ಟ್ರೋಲ್‌ಗೆ ಸಿಲುಕಿದ ಕತ್ರಿನಾ ಮಾಜಿ ಪ್ರೇಮಿಯ ಸಹೋದರಿ: ಕರೀನಾ ಮದುವೆಗೆ ವಿಶ್ ಮಾಡಿದ್ದೇ ತಪ್ಪಾ?

ಮದುವೆ ಬಳಿಕ ಕತ್ರಿನಾಳನ್ನು ಫಾಲೋ ಮಾಡ್ತಿರೊ ಕರೀನಾ!

ಎಲ್ಲರಂತೆಯೇ ನಟಿ ಕರೀನಾ ಕಪೂರ್ ಕೂಡ ಕತ್ರಿನಾ ಮತ್ತು ವಿಕ್ಕಿ ದಂಪತಿಗೆ ಸಾಮಾಜಿಕ ಜಾಲತಾಣದ ಮೂಲಕ ಶುಭಕೋರಿದ್ದಾರೆ. ಆದರೆ ಕರೀನಾ ಮಾತ್ರ ಟ್ರೋಲ್‌ಗೆ ತುತ್ತಾಗಿದ್ದಾರೆ. ಕಾರಣ ಕತ್ರಿನಾ ವಿಕ್ಕಿ ಕೌಶಲ್ ಕೈ ಹಿಡಿದ ಬಳಿಕ ಕರೀನಾ ಆಕೆಯನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಫಾಲೋ ಮಾಡ್ತಿದ್ದಾರೆ ಎನ್ನಲಾಗಿದೆ.

ಕಮೆಂಟ್‌ನಲ್ಲಿ ಕರೀನಾ ಕಾಲೆಳೆದ ಕತ್ರಿನಾ ಅಭಿಮಾನಿ!

ಇನ್ನು ಕತ್ರಿನಾ ಪೋಸ್ಟ್‌ಗೆ ನಟಿ ಕರೀನಾ ಕಪೂರ್‌ ಶುಭ ಕೋರಿದ್ದಾರೆ "ಯು ಡಿಡ್ ಇಟ್ ಗಾಡ್ ಬ್ಲೆಸ್ ಯು ಬೊತ್" ಅಂತ ಇಂಗ್ಲೀಸ್‌ನಲ್ಲಿ ಕರೀನಾ ಕಮೆಂಟ್ ಮಾಡಿದ್ದಾರೆ. ಕರೀನಾಳ ಕಮೆಂಟ್‌ಗೆ ಪ್ರತಿಕ್ರಿಯೆ ನೀಡಿದ ಅಭಿಮಾನಿ ಒಬ್ಬರು 'ಕರೀನಾ ಕತ್ರಿನಾ ಅವರನ್ನು ಫಾಲೋ ಮಾಡಲು ಅವರ ಮದುವೆ ಆಗಬೇಕಾಯ್ತು, ಕೊನೆಗೂ ಕರೀನಾ ಕತ್ರಿನಾ ಅವರನ್ನು ಫಾಲೋ ಮಾಡ್ತಿದ್ದಾರೆ' ಅಂತ ಬರೆದುಕೊಂಡು ಫೊಟೋವನ್ನು ಅಪ್ಲೋಡ್ ಮಾಡಿದ್ದಾರೆ.

ರಣ್ಬೀರ್- ಕತ್ರಿನಾ ಬ್ರೇಕಪ್ ಬಳಿಕಾ ಕೋಲ್ಡ್ ವಾರ್!

ಅಷ್ಟಕ್ಕೂ ಕತ್ರಿನಾ ಮತ್ತು ಕರೀನಾ ಕಪೂರ್ ನಡುವೆ ವೈಮನಸ್ಸು ಇತ್ತ ಎಂದರೆ? ಹೌದು ಎನ್ನುತ್ತವೆ ಬಾಲಿವುಡ್‌ ಮೂಲಗಳು. ಇದಕ್ಕೆ ಕಾರಣ ರಣ್ಬೀರ್ ಮತ್ತು ಕತ್ರಿನಾ ಪ್ರೀತಿ ಮುರಿದು ಬಿದ್ದದ್ದು. ಆರು ವರ್ಷಗಳ ಹಿಂದೆ ಕತ್ರಿನಾ ಮತ್ತು ರಣ್ಬೀರ್ ಲವ್ವಿ-ಡವ್ವಿ ಬಾಲಿವುಡ್‌ನಲ್ಲಿ ಜೋರಾಗಿತ್ತು. ಆದರೆ ಆರು ವರ್ಷಗಳ ಹಿಂದೆಯೇ ಈ ಜೋಡಿಯ ಲವ್‌ ಬ್ರೇಕಪ್‌ ಆಗಿದೆ. ಆಗಿನಿಂದ ರಣ್ಬೀರ್ ಸಹೋದರಿ ಕರೀನಾ ಮತ್ತು ಕತ್ರಿನಾ ನಡುವೆ ಒಂದು ರೀತಿಯ ಕೋಲ್ಡ್ ವಾರ್ ಇತ್ತು. ಹಾಗಾಗಿ ಕರೀನಾ ಕತ್ರಿನಾಳಿಂದ ಅಂತರ ಕಾಯ್ದು ಕೊಂಡಿದ್ದರು. ಈಗ ಮನಸ್ಸು ಬದಲಾಯಿಸಿ ಕತ್ರಿನಾ ಮದುವೆ ಬಳಿಕ ಆಕೆಯನ್ನು ಫಾಲೋ ಮಾಡುತ್ತಿದ್ದು, ನವ ಜೋಡಿಗೆ ಶುಭ ಕೋರಿದ್ದಾರೆ.

ನವ ಬಾಳಿಗೆ ಕಾಲಿಟ್ಟ ಕತ್ರಿನಾ-ವಿಕ್ಕಿ!

ಇನ್ನು ಯಾವುದೇ ಸುಳಿವು ಬಿಟ್ಟು ಕೊಡದೇ ಕತ್ರಿನಾ ಮತ್ತು ವಿಕ್ಕಿ ಕೌಶಲ್ ಹೊಸ ಬಾಳಿಗೆ ಕಾಲಿಟ್ಟಿದ್ದಾರೆ. ಸದ್ಯ ರಾಜಸ್ಥಾನದ ಕೋಟೆಯಲ್ಲಿ ಈ ಜೋಡಿ ಅದ್ದೂರಿಯಾಗಿ ಮದುವೆ ಆಗಿದೆ. ಮದುವೆಯ ಬಳಿಕ ಫೊಟೋ ಹಂಚಿಕೊಂಡು ಎಲ್ಲರಿಗೂ ಧನ್ಯವಾದ ತಿಳಿಸಿದೆ ಈ ಜೋಡಿ. ಪೋಸ್ಟ್ ಹಾಕುತ್ತಲೇ ಈ ಜೋಡಿಗೆ ಶುಭಾಷಯದ ಮಹಾಪೂರವೇ ಹರಿದು ಬರ್ತಿದೆ. ಈ ನಡುವೆ ಕರೀನಾ ಕಪೂರ್ ಮಾತ್ರ ಟ್ರೋಲ್‌ಗೆ ಸಿಲುಕಿದ್ದಾರೆ.