ಬಾಲಿವುಡ್‌ ನ ಈ ಹೊಸ ಸಿನಿಮಾದ ಗಳಿಕೆ ನೋಡಿದರೆ ಪಾಪ ಎನಿಸುತ್ತದೆ!

ಅಮೆರಿಕದಲ್ಲಿ ಭಾರಿ ಹೀನಾಯ ಪ್ರದರ್ಶನ

ಅಮೆರಿಕದಲ್ಲಿ ಹನ್ನೊಂದು ಪರದೆಗಳಲ್ಲಿ ಖಾಲಿ-ಪೀಲಿ ಸಿನಿಮಾ ಬಿಡುಗಡೆ ಆಗಿತ್ತು. ಹನ್ನೊಂದು ಪರದೆಗಳಲ್ಲಿ ಬಿಡುಗಡೆ ಆಗಿದ್ದರೂ ಸಹ ಸಿನಿಮಾ ಗಳಿಸಿದ್ದು ಕೇವಲ 350 ಡಾಲರ್ ಅಷ್ಟೆ. ಭಾರತದ ರೂಪಾಯಿ ಲೆಕ್ಕಾಚಾರದಲ್ಲಿ ಸಿನಿಮಾ ಗಳಿಸಿದ್ದು 25,000 ರೂಪಾಯಿ ಮಾತ್ರ.

ನ್ಯೂಜಿಲೆಂಡ್‌ನಲ್ಲಿ 30,000 ಗಳಿಸಿದ ಸಿನಿಮಾ

ಇದೇ ಸಿನಿಮಾ ನ್ಯೂಜಿಲೆಂಡ್‌ನಲ್ಲಿ ಸಹ ಬಿಡುಗಡೆ ಆಗಿತ್ತು. ಅಲ್ಲಿ 30,000 ರೂಪಾಯಿಗಳನ್ನು ಗಳಿಸಲಷ್ಟೆ ಶಕ್ತವಾಯಿತು. ವಿದೇಶದಲ್ಲಿ ಹೀನಾಯವಾಗಿ ನೆಲಕಚ್ಚಿದೆ ಖಾಲಿ-ಪೀಲಿ ಸಿನಿಮಾ. ಇದಕ್ಕೆ ಕೊರೊನಾ ಒಂದು ಕಾರಣವಾದರೆ, ಸಿನಿಮಾದಲ್ಲಿ ದೊಡ್ಡ ಸ್ಟಾರ್ ಇಲ್ಲದೇ ಇರುವುದು ಮತ್ತೊಂದು ಕಾರಣವೆಂದು ಗುರುತಿಸಬಹುದು.

ಡ್ರೈವ್ ಇನ್ ಥಿಯೇಟರ್‌ನಲ್ಲಿ ಫುಲ್‌ಹೌಸ್‌!

ಆದರೆ ಭಾರತದ ಗುರುಗ್ರಾಮದ ಓಪನ್ ಥಿಯೇಟರ್ ಅಥವಾ ಡ್ರೈವ್ ಇನ್ ಚಿತ್ರಮಂದಿರದಲ್ಲಿ ಬಿಡುಗಡೆ ಆಗಿದ್ದ ಈ ಸಿನಿಮಾದ ವೀಕೆಂಡ್‌ನ ಎಲ್ಲಾ ಶೋಗಳು ಹೌಸ್ ಫುಲ್ ಆದವಂತೆ. ಒಂದು ಕಾರಿಗೆ 999 ರೂಪಾಯಿ ಬೆಲೆಯಂತೆ ಸಾಕಷ್ಟು ಮಂದಿ ಸಿನಿಮಾವನ್ನು ಡ್ರೈವ್ ಇನ್ ಥಿಯೇಟರ್‌ನಲ್ಲಿ ನೋಡಿದ್ದಾರೆಂದು ಬಾಲಿವುಡ್ ಟ್ರೇಡ್ ಅನಲಿಸ್ಟ್ ಹೇಳಿದೆ.

ಒಟಿಟಿಯಲ್ಲಿ ಲಾಭ ಮಾಡಿಕೊಂಡಿದ್ದಾರೆ ನಿರ್ಮಾಪಕ

ಸಿನಿಮಾವು ಝೀ ಪ್ಲೆಕ್ಸ್‌ಗೆ ಒಳ್ಳೆಯ ಬೆಲೆಗೆ ಮಾರಾಟವಾಗಿದ್ದು, ನಿರ್ಮಾಪಕರು ಸಾಕಷ್ಟು ಲಾಭವನ್ನೇ ಗಳಿಸಿದ್ದಾರೆ. ಹಾಗಾಗಿ ವಿದೇಶದಲ್ಲಿ ಸಿನಿಮಾ ಚೆನ್ನಾಗಿ ಪ್ರದರ್ಶನ ಕಾಣಲಿಲ್ಲವೆಂದು ಬೇಸರಪಟ್ಟುಕೊಳ್ಳುವ ಅಗತ್ಯವಿಲ್ಲ. ಆದರೆ ಕೊರೊನಾ ಕಾಲದಲ್ಲಿ ಸಿನಿಮಾಗಳು ಬಿಡುಗಡೆ ಆದರೆ ಏನಾಗಬಹುದು ಎಂಬ ಅಂದಾಜು ಇತರೆ ನಿರ್ಮಾಪಕರಿಗೆ ದೊರಕಲು ಖಾಲಿ-ಪೀಲಿ ಸಿನಿಮಾ ಒಳ್ಳೆಯ ಉದಾಹರಣೆ.