ಮದುವೆಗೆ ಯೆಸ್ ಎಂದ್ರಾ ಮಲೈಕಾ? ನಾಚಿ ನೀರಾಗಿ ಫ್ಯಾನ್ಸ್ ತಲೆಗೆ ಹುಳ ಬಿಟ್ಟ ಮುನ್ನಿ!

ಅರ್ಜುನ್- ಮಲೈಕಾ ಎಂಗೇಜ್ಮೆಂಟ್

ಸದ್ಯ ಮಲೈಕಾ ಮಾಡಿರುವ ಇನ್‌ಸ್ಟಾ ಪೋಸ್ಟ್ ಎಂಗೇಜ್‌ಮೆಂಟ್ ಬಗ್ಗೆ ಎಂದು ಕೆಲವರು ಹೇಳುತ್ತಿದ್ದಾರೆ. ಇಷ್ಟು ದಿನ ಇಬ್ಬರು ನಾವು ಒಳ್ಳೆ ಫ್ರೆಂಡ್ಸ್ ಅಷ್ಟೆ ಎಂದು ಹೇಳಿಕೊಂಡು ಬಂದಿದ್ದರು. ಈಗ ಅರ್ಜುನ್ ಕಪೂರ್ ಜೊತೆ ಎಂಗೇಜ್‌ಮೆಂಟ್ ಆಗಿರುವ ಬಗ್ಗೆ ಮಲೈಕಾ ಈ ರೀತಿ ಸುಳಿವು ನೀಡಿದ್ದಾರೆ ಎನ್ನಲಾಗುತ್ತಿದೆ. ಅಥವಾ ಶೀಘ್ರದಲ್ಲೇ ಇಬ್ಬರು ಹಸೆಮಣೆ ಏರಲು ನಿರ್ಧರಿಸಿದಂತಿದೆ. ಅದನ್ನು ಈ ರೀತಿ ಬಹಿರಂಗ ಪಡಿಸಿರಬಹುದು ಎನ್ನುವ ಚರ್ಚೆ ನಡೀತಿದೆ.

ಆ ಕಾರಣಕ್ಕೆ ಅರ್ಬಾಜ್- ಮಲೈಕಾ ಡಿವೋರ್ಸ್

2016ರಲ್ಲಿ ಸಲ್ಮಾನ್ ಖಾನ್ ಸಹೋದರ ಅರ್ಬಾಜ್ ಖಾನ್ ಹಾಗೂ ಮಲೈಕಾ ಅರೋರ ದಂಪತಿ 19 ವರ್ಷಗಳ ದಾಂಪತ್ಯ ಕೊನೆಗೊಂಡಿತ್ತು. ಇದಕ್ಕೆ ಅರ್ಜುನ್ ಕಪೂರ್ ಕಾರಣ ಎನ್ನುವ ಮಾತುಗಳು ಕೇಳಿಬಂದಿತ್ತು. ಡಿವೋರ್ಸ್‌ಗೂ ಮೊದಲೇ ಅರ್ಜುನ್ ಕಪೂರ್ ಜೊತೆ ಕದ್ದು ಮುಚ್ಚೊ ಸುತ್ತಾಡುತ್ತಿದ್ದರು. ಇದೇ ಕಾರಣಕ್ಕೆ ದಂಪತಿ ದೂರಾದರು ಎನ್ನಲಾಗಿತ್ತು. ಆ ನಂತರ ಇಬ್ಬರು ಬಹಿರಂಗವಾಗಿಯೇ ಸುತ್ತಾಡಲು ಶುರು ಮಾಡಿದ್ದರು. ಮದುವೆ ಕೂಡ ಆಗುತ್ತಾರೆ ಎನ್ನಲಾಗಿತ್ತು. ಇದೀಗ ಅರ್ಜುನ್ ಕಪೂರ್ ಜೊತೆ 2ನೇ ಮದುವೆಗೆ ಮಲೈಕಾ ಸಿದ್ಧರಾಗಿರುವ ಬಗ್ಗೆ ಚರ್ಚೆ ನಡೀತಿದೆ.

ಪರೋಕ್ಷವಾಗಿ ಪ್ರೀತಿ ಒಪ್ಪಿಕೊಂಡಿದ್ದ ಮಲೈಕಾ

3 ವರ್ಷದ ಹಿಂದೆ 'ಕಾಫಿ ವಿತ್ ಕರಣ್' ಶೋದಲ್ಲಿ ಮಲೈಕಾ ಅರೋರ ಅತಿಥಿಯಾಗಿ ಭಾಗವಹಿಸಿದ್ದರು. ಈ ವೇಳೆ ಪರೋಕ್ಷವಾಗಿ ಅರ್ಜುನ್‌ ಕಪೂರ್‌ ಜೊತೆಗಿನ ಪ್ರೀತಿ ಬಗ್ಗೆ ಮಾತನಾಡಿದ್ದರು. ಇತ್ತೀಚೆಗೆ ಇದೇ ಶೋನಲ್ಲಿ ಭಾಗವಹಿಸಿದ್ದ ಅರ್ಜುನ್ ಕಪೂರ್ ಸದ್ಯಕ್ಕೆ ಮದುವೆ ಬಗ್ಗೆ ಆಲೋಚನೆ ಇಲ್ಲ. ನನ್ನ ಫೋಕಸ್ ಈಗ ಕರಿಯರ್‌ ಕಡೆ ಇದೆ ಎಂದಿದ್ದರು. ಬೋನಿ ಕಪೂರ್ ಮಗನಾಗಿರುವ ಅರ್ಜುನ್ ಕಪೂರ್ ಬಾಲಿವುಡ್‌ನಲ್ಲಿ ಅಷ್ಟಾಗಿ ಸದ್ದು ಮಾಡಲಿಲ್ಲ. ಆದರೆ ಮಲೈಕಾ ಜೊತೆಗಿನ ಲವ್ವಿಡವ್ವಿಯಿಂದ ಸದಾ ಸುದ್ದಿಯಲ್ಲಿ ಇರುತ್ತಾರೆ.

ಚಿತ್ರರಂಗದಲ್ಲಿ ಮಲೈಕಾ ಬ್ಯುಸಿ ಇಲ್ಲ

ಸದ್ಯಕ್ಕೆ ಮಲೈಕಾ ಅರೋರ ಸಿನಿಮಾಗಳಲ್ಲಿ ಹೆಚ್ಚು ನಟಿಸುತ್ತಿಲ್ಲ. ಮಲೈಕಾ ನಾಯಕಿ ನಟಿಸಿದ್ದಕ್ಕಿಂತ ಐಟಂ ಸಾಂಗ್‌ನಿಂದ ಸದ್ದು ಮಾಡಿದ್ದೇ ಹೆಚ್ಚು. ಈಕೆ ಕುಣಿದಿದ್ದ 'ದಬಾಂಗ್' ಚಿತ್ರದ 'ಮುನ್ನಿ ಬದ್ನಾಮ್' ಹಾಗೂ ಗಬ್ಬರ್ ಸಿಂಗ್ ಚಿತ್ರದ 'ಕೆವ್ವು ಕೇಕ' ಸೂಪರ್ ಹಿಟ್ ಆಗಿತ್ತು. ಕಿರುತೆರೆ ಡ್ಯಾನ್ಸ್ ಶೋಗಳಿಗೆ ತೀರ್ಪುಗಾರ್ತಿಯಾಗಿಯೂ ಮಲೈಕಾ ಕೆಲಸ ಮಾಡಿದ್ದಾರೆ. ಇನ್ನು ಅರ್ಜುನ್ ಕಪೂರ್ ಕೈಯಲ್ಲಿ 'ಕುಟ್ಟೇ', 'ದಿ ಲೇಡಿ ಕಿಲ್ಲರ್' ಹಾಗೂ 'ಮೇರಿ ಪತ್ನಿ ಕಾ ರೀಮೆಕ್' ಸಿನಿಮಾಗಳಿವೆ.