ಅಬ್ಬಾ! ಲವ್ ಬ್ರೇಕ್ ಅಪ್ ಆದ್ರೂ ಕ್ಯಾಟ್ ಹ್ಯಾಪಿ, ಹೇಗೆ

ಹ್ಯಾಪಿ ಕತ್ರಿನಾ ಕೈಫ್

ನಟಿ ಕತ್ರಿನಾ ಕೈಫ್ ಅವರು ನಟ ರಣಬೀರ್ ಕಪೂರ್ ಜೊತೆ ಲವ್ ಬ್ರೇಕ್ ಅಪ್ ಆದ ಮೇಲೆ ಇನ್ನಷ್ಟು ಸಂತಸದಿಂದ ಲಕ ಲಕನೆ ಹೊಳೆಯುತ್ತಿದ್ದಾರೆ. ಇನ್ನು ಕತ್ರಿನಾ ಅವರ ಲವ್ ಬ್ರೇಕ್ ಅಪ್ ಆದರೂ ಕೂಡ ಪ್ರೀತಿ ಬಗ್ಗೆ ಅವರಿಗೆ ತುಂಬಾ ನಂಬಿಕೆ ಇದೆಯಂತೆ, ಜೊತೆಗೆ ಅವರು ಸಿನಿಮಾದಲ್ಲೂ ಲವ್ ಸ್ಟೋರಿ ಸಿನಿಮಾಗಳನ್ನು ಜಾಸ್ತಿ ಇಷ್ಟಪಡುತ್ತಾರಂತೆ. ಹೀಗಂತ ಸ್ವತಃ ಕತ್ರಿನಾ ಅವರೇ ತಿಳಿಸಿದ್ದಾರೆ. ಲವ್ ಸ್ಟೋರಿ ಸಿನಿಮಾಗಳು ಎಲ್ಲಾ ಪ್ರೇಕ್ಷಕರನ್ನು ಬೇಗ ತಲುಪುತ್ತದೆ ಎಂದು ಕ್ಯಾಟ್, ಕ್ಯೂಟಾಗಿ ಹೇಳಿದ್ದಾರೆ.

ಸಂತೋಷ ಎಂಬುದು ತುಂಬಾ ಗ್ರೇಟ್: ಕತ್ರಿನಾ

ಪ್ರೀತಿ ಬಗ್ಗೆ ನಟಿ ಕತ್ರಿನಾ ಅವರಿಗೆ ಇರುವಷ್ಟು ನಂಬಿಕೆ ಯಾರಿಗೂ ಇರಲಿಕ್ಕಿಲ್ಲ. ಅವರು ಯಾವಾಗಲೂ ಸಂತೋಷವಾಗಿರಲು ಬಯಸುತ್ತಾರೆ. ಹಾಗೆಯೇ ತಮ್ಮ ಮುಂಬರುವ ಸಿನಿಮಾ 'ಫಿತೂರ್' ನಲ್ಲಿ ತುಂಬಾ ಆಕರ್ಷಕವಾಗಿ ಮಿಂಚಿದ್ದಾರೆ.

ಜಾಲಿ ಮೂಡ್ ನಲ್ಲಿ ಕತ್ರಿನಾ

ನಟ ರಣಬೀರ್ ಕಪೂರ್ ಜೊತೆ ಕತ್ರಿನಾ ಅವರ ಪ್ರೀತಿ ಮುರಿದು ಹೋದ ಮೇಲೆ ಬಹಳ ಜಾಲಿ ಮೂಡಿನಲ್ಲಿ ಎಲ್ಲರ ಜೊತೆ ವ್ಯವಹರಿಸುತ್ತಾರೆ. ಇತ್ತೀಚೆಗೆ ತಮ್ಮ ಹಳೇ ಬಾಯ್ ಫ್ರೆಂಡ್ ಸಲ್ಮಾನ್ ಖಾನ್ ಅವರನ್ನು ಬಿಗ್ ಬಾಸ್ ವೇದಿಕೆಯಲ್ಲಿ ಭೇಟಿಯಾಗಿದ್ದರು.

ನಗು ನಗುತ್ತಾ ಇರುವ ಕತ್ರಿನಾ ಕೈಫ್

ಈ ಮೊದಲು ಕತ್ರಿನಾ ಅವರು ರಣಬೀರ್ ಅವರ ಜೊತೆ ಇದ್ದಾಗ ಯಾವುದೇ ಕಾರ್ಯಕ್ರಮಗಳಲ್ಲಿ ಅಷ್ಟಾಗಿ ಕಾಣಿಸಿಕೊಳ್ಳುತ್ತಿರಲಿಲ್ಲ. ಆದರೆ ಬ್ರೇಕ್ ಅಪ್ ಆದ ಮೇಲೆ ಎಲ್ಲಾ ಕಾರ್ಯಕ್ರಮಗಳಲ್ಲೂ ಬಿಂದಾಸ್ ಆಗಿ ಮಿಂಚುತ್ತಿದ್ದಾರೆ.

ಸುಂದರ ಮೊಗದ ಕ್ಯಾಟ್

ಎಲ್ಲಾ ಸಿನಿಮಾಗಳಲ್ಲಿ ಬಬ್ಲಿ ಬಬ್ಲಿ ಆಗಿ ನಟಿಸುವ ಕ್ಯಾಟ್ ಗೆ ಅಪಾರ ಅಭಿಮಾನಿಗಳಿದ್ದಾರೆ. ಸದಾ ತಮ್ಮ ನಗುಮೊಗದಿಂದಲೇ ತಮ್ಮ ಅಭಿಮಾನಿಗಳನ್ನು ಆಕರ್ಷಿಸುತ್ತಾರೆ.

ಕೂಲ್ ಆಗಿರುವ ಕತ್ರಿನಾ ಕೈಫ್

ರಣಬೀರ್ ಅವರ ಜೊತೆ ಸಂಬಂಧ ಹಳಸಿದ ಮೇಲೆ ನಟಿ ಕತ್ರಿನಾ ಅವರು ತಮ್ಮನ್ನು ತಾವು ಬಹಳ ಕೂಲ್ ಆಗಿ ಇರುವಂತೆ ನೋಡಿಕೊಳ್ಳುತ್ತಿದ್ದಾರೆ. ಎಲ್ಲೂ ಗರಂ ಆದಂತೆ ಕಾಣಿಸಿಕೊಂಡಿಲ್ಲ. ಮಾಧ್ಯಮದವರ ಪ್ರಶ್ನೆಗೂ ಕ್ಯಾಟ್ ಕೂಲ್ ಆಗಿಯೇ ಉತ್ತರ ನೀಡಿದ್ದಾರೆ.

ಸಲ್ಲು ಜೊತೆ ಸೆಲ್ಫಿ

ಇತ್ತೀಚೆಗೆ 'ಫಿತೂರ್' ಸಿನಿಮಾದ ಪ್ರೊಮೊಷನ್ ಗಾಗಿ ನಟಿ ಕತ್ರಿನಾ ಮತ್ತು ನಟ ಆದಿತ್ಯಾ ರಾಯ್ ಕಪೂರ್ ಅವರು ಬಿಗ್ ಬಾಸ್ ಗ್ರ್ಯಾಂಡ್ ಫಿನಾಲೆ ವೇದಿಕೆಗೆ ಭೇಟಿ ನೀಡಿದ್ದರು. ಆ ಸಂದರ್ಭದಲ್ಲಿ ನಟ ಸಲ್ಮಾನ್ ಖಾನ್ ಜೊತೆ ಸೆಲ್ಫಿ ಕ್ಲಿಕ್ಕಿಸಿಕೊಂಡ ಸೊಬಗು ನೋಡಿ.

ಬಿಗ್ ವೇದಿಕೆಯಲ್ಲಿ ಬ್ಯೂಟಿಫುಲ್ ಪರ್ಫಾಮೆನ್ಸ್

ಬಿಗ್ ಬಾಸ್ ಗ್ರ್ಯಾಂಡ್ ಫಿನಾಲೆಗೆ ಆಗಮಿಸಿದ್ದ ಸಂದರ್ಭದಲ್ಲಿ ಆದಿತ್ಯಾ ರಾಯ್ ಕಪೂರ್ ಮತ್ತು ನಟಿ ಕತ್ರಿನಾ ಕೈಫ್ ಅವರು ಬಿಗ್ ಬಾಸ್ ವೇದಿಕೆಯಲ್ಲಿ ಸುಂದರವಾದ ಡ್ಯಾನ್ಸ್ ಪರ್ಫಾಮೆನ್ಸ್ ಮಾಡಿದರು.

ಗುಡ್ ಕೆಮಿಸ್ಟ್ರಿ

'ಫಿತೂರ್' ಸಿನಿಮಾದಲ್ಲಿ ಕತ್ರಿನಾ ಮತ್ತು ಆದಿತ್ಯಾ ರಾಯ್ ಅವರ ಕೆಮಿಸ್ಟ್ರಿ ಸಖತ್ ಆಗಿ ವರ್ಕೌಟ್ ಆಗಿದ್ದು ಚಿತ್ರದ ಎಲ್ಲಾ ಹಾಡುಗಳು ಸೂಪರ್ ಹಿಟ್ ಆಗಿವೆ. ಫುಲ್ ರೊಮ್ಯಾಂಟಿಕ್ ಸಿನಿಮಾ 'ಫಿತೂರ್' ಫೆಬ್ರವರಿಯಲ್ಲಿ 12ಕ್ಕೆ ಪ್ರೇಮಿಗಳ ದಿನಾಚರಣೆಯ ಸಂದರ್ಭದಲ್ಲಿ ಬಿಡುಗಡೆ ಆಗಲಿದೆ.