ಕರೀನಾ ಕಪೂರ್ ಕೈಯಲ್ಲಿರುವ ಬ್ಯಾಗ್ ಬೆಲೆ ಕೇಳಿದ್ರೆ ತಲೆ ತಿರುಗಿ ಬೀಳ್ತೀರಾ.!

ಹ್ಯಾಂಡ್ ಬ್ಯಾಗ್ ಬೆಲೆ ಎಷ್ಟು.?

ಇತ್ತೀಚೆಗೆಷ್ಟೇ ನಟಿ ಕರೀನಾ ಕಪೂರ್ ಖಾನ್ ಮುಂಬೈನ ಏರ್ ಪೋರ್ಟ್ ನಲ್ಲಿ ಪ್ರತ್ಯಕ್ಷವಾದರು. ಪತಿ ಸೈಫ್ ಅಲಿ ಖಾನ್, ಪುತ್ರ ತೈಮೂರ್ ಅಲಿ ಖಾನ್ ಜೊತೆಗೆ ಮುಂಬೈ ಏರ್ ಪೋರ್ಟ್ ಗೆ ಬಂದಿಳಿದ ಕರೀನಾ ಕಪೂರ್ ಖಾನ್ ಕೈಯಲ್ಲಿ ಒಂದು ಹ್ಯಾಂಡ್ ಬ್ಯಾಗ್ ಇತ್ತು. ಅದರ ಬೆಲೆ 13 ಲಕ್ಷ ರೂಪಾಯಿ.!

ದುಬಾರಿ ಬ್ರ್ಯಾಂಡ್

ಇಂಟರ್ ನ್ಯಾಷನಲ್ ಬ್ರ್ಯಾಂಡ್ ಹೇರ್ಮೇಸ್ ಬರ್ಕಿನ್ ಲೆದರ್ ಬ್ಯಾಗ್ ಇದಾಗಿದ್ದು, ನೋಡಲು ಸಿಂಪಲ್ ಆಗಿ ಕಂಡು ಬಂದರೂ, ಬೆಲೆ ಮಾತ್ರ 13,31,794 ರೂಪಾಯಿ.! ವಿಶ್ವದಲ್ಲೇ ಅತ್ಯಂತ ದುಬಾರಿ ಬ್ಯಾಗ್ ಗಳನ್ನು ಫ್ರಾನ್ಸ್ ಮೂಲದ ಕಂಪನಿ ಹೇರ್ಮೇಸ್ ಬರ್ಕಿನ್ ತಯಾರು ಮಾಡುತ್ತದೆ.

ಸ್ವಿಟ್ಜರ್ಲ್ಯಾಂಡ್ ನಿಂದ ಬಂದಿಳಿದ ಕರೀನಾ

ಅಸಲಿಗೆ, ಹತ್ತು ದಿನಗಳ ಕಾಲ ಸ್ವಿಟ್ಜರ್ಲ್ಯಾಂಡ್ ನಲ್ಲಿ ಕಾಲ ಕಳೆದ ಮೇಲೆ ಕರೀನಾ ಕುಟುಂಬ ಮುಂಬೈ ವಿಮಾನ ನಿಲ್ದಾಣಕ್ಕೆ ಬಂದಿಳಿದರು. ಟಾಪ್ ಟು ಬಾಟಂ ಕಪ್ಪು ಬಣ್ಣದ ಉಡುಗೆ, ಆಲಿವ್ ಗ್ರೀನ್ ಬೂಟ್ಸ್, ದುಬಾರಿ ಬ್ಯಾಗ್ ನೊಂದಿಗೆ ಏರ್ ಪೋರ್ಟ್ ನಲ್ಲಿ ಕರೀನಾ ಕಾಣಿಸಿಕೊಂಡರೆ, ಸಿಂಪಲ್ ಲುಕ್ ನಲ್ಲಿ ಸೈಫ್ ಮತ್ತು ಪುತ್ರ ತೈಮೂರ್ ಕಂಡು ಬಂದರು.

ಸಿನಿಮಾಗಳಲ್ಲಿ ಕರೀನಾ ಕಪೂರ್ ಬಿಜಿ

ಬಾಲಿವುಡ್ ನಲ್ಲಿ ಸೆಕೆಂಡ್ ಇನ್ನಿಂಗ್ಸ್ ಆರಂಭಿಸಿರುವ ಕರೀನಾ ಕಪೂರ್ ಸಿಕ್ಕಾಪಟ್ಟೆ ಬಿಜಿಯಾಗಿದ್ದಾರೆ. ಕರೀನಾ ಅಭಿನಯದ 'ಗುಡ್ ನ್ಯೂಸ್' ಚಿತ್ರ ಇತ್ತೀಚೆಗಷ್ಟೆ ಬಿಡುಗಡೆ ಆಗಿತ್ತು. ಕರೀನಾ ಕೈಯಲ್ಲಿ 'ತಖ್ತ್' ಸೇರಿದಂತೆ ಎರಡ್ಮೂರು ಚಿತ್ರಗಳಿವೆ.