ಮದುವೆಯಾಗಲು ನಿರಾಕರಿಸಿದ ನಟಿಗೆ ಚಾಕು ಇರಿದ ಫೇಸ್‌ಬುಕ್ ಗೆಳೆಯ

2019 ರಲ್ಲಿ ಫೇಸ್‌ಬುಕ್ ಮೂಲಕ ಪರಿಚಯ

ಚಾಕು ಇರಿದ ಕುಮಾರ್ ಮಹಿಪಾಲ್ ಸಿಂಗ್ ಸಿನಿಮಾ ನಿರ್ಮಾಪಕನಂತೆ, 2019 ರಲ್ಲಿ ಮಾಲ್ವಿಗೆ ಫೇಸ್‌ಬುಕ್ ಮೂಲಕ ಪರಿಚಯವಾಗಿದ್ದನಂತೆ. ಇಬ್ಬರೂ ಕೆಲವು ಭಾರಿ ಭೇಟಿ ಆಗಿದ್ದರಂತೆ, ಒಳ್ಳೆಯ ಸ್ನೇಹಿತರಾಗಿ ಸಹ ಇದ್ದರಂತೆ.

ಮಾಲ್ವಿಯ ಕೈ ಬೆರಳು ತುಂಡು

ಮಾಲ್ವಿ ನೀಡಿರುವ ದೂರಿನನ್ವಯ, ಆಕೆಯು ದುಬೈನಲ್ಲಿ ಚಿತ್ರೀಕರಣವೊಂದರಲ್ಲಿ ಪಾಲ್ಗೊಂಡು ಅಕ್ಟೋಬರ್ 25 ರಂದು ಮುಂಬೈಗೆ ವಾಪಸ್ ಬಂದಿದ್ದರಂತೆ. ಕಾಫಿ ಶಾಪ್‌ನಿಂದ ಹೊರಗೆ ಬಂದು ಮನೆಗೆ ಹೋಗುವಾಗ ಎದುರಾದ ಮಹಿಪಾಲ್ ಆಕೆಯನ್ನು ಅಡ್ಡಗಟ್ಟಿ ಚಾಕುವಿನಿಂದ ಹೊಟ್ಟೆಗೆ ಇರಿದಿದ್ದಾನೆ. ಆಕೆಯ ಎಡಗೈಯ ಒಂದು ಬೆರಳು ಕತ್ತರಿಸಿ ಹೋಗಿದೆ.

ಕೋಕಿಲಾಬೆನ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ

ಮುಂಬೈನ ಕೊಕಿಲಾಬೇನ್ ಆಸ್ಪತ್ರೆಯಲ್ಲಿ ಮಾಲ್ವಿ ಮಲ್ಹೋತ್ರಾ ದಾಖಲಾಗಿದ್ದು, ಘಟನೆ ನಡೆದ ಮಾರನೇಯ ದಿನ ಪೊಲೀಸರಿಗೆ ದೂರು ನೀಡಿದ್ದಾರೆ. ಎಫ್‌ಐಆರ್ ದಾಖಲಿಸಿಕೊಂಡಿರುವ ಪೊಲೀಸರು, ಆರೋಪಿ ಕುಮಾರ್ ಮಹಿಪಾಲ್ ಸಿಂಗ್‌ ಗಾಗಿ ಹುಡುಕಾಟ ನಡೆಸಿದ್ದಾರೆ.