ಪ್ರಭಾಸ್ 'ಸಾಹೋ' ಚಿತ್ರಕ್ಕೆ ಎಂಟ್ರಿ ಕೊಟ್ಟ ಸರ್ಪ್ರೈಸ್ 'ವಿಲನ್' ಯಾರು?

'ಸಾಹೋ' ಚಿತ್ರದಲ್ಲಿ 'ಮಂದಿರ ಬೇಡಿ'

ಕಳೆದ ಎರಡು ದಶಕಗಳಿಂದ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿರುವ ಮಂದಿರ ಬೇಡಿ, ಪ್ರಭಾಸ್ ಅಭಿನಯಿಸುತ್ತಿರುವ 'ಸಾಹೋ' ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.

ನೆಗೆಟೀವ್ ಪಾತ್ರದಲ್ಲಿ ಮಂದಿರ

'ಸಾಹೋ' ಚಿತ್ರದಲ್ಲಿ ಮಂದಿರ ಬೇಡಿ ಅವರದ್ದು ನೆಗೆಟೀವ್ ಪಾತ್ರ. ಈಗಾಗಲೇ ಮೊದಲ ಹಂತದ ಚಿತ್ರೀಕರಣವನ್ನ ಹೈದರಾಬಾದ್ ನಲ್ಲಿ ಮುಗಿಸಿದ್ದಾರೆ. ವಿಶೇಷ ಅಂದ್ರೆ ಈ ಚಿತ್ರದಲ್ಲಿ ಮಂದಿರ ಬೇಡಿ ಅವರು ಆಕ್ಷನ್ ದೃಶ್ಯಗಳಲ್ಲಿ ಕೂಡ ಕಾಣಿಸಿಕೊಂಡಿದ್ದಾರಂತೆ.

ನೀಲ್ ನಿತಿನ್ ಮುಖೇಶ್

ಬಾಲಿವುಡ್ ಹಾಗೂ ಸೌತ್ ಸಿನಿಮಾ ರಂಗದಲ್ಲಿ ಗುರುತಿಸಿಕೊಂಡಿರುವ ನೀಲ್ ನಿತಿನ್ ಮುಖೇಶ್ ಕೂಡ ಪ್ರಭಾಸ್ 'ಸಾಹೋ' ಚಿತ್ರದಲ್ಲಿ ಖಳನಾಯಕನ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.

ಜಾಕಿ ಶ್ರಾಫ್

'ಸಾಹೋ' ಚಿತ್ರದಲ್ಲಿ ಹಿರಿಯ ನಟ ಜಾಕಿ ಶ್ರಾಫ್ ವಿಶೇಷ ಪಾತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. ಇವರ ಪಾತ್ರದ ಬಗ್ಗೆ ಬಹಿರಂಗಪಡಿಸಿದ ಚಿತ್ರತಂಡ, ಒಂದು ಪ್ರಮುಖ ಪಾತ್ರವೆಂದು ಮಾತ್ರ ಹೇಳುತ್ತಿದೆ.

ಅರುಣ್ ವಿಜಯ್

ಇನ್ನು ತಮಿಳಿನ ಯಂಗ್ ಆಕ್ಟರ್ ಅರುಣ್ ವಿಜಯ್ ಕೂಡ 'ಸಾಹೋ' ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಅರುಣ್ ವಿಜಯ್, ಇದಕ್ಕು ಮುಂಚೆ ಪುನೀತ್ ರಾಜ್ ಕುಮಾರ್ ಅಭಿನಯಿಸಿದ್ದ 'ಚಕ್ರವ್ಯೂಹ' ಚಿತ್ರದಲ್ಲೂ ಖಳನಾಯಕನಾಗಿ ಕಾಣಿಸಿಕೊಂಡಿದ್ದರು.

'ಸಾಹೋ' ಚಿತ್ರದ ಬಗ್ಗೆ....

ಸುಜಿತ್ ಈ ಚಿತ್ರವನ್ನ ನಿರ್ದೇಶನ ಮಾಡಿದ್ದು, ಪ್ರಭಾಸ್ ಮತ್ತು ಶ್ರದ್ಧಾ ಕಪೂರ್ ಜೋಡಿಯಾಗಿ ಅಭಿನಯಿಸುತ್ತಿದ್ದಾರೆ. ತೆಲುಗು, ಹಿಂದಿ, ತಮಿಳು ಭಾಷೆಯಲ್ಲಿ ಸಿನಿಮಾ ತಯಾರಾಗುತ್ತಿದ್ದು, ಏಕಕಾಲದಲ್ಲಿ ರಿಲೀಸ್ ಆಗಲಿದೆ.