಕ್ಕೂ ಮುಂಚೆ ಭಾರತದ ಮತ್ತೊಬ್ಬ ಸ್ಟಾರ್ ಕ್ರಿಕೆಟರ್ ಯುವರಾಜ್ ಸಿಂಗ್ ಅವರ ಬಯೋಪಿಕ್ ಬರುತ್ತೆ ಎಂಬ ಸುದ್ದಿ ಸದ್ದು ಮಾಡಿತ್ತು. ಈ ಕುರಿತು ಸ್ವತಃ ಯುವರಾಜ್ ಸಿಂಗ್ ಆಸಕ್ತಿ ನೀಡಿದ್ದು ನಂಬಿಕಸ್ಥ ನಿರ್ಮಾಣ ಸಂಸ್ಥೆಯ ಹುಡುಕಾಟದಲ್ಲಿದ್ದಾರಂತೆ.

ಮಿಥಾಲಿ ರಾಜ್ ಬಯೋಪಿಕ್

ಮತ್ತೊಂದೆಡೆ ಭಾರತ ಮಹಿಳಾ ಕ್ರಿಕೆಟ್ ಆಟಗಾರ್ತಿ ಮಿಥಾಲಿ ರಾಜ್ ಅವರ ಬಯೋಪಿಕ್ ಸಿನಿಮಾ ಆಗುತ್ತಿದೆ. 'ಶಭಾಶ್ ಮಿಥು' ಎಂದು ಚಿತ್ರಕ್ಕೆ ಹೆಸರಿಟ್ಟಿದ್ದು, ಮಿಥಾಲಿ ರಾಜ್ ಪಾತ್ರದಲ್ಲಿ ತಾಪ್ಸಿ ಪನ್ನು ಕಾಣಿಸಿಕೊಳ್ಳುತ್ತಿದ್ದಾರೆ.