ಸುಶ್ಮಿತಾ ಸೇನ್, ಲಲಿತ್ ಮೋದಿ ವಯಸ್ಸಿನ ಅಂತರ ಎಷ್ಟು? ಇದೇ ವಿಚಾರಕ್ಕೆ ಟ್ರೋಲ್ ಆಗ್ತಿರುವ ಜೋಡಿ!

ಟ್ವೀಟ್ ಮಾಡಿದ ಲಲಿತ್ ಮೋದಿ!

ಲಲಿತ್ ಮೋದಿ ಟ್ವಿಟರ್ ಹಾಗೂ ಇನ್‌ಸ್ಟಾಗ್ರಾಂನಲ್ಲಿ ಸುಶ್ಮಿತಾ ಸೇನ್ ಬಗ್ಗೆ ಹೀಗೆ ಬರೆದುಕೊಂಡಿದ್ದಾರೆ. " ಕುಟುಂಬದೊಂದಿಗೆ ಮಾಲ್ಡೀವ್ಸ್ ಹಾಗೂ ಸರ್ದೀನಿಯಾ ಟೂರ್ ಮುಗಿಸಿ ಈಗತಾನೇ ಲಂಡನ್‌ಗೆ ಮರಳಿದ್ದೇನೆ. ನನ್ನ ಅರ್ಧಾಂಗಿ ಸುಶ್ಮಿತಾ ಸೇನ್. ಕೊನೆಗೂ ನನ್ನ ಬದುಕಿನಲ್ಲಿ ಹೊಸ ಅಧ್ಯಾಯ ಶುರುವಾಗಿದೆ." ಎಂದು ಲಲಿತ್ ಮೋದಿ ನಟಿ ಸುಶ್ಮಿತಾ ಸೇನ್‌ರೊಂದಿಗೆ ಇರುವ ಫೋಟೊಗಳನ್ನು ಹಂಚಿಕೊಂಡಿದ್ದಾರೆ.

ಮದುವೆ ಅಲ್ಲ, ಜಸ್ಟ್ ಡೇಟಿಂಗ್!

ಸೋಶಿಯಲ್ ಮೀಡಿಯಾದಲ್ಲಿ ಇಬ್ಬರ ಸುದ್ದಿ ಬಿರಿಗಾಳಿ ಎಬ್ಬಿಸುತ್ತಿದ್ದಂತೆ, ಲಲಿತ್ ಮೋದಿ ಈ ವಿಚಾರದ ಬಗ್ಗೆ ಮಯತ್ತಷ್ಟು ಸ್ಪಷ್ಟನೆಯನ್ನು ಕೊಟ್ಟಿದ್ದಾರೆ. ಮತ್ತೊಂದು ಟ್ವೀಟ್ ಮಾಡುವ ಮೂಲಕ ಇನ್ನೂ ಮದವೆ ಆಗಿಲ್ಲ ಎನ್ನುವುದನ್ನು ತಿಳಿಸಿದ್ದಾರೆ. " ಇದು ಕೇವಲ ಕ್ಲಾರಿಟಿ ನೀಡುವುದಕ್ಕಾಗಿ. ಇಬ್ಬರೂ ಡೇಟಿಂಗ್ ಮಾಡುತ್ತಿದ್ದೇವೆ. ಮದುವೆ ಕೂಡ ಶೀಘ್ರದಲ್ಲಿಯೇ ನೆರೆವೇರುತ್ತದೆ." ಎಂದು ಮೋದಿ ಮತ್ತೆ ಟ್ವೀಟ್ ಮಾಡಿ ಸಮಜಾಯಿಷಿ ನೀಡಿದ್ದಾರೆ.

ಸುಶ್ಮಿತಾ 46, ಲಲಿತ್ ಮೋದಿ 56!

ಈ ವಿಚಾರ ಬಹಿರಂಗ ಆಗುತ್ತಲೇ ಈ ಜೋಡಿ ಟ್ರೋಲ್‌ಗೆ ತುತ್ತಾಗಿದ್ದಾರೆ. ಇಬ್ಬರ ವಯಸ್ಸಸಿನ ಕಾರಣಕ್ಕೆ ಟ್ರೋಲ್ ಮಾಡಲಾಗುತ್ತಿದೆ. ಅಷ್ಟಕ್ಕೂ ನಟಿ ಸುಶ್ಮಿತಾ ಸೇನ್ ವಯಸ್ಸು 46, ಹಾಗೆ ಲಲಿತ್ ಮೋದಿ ವಯಸ್ಸು 56. ಇಬ್ಬರ ನಡುವೆ ಹತ್ತು ವರ್ಷದ ವಯಸ್ಸಿನ ಅಂತರವಿದೆ. ಹತ್ತು ವರ್ಷ ವಯಸ್ಸಿನ ಅಂತರದಲ್ಲಿ ಮದುವೆ ಮದುವೆ ಆದ ಹಲವು ಜೋಡಿಗಳಿವೆ. ಆದರೆ ಇವರು ಈ ವಯಸ್ಸಿನಲ್ಲಿ ಡೇಟಿಂಗ್ ನಡೆಸಿರುವ ಕಾರಣಕ್ಕೆ ಟ್ರೋಲ್‌ಗೆ ತುತ್ತಾಗಿದ್ದಾರೆ. ಅಜ್ಜ, ಅಜ್ಜಿ ಎನ್ನುವ ಕಮೆಂಟ್‌ಗಳು ಕೂಡ ಬಂದಿವೆ.

ಸುಶ್ಮಿತಾ, ರೋಹನ್ ನಡುವೆ 15 ವರ್ಷದ ಅಂತರ!

ನಟಿ ಸುಶ್ಮಿತಾ ಸೇನ್‌ ಮತ್ತು ರೋಹನ್ 2018ರಿಂದ ಜೊತೆಗೆ ಇದ್ದಾರೆ. ರೋಹನ್ ಒಬ್ಬ ಮಾಡಲ್, ಸಾಕಷ್ಟು ಸೆಲೆಬ್ರೆಟಿ ವಿನ್ಯಾಸಕರ ಉಡುಪುಗಳಿಗೆ ರೋಹನ್ ರ್ಯಾಂಪ್ ಮೇಲೆ ಹೆಜ್ಜೆ ಹಾಕಿದ್ದಾರೆ. ಸುಶ್ಮಿತಾ ಜೊತೆಗೆ ರೋಹನ್ ಹೆಸರು 2018ರಿಂದ ಕೇಳಿ ಬರುತ್ತಿದೆ. ಸುಶ್ಮಿತಾ ಸೇನ್‌ ರೋಹನ್‌ಗಿಂತಲೂ ವಯಸ್ಸಿನಲ್ಲಿ 15 ವರ್ಷ ದೊಡ್ಡವರು. ಈ ಬಗ್ಗೆ ಸಾಕಷ್ಟು ಟ್ರೋಲ್ ಆಗಿದ್ದವು. ಆದರೆ ಅವರು ಮದುವೆ ಆಗುತ್ತಾರೆ ಎನ್ನಲಾಗಿತ್ತು. ಆದರೆ ಇವರ ಸಂಬಂಧ ಬ್ರೇಕಪ್‌ನಲ್ಲಿ ಕೊನೆಯಾಗಿದೆ.