ಚಾಕು ಇರಿದ ಭಯಾನಕ ಘಟನೆ ವಿವರಿಸಿದ ನಟಿ ಮಾಲ್ವಿ ಮಲ್ಹೋತ್ರಾ

ದುಬೈಯಿಂದ ವಾಪಸ್ ಆಗಿ 15 ದಿನಗಳಾಗಿತ್ತು

ಚಾಕು ಇರಿಯುವ 15 ದಿನಗಳ ಮೊದಲು ನಟಿ ಮಾಲ್ವಿ ದುಬೈನಿಂದ ವಾಪಸ್ ಆಗಿದ್ದಾರೆ. ಈ ಬಗ್ಗೆ ಮಾತನಾಡಿರುವ ಮಾಲ್ವಿ, "ನಾನು ದುಬೈನಿಂದ ಬಂದಿದ್ದೇನೆ. 15 ದಿನಗಳು ದುಬೈನಲ್ಲಿದ್ದೆ. ಆತನ ಕಿರುಕುಳ ನಿಲ್ಲುತ್ತದೆ ಎಂದು ಭಾವಿಸಿದ್ದೆ. ಆದರೆ ಯೋಗೇಶ್ ನನ್ನನ್ನು ಫೋನ್ ನಲ್ಲಿ ಹಿಂಬಾಲಿಸುತ್ತಿದ್ದನು. ಅವನ ಫೋನ್ ನಂಬರ್ ಅನ್ನು ಬ್ಲಾಕ್ ಮಾಡಿದ್ದೆ. ಆದರೆ ಬೇರೆ ನಂಬರ್ ಗಳಿಂದ ಫೋನ್ ಮಾಡುತ್ತಿದ್ದ" ಎಂದಿದ್ದಾರೆ.

ಮುಖಕ್ಕೆ ಚಾಕು ಇರಿಯಲು ಬಯಸಿದ್ದ

"ಅಂಧೇರಿಯ ಕೆಫೆಯಲ್ಲಿ ನಾನು ಮೀಟಿಂಗ್ ಮುಗಿಸಿ ಮನೆಗೆ ವಾಪಸ್ ಹೊರಟೆ. ಕೆಫೆಯಿಂದ ನನ್ನ ಮನೆ 5 ನಿಮಿಷದ ದೂರದಲ್ಲಿದೆ. ಇದ್ದಕ್ಕಿದಂತೆ ಯೋಗೇಶ್ ಕಾರಿನಲ್ಲಿ ಬಂದು ಮಾತನಾಡಬೇಕು ಎಂದು ಹೇಳಿದ ಮತ್ತು ಯಾಕೆ ಆತನನ್ನು ಅವಾಯಿಡ್ ಮಾಡುತ್ತಿರುವುದಾಗಿ ಕೇಳಿದ. ನಾನು ಈ ನಾಟಕ ನಿಲ್ಲಿಸು ಎಂದು ಹೇಳಿದೆ. ತಕ್ಷಣ ಕಾರಿನಿಂದ ಇಳಿದು ನನ್ನ ಹೊಟ್ಟೆಗೆ ಚಾಕುವಿನಿಂದ ಇರಿದ. ನನ್ನ ಮುಖಕ್ಕೆ ಚಾಕು ಇರಿಯಲು ಬಯಸಿದ್ದ ಎಂದು ಹೇಳಿದ್ದಾರೆ.

ಮಾಲ್ವಿ ಮನೆ ಬಳಿ ಗಂಟೆಗಟ್ಟಲೆ ಕಾಯುತ್ತಿದ್ದ ಯೋಗೇಶ್

"ನಾನು ಮುಖದ ಮೇಲೆ ಕೈ ಇಟ್ಟುಕೊಂಡಿದ್ದೆ. ಆದರೆ ನನ್ನ ಕೈಗೆ ಕಾಚು ಹಾಕಿದ್ದಾನೆ. ತುಂಬಾ ಗಾಯವಾಗಿದೆ. ನನ್ನ ಎಡಗೈ ಬೆರಳು ಕಟ್ಟಾಗಿದೆ. ತುಂಬಾ ರಸ್ತಸ್ರಾವವಾಗಲು ಪ್ರಾರಂಭಿಸಿತು. ನಾನು ಅಲ್ಲೆ ಕುಸಿದು ಬಿದ್ದೆ" ಎಂದು ಭಯಾನಕ ಘಟನೆಯನ್ನು ವಿವರಿಸಿದ್ದಾರೆ. ಬಳಿಕ ಅಲ್ಲೆ ರಸ್ತೆಯಲ್ಲಿ ಸೈಕ್ಲಿಂಗ್ ಮಾಡುವ ಇಬ್ಬರು ಆಸ್ಪತ್ರೆಗೆ ಕರೆದೊಯ್ದರು ಎಂದಿದ್ದಾರೆ. ಯೋಗೇಶ್ ನಟಿ ಮಾಲ್ವಿ ಮನೆಹತ್ರ ಹೋಗಿ ಕಾಯುತ್ತಿದ್ದನಂತೆ. ಅಲ್ಲದೆ ಆಕೆಯ ಮನೆಗೆ ಹೂಗಳನ್ನು ಕಳುಹಿಸಿಕೊಡುತ್ತಿದ್ದ ಎಂದು ಹೇಳಿದ್ದಾರೆ.

Recommended Video

ಕುರುಕ್ಷೇತ್ರ ಸಿನಿಮಾ ಮಾಡ್ತೀನಿ ಅಂತ ಬಂದಾಗ ಮುನಿರತ್ನನಿಗೆ ಬೈದು ಕಳ್ಸಿದ್ದೆ | Darshan | Munirathna

ಪ್ಲಾಸ್ಟಿಕ್ ಸರ್ಜರಿ ಮಾಡಲಾಗುತ್ತಿದೆ

ಮಾಲ್ವಿ ಮಲ್ಹೋತ್ರಾ ಸದ್ಯ ಮುಂಬೈನ ಕೋಕಿಲಾಬೆನ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಪ್ಲಾಸ್ಟಿಕ್ ಸರ್ಜರಿ ಮಾಡಲಾಗುತ್ತಿದೆ ಎಂದು ಹೇಳಿದ್ದಾರೆ. ಇನ್ನು ಕೆಲವು ದಿನಗಳು ಆಸ್ಪತ್ರೆಯಲ್ಲಿದ್ದು ಚಿಕಿತ್ಸೆ ಪಡೆಯಬೇಕಾಗುತ್ತೆ.