KGF 2 Ticket Price: ಬೆಂಗಳೂರಲ್ಲಿ ಮಾತ್ರ 'ಕೆಜಿಎಫ್ 2' ದುಬಾರಿ, ಮುಂಬೈ, ದೆಹಲಿ, ಚೆನ್ನೈನಲ್ಲಿ ಸಸ್ತಾ

ಬೆಂಗಳೂರಿನಲ್ಲಿ 500 ರಿಂದ 2000 ರೂ. ಟಿಕೆಟ್ ದರ!

ಬೆಂಗಳೂರಿನಲ್ಲಿ 'ಕೆಜಿಎಫ್ 2' ಚಿತ್ರದ ಅಬ್ಬರ ಜೋರಾಗಿದೆ. ಚಿತ್ರದ ಮೊದಲ ದಿನದಿಂದ ಜನ ಮುಗಿ ಬಿದ್ದು ಚಿತ್ರವನ್ನು ನೋಡುತ್ತಿದ್ದಾರೆ. ಸಿನಿಮಾ ಬಗ್ಗೆ ಅತಿ ಹೆಚ್ಚು ಕ್ರೇಜ್ ಹೊಂದಿರುವವರು ಸದ್ಯ ಚಿತ್ರವನ್ನು ನೋಡುತ್ತಿದ್ದಾರೆ. ಚಿತ್ರದ ಟಿಕೆಟ್ ದರ ಬೆಂಗಳೂರಿನಲ್ಲಿ ಬಹುತೇಕ ಕಡೆ ಆರಂಭ ಆಗುವುದೆ 500 ರೂ. ಇಂದ. ಇದಕ್ಕಿಂತ ಕಡಿಮೆ ಇರೋದು ಅತಿ ವಿರಳ. ಇನ್ನು ಗರಿಷ್ಟ ಎಂದರೆ 1500 ರಿಂದ 2000 ರೂ ತನಕವೂ ಚಿತ್ರದ ಟಿಕೆಟ್ ಬೆಲೆ ಇದೆ.

ಮುಂಬೈನಲ್ಲಿ 110ಕ್ಕೆ 'ಕೆಜಿಎಫ್ 2' ಟಿಕೆಟ್ ದರ!

'ಕೆಜಿಎಫ್ 2' ಚಿತ್ರದ ಬಗ್ಗೆ ಉತ್ತರ ಭಾರತದಲ್ಲಿ ಹೆಚ್ಚಿನ ಕ್ರೇಜ್ ಇದೆ. ಅಂತೆಯೇ ಹಿಂದಿ ಅವತರಣಿಕೆಯ 'ಕೆಜಿಎಫ್ 2' ಚಿತ್ರ ಉತ್ತಮ ಕಲೆಕ್ಷನ್ ಮಾಡುತ್ತಾ ಇದೆ. ಅಲ್ಲಿ ಟಿಕೆಟ್ ದರ ದುಬಾರಿ ಏನು ಇಲ್ಲ. ಕಡಿಮೆ ಬೆಲೆಗೆ ಟಿಕೆಟ್ ಮಾರಾಟ ಮಾಡಲಾಗುತ್ತಾ ಇದೆ. 110 ರೂ. ಯಿಂದ ಮುಂಬೈ ಚಿತ್ರಮಂದಿರಗಳಲ್ಲಿ 'ಕೆಜಿಎಫ್ 2' ಚಿತ್ರದ ಟಿಕೆಟ್ ಬುಕ್ ಮಾಡಬಹುದಾಗಿದೆ.

ಹೈದ್ರಾಬಾದ್, ಚೆನ್ನೈನಲ್ಲೂ 'ಕೆಜಿಎಫ್ 2' ಟಿಕೆಟ್ ದರ ಕಡಿಮೆ!

ಇನ್ನು ಹೈದ್ರಾಬಾದ್ ಮತ್ತು ಚೆನ್ನೈನಲ್ಲೂ ಕೂಡ 'ಕೆಜಿಎಫ್ 2' ಚಿತ್ರದ ಟಿಕೆಟ್ ದರ ಕಡಿಮೆಯೇ ಇದೆ. ಚೆನ್ನೈನಲ್ಲಿ ಅತ್ಯಂತ ಕಡಿಮೆ ಬೆಲೆಗೆ 'ಕೆಜಿಎಫ್ 2' ಚಿತ್ರದ ಟಿಕೆಟ್ ಬೆಲೆ ಇದೆ. 90 ರೂಪಾಯಿಗೂ ಕೂಡ ಚೆನ್ನೈನಲ್ಲಿ ಟಿಕೆಟ್ ಬುಕ್ ಮಾಡ ಬಹುದಾಗಿದೆ. ಇನ್ನು ಹೈದ್ರಾಬಾದ್‌ನಲ್ಲಿ ಟಿಕೆಟ್ ದರ ಕೂಡ ಅಷ್ಟೇನು ದುಬಾರಿ ಇಲ್ಲ. ಅಲ್ಲಿಯೂ 150ರಿಂದ ಬುಕ್ಕಿಂಗ್ ಲಭ್ಯವಿದೆ. 250, 300 ರೂ.ಗೂ ಟಿಕೆಟ್ ಲಭ್ಯವಿದೆ.

ದುಬಾರಿ ಆದ ಮನೋರಂಜನೆ!

ಈ ಟಿಕೆಟ್ ದರದಿಂದಾಗಿ ಮಧ್ಯಮವರ್ಗದ ಜನರು ಚಿತ್ರವನ್ನು ನೋಡಲು ಸಾಧ್ಯವಾಗುದಿಲ್ಲ. ಒಂದು ಟಿಕೆಟ್‌ಗೆ ಸಾವಿರ ರೂಪಾಯಿ ಕೊಡಬೇಕು ಎಂದರೆ, ಮನೆ ಮಂದಿ ಜೊತೆಗೆ ಹೋದರೆ ಸಾವಿರಾರು ರೂ ಖರ್ಚು ಕಂಡಿತಾ. ಹಾಗಾಗಿ ಸಿನಿಮಾ ನೋಡಲು ಹಲವರಿಗೆ ಸಾಧ್ಯವಾಗುವುದಿಲ್ಲ. ಇದು 'ಕೆಜಿಎಫ್' ಚಿತ್ರಕ್ಕೆ ಮಾತ್ರ ಅನ್ವಯ ಆಗುವುದಿಲ್ಲ. ಇತ್ತೀಚೆಗೆ ಬಂದ RRR ಚಿತ್ರದ ದರ ಕೂಡ ಅಷ್ಟೇ ದುಬಾರಿಯಾಗಿ ಇತ್ತು.