'ಲಗಾನ್' ಚಿತ್ರಕ್ಕೆ 20 ವರ್ಷ: ಬಜೆಟ್ ಎಷ್ಟು, ಗಳಿಸಿದ್ದೆಷ್ಟು?

ಚಿತ್ರದ ಬಜೆಟ್ ಎಷ್ಟು?

ಅಮೀರ್ ಖಾನ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದ ಲಗಾನ್ ಚಿತ್ರ ನಿರ್ಮಾಣ ಮಾಡಿದ್ದು ಅವರೇ. ಅಮೀರ್ ಸಂಸ್ಥೆಯಲ್ಲಿ ತಯಾರಾದ ಮೊದಲ ಸಿನಿಮಾ ಇದು. 2001ರಲ್ಲಿ ಈ ಚಿತ್ರಕ್ಕೆ ತಗುಲಿದ ವೆಚ್ಚ 25 ಕೋಟಿ.

ಲಗಾನ್ ಗಳಿಕೆ ಎಷ್ಟು?

ಲಗಾನ್ ಚಿತ್ರ ಒಟ್ಟು ಗಳಿಸಿದ ಮೊತ್ತ 65 ಕೋಟಿ. ಭಾರತ ಹಾಗೂ ಹೊರದೇಶಗಳಲ್ಲಿ ತೆರೆಕಂಡಿದ್ದ ಸಿನಿಮಾ ಆ ಸಮಯಕ್ಕೆ ಭರ್ಜರಿ ಬಿಸಿನೆಸ್ ಮಾಡಿತ್ತು. ಲಗಾನ್ ಬಾಲಿವುಡ್ ಬಾಕ್ಸ್ ಆಫೀಸ್‌ನಲ್ಲಿ ಹಿಟ್ ಚಿತ್ರ.

ಆಸ್ಕರ್‌ಗೆ ನಾಮಿನೇಟ್ ಆಗಿದ್ದ ಚಿತ್ರ

ಲಗಾನ್ ಸಿನಿಮಾ ಭಾರತದಿಂದ ಆಸ್ಕರ್‌ ಪ್ರಶಸ್ತಿಗೆ ನಾಮನಿರ್ದೇಶನವಾಗಿತ್ತು. ಮದರ್ ಇಂಡಿಯಾ, ಸಲಾಂ ಬಾಂಬೆ ಚಿತ್ರಗಳ ಬಳಿಕ ಲಗಾನ್ ಚಿತ್ರ ಆಸ್ಕರ್ ಅಂತಿಮ ಪಟ್ಟಿಯಲ್ಲಿ ಸ್ಥಾನ ಪಡೆದುಕೊಂಡಿತ್ತು. ಆದರೆ ಪ್ರಶಸ್ತಿ ಗೆಲ್ಲಲಿಲ್ಲ.

Recommended Video

Sanchari Vijay ಗೆ ಅಕ್ಕಿ ತುಂಬೋದ್ರಲ್ಲು ಅವಾರ್ಡ್ ಕೊಡಬೇಕು ಅಂದಿದ್ರು ಸತೀಶ್ | Filmibeat Kannada

ಗದಾರ್ ಜೊತೆ ಪೈಪೋಟಿ

ಲಗಾನ್ ತೆರೆಕಂಡಿದ್ದ ದಿನವೇ ಸನ್ನಿ ಡಿಯೋಲ್, ಅಮೀಶಾ ಪಟೇಲ್ ಮುಖ್ಯ ಭೂಮಿಕೆಯಲ್ಲಿ ಅಭಿನಯಿಸಿದ್ದ ಗದಾರ್: ಏಕ್ ಪ್ರೇಮ್ ಕಥಾ ಚಿತ್ರ ಬಿಡುಗಡೆಯಾಗಿತ್ತು. ಎರಡು ಸಿನಿಮಾಗಳ ನಡುವೆ ತೀವ್ರ ಪೈಪೋಟಿ ನಡೆದಿತ್ತು.