ನಿರ್ದೇಶಕಿ ಕಂಗನಾರಿಂದ ಇನ್ನೆಷ್ಟು ಜನರಿಗೆ ತೊಂದರೆ ಆಗುತ್ತೋ.?

ಬಜೆಟ್ ಏಕ್ದಂ ಜಾಸ್ತಿ.!

ನಟಿ ಕಂಗನಾ ಡೈರೆಕ್ಟರ್ ಕ್ಯಾಪ್ ತೊಟ್ಟ ಮೇಲೆ ಚಿತ್ರದ ಬಜೆಟ್ 70 ಕೋಟಿ ರೂಪಾಯಿಯಿಂದ ಬರೋಬ್ಬರಿ 100 ಕೋಟಿ ರೂಪಾಯಿಗೆ ಏರಿಕೆ ಆಗಿದೆ. ಕಂಗನಾ ಕೃಪೆಯಿಂದ ಚಿತ್ರದ ಬಜೆಟ್ 30 ಕೋಟಿ ಹೆಚ್ಚಾಗಿದೆ.

ಒಬ್ಬರ ತಲೆದಂಡ.!

'ಮಣಿಕರ್ಣಿಕಾ' ಬಜೆಟ್ ನ ಏಕಾಏಕಿ ಜಾಸ್ತಿ ಮಾಡಿದ ಝೀ ಸ್ಟುಡಿಯೋಸ್ ಬಿಸಿನೆಸ್ ಹೆಡ್ ಸುಜಯ್ ಕುಟ್ಟಿ ರವರನ್ನ ಕಂಪನಿಯಿಂದ ಹೊರ ಹಾಕಲಾಗಿದೆ. ಪ್ರತಿ ದಿನ ಚಿತ್ರದ ಬಜೆಟ್ ಜಾಸ್ತಿ ಆಗುತ್ತಿದ್ದ ಕಾರಣ, ಕಾಸ್ಟ್ ಕಟ್ಟಿಂಗ್ ಮಾಡಲು ಸುಜಯ್ ಕುಟ್ಟಿ ಅವರಿಗೆ ಕಂಪನಿ ಪಿಂಕ್ ಸ್ಲಿಪ್ ನೀಡಿದೆ.

30 ಕೋಟಿ ಹೆಚ್ಚುವರಿ ಯಾಕೆ.?

ಎಷ್ಟೋ ಸನ್ನಿವೇಶಗಳನ್ನು ಬದಲಾವಣೆ ಮಾಡಲು ಕಂಗನಾ ಬಯಸ್ಸಿದ್ದರಿಂದ 30 ಕೋಟಿ ರೂಪಾಯಿ ಹೆಚ್ಚುವರಿ ಆಗಿ ಬೇಕಾಗಿದೆ. ಇದಕ್ಕೆ ಜೀ ಸ್ಟುಡಿಯೋಸ್ ಒಪ್ಪಿಗೆ ನೀಡುತ್ತಾ ಅನ್ನೋದೇ ಸದ್ಯದ ಪ್ರಶ್ನೆ.

ಜನವರಿಯಲ್ಲಿ ಬಿಡುಗಡೆ ಆಗುತ್ತಾ 'ಮಣಿಕರ್ಣಿಕಾ'.?

ವಿವಾದದ ಕೇಂದ್ರ ಬಿಂದು ಆಗಿರುವ 'ಮಣಿಕರ್ಣಿಕಾ' ಚಿತ್ರವನ್ನ ಜನವರಿ 26 ರಂದು ತೆರೆಗೆ ತರಲು ನಟಿ ಕಂಗನಾ ಸರ್ಕಸ್ ಮಾಡುತ್ತಿದ್ದಾರೆ. ಇಷ್ಟೆಲ್ಲ ತೊಂದರೆಗಳ ನಡುವೆ ಚಿತ್ರದ ಶೂಟಿಂಗ್ ಕಂಪ್ಲೀಟ್ ಆಗುವುದು ಹೇಗೆ.? ಇನ್ನೂ ನಾಲ್ಕು ತಿಂಗಳಲ್ಲಿ ಈ ಚಿತ್ರದ ಬಿಡುಗಡೆ ಸಾಧ್ಯವೇ.? ಎಂಬ ಪ್ರಶ್ನೆಗಳು ಸದ್ಯ ಕಾಡದೇ ಇರಲ್ಲ.