ಸಂಜಯ್ ದತ್ ಬಗ್ಗೆ ಕರೀನಾ-ಶಿಲ್ಪಾ ಏನಂದ್ರು?

ಬಿಟೌನ್ ನ ಮುನ್ನಾಭಾಯ್ ಸಂಜಯ್ ದತ್ ಅವರು (ಫೆಬ್ರವರಿ 25) ಪುಣೆಯ ಯೆರವಾಡ ಜೈಲಿನಿಂದ ಬಿಡುಗಡೆಗೊಂಡು ಮುಂಬೈನ ಬಾಂದ್ರಾದಲ್ಲಿರುವ ತಮ್ಮ ನಿವಾಸಕ್ಕೆ ವಾಪಸಾಗಿದ್ದಾರೆ.

ಇನ್ನು ಸಂಜಯ್ ಅವರು ಬಿಡುಗಡೆಗೊಂಡು ಮನೆಗೆ ವಾಪಸ್ ಬಂದಿರುವುದರಿಂದ ಅವರನ್ನು ಭೇಟಿ ಮಾಡಲು ಅವರ ನಿವಾಸಕ್ಕೆ ಬಾಲಿವುಡ್ ನ ಹಲವಾರು ತಾರೆಯರು ಆಗಮಿಸಿದ್ದರು.[ಮಾಧ್ಯಮದ ಮುಂದೆ ಜೈಲಿನ ಅನುಭವ ಬಿಚ್ಚಿಟ್ಟ ಸಂಜಯ್ ದತ್]

ಅಂದಹಾಗೆ ನಟ ಸಂಜಯ್ ದತ್ ಬಗ್ಗೆ ಬಾಲಿವುಡ್ ಬೆಬೋ ಕರಿನಾ ಕಪೂರ್ ಮತ್ತು ನಟಿ ಶಿಲ್ಪಾ ಶೆಟ್ಟಿ ಕುಂದರ್ ಅವರು 'ಸಂಜಯ್ ದತ್ ಅವರು ಈಗ ಅಮೇಜಿಂಗ್ ಆಗಿ ಕಾಣಿಸುತ್ತಿದ್ದಾರೆ' ಎಂದು ಕಮೆಂಟ್ ಮಾಡಿದ್ದಾರೆ.

42 ತಿಂಗಳುಗಳ ಕಾಲ ಸೆರೆವಾಸ ಅನುಭವಿಸಿದ್ದ ನಟ 'ಸಂಜಯ್ ದತ್ ಅವರನ್ನು ಮತ್ತೆ ನಾವು ಬಿಗ್ ಸ್ಕ್ರೀನ್ ನಲ್ಲಿ ನೋಡಲು ಬಯಸುತ್ತೇವೆ, ಯಾಕೆಂದರೆ ನಾನು ಸಂಜು ಜೀ ಅವರ ದೊಡ್ಡ ಫ್ಯಾನ್' ಎಂದು ಬಾಲಿವುಡ್ ಬೆಬೋ ಕರೀನಾ ಕಪೂರ್ ಅವರು ಹೇಳಿದ್ದಾರೆ.[ಯೆರವಾಡ ಜೈಲಿನಿಂದ ಸಂಜಯ್ ದತ್ ಬಿಡುಗಡೆ]

'ಸಂಜಯ್ ದತ್ ಅವರು 50ರ ಹರೆಯದಲ್ಲೂ ಈ ಮೊದಲಿಗಿಂತ ಇನ್ನೂ ಹೆಚ್ಚು ಚೆನ್ನಾಗಿ ಕಾಣುತ್ತಿದ್ದಾರೆ. ಅವರು ಜೈಲಿನಿಂದ ಹೊರಬಂದಿರುವುದು ನನಗೆ ತುಂಬ ಸಂತೋಷವೆನಿಸುತ್ತದೆ' ಎಂದು ನಟಿ ಶಿಲ್ಪಾ ಶೆಟ್ಟಿ ಕುಂದರ್ ಅವರು ನುಡಿದಿದ್ದಾರೆ.

ನಟಿ ಶಿಲ್ಪಾ ಶೆಟ್ಟಿ ಅವರ ಜೊತೆ ಅವರ ಪತಿ ರಾಜ್ ಕುಂದ್ರ ಅವರು ಕೂಡ ಆಗಮಿಸಿ ಸಂಜಯ್ ದತ್ ಅವರ ಕ್ಷೇಮ ಸಮಾಚಾರ ವಿಚಾರಿಸಿಕೊಂಡರು.