ಮನೋಜ್ ಬಾಜಪೇಯಿ ವೃತ್ತಿ ಜೀವನದ ಬಗ್ಗೆ ಜ್ಯೋತಿಷಿ ಹೇಳಿದ್ದು ನಿಜವಾಯ್ತು!

ದೊಡ್ಡ ಜ್ಯೋತಿಷಿ ಒಬ್ಬರನ್ನು ಭೇಟಿಯಾಗಿದ್ದೆ: ಮನೋಜ್

ಮನೋಜ್ ಹೇಳಿರುವಂತೆ, ''ರಾಷ್ಟ್ರಪ್ರಶಸ್ತಿ ಸ್ವೀಕರಿಸಿ ಜೈಪುರದಲ್ಲಿ ಹಾಲಿವುಡ್ ಸಿನಿಮಾದ ಚಿತ್ರೀಕರಣಕ್ಕೆ ತೆರಳಿದ್ದೆ. ಆ ಸಿನಿಮಾದ ಬಳಿಕ ವೃತ್ತಿ ಜೀವನ ದೊಡ್ಡ ಹಂತಕ್ಕೆ ಏರಲಿದೆ ಎಂಬುದು ನನ್ನ ನಿರೀಕ್ಷೆ ಆಗಿತ್ತು. ಚಿತ್ರೀಕರಣದ ಮಧ್ಯ ಬಿಡುವಿನ ವೇಳೆಯಲ್ಲಿ ಗೆಳೆಯ, ನಟ ಶ್ರೀವಲ್ಲಭ ವ್ಯಾಸ್‌ ಮನೆಗೆ ಭೇಟಿ ನೀಡಿದೆ. ಅವರ ತಂದೆ ಬಹಳ ಖ್ಯಾತಿ ಜ್ಯೋತಿಷಿ ಆಗಿದ್ದರು. ಜೈಸಲ್ಮೇರ್ ರಾಜನಿಗೆ ಅವರ ಕುಟುಂಬದವರು ಆಸ್ಥಾನ ಜ್ಯೋತಿಷಿಗಳಾಗಿದ್ದರು'' ಎಂದಿದ್ದಾರೆ.

ಸಿನಿಮಾದಿಂದ ಉಪಯೋಗವಿಲ್ಲ ಎಂದಿದ್ದ ಜ್ಯೋತಿಷಿ

''ಗೆಳೆಯ ಶ್ರೀವಲ್ಲಭ ವ್ಯಾಸ್‌ ಬಲವಂತ ಮಾಡಿ ನನ್ನ ಕುಂಡಲಿಯನ್ನು ಅವರ ತಂದೆಗೆ ತೋರಿಸುವಂತೆ ಹೇಳಿದರು ನಾನು ಅಂತೆಯೇ ತೋರಿಸಿದೆ. ಅಂದೇ ಅವರು ಹೇಳಿದರು ಈಗಿರುವ ನಿನ್ನ ವೃತ್ತಿ ಬದುಕಿನಲ್ಲಿ ಯಾವ ಬದಲಾವಣೆಯೂ ಆಗುವುದಿಲ್ಲ. ಈಗ ಹೇಗಿದೆಯೋ ಹಾಗೆಯೇ ಮುಂದೆ ಸಾಗಲಿದೆ ಎಂದರು. ಆದರೆ ನಾನು ನಟಿಸುತ್ತಿದ್ದ ಹಾಲಿವುಡ್ ಸಿನಿಮಾದ ಬಗ್ಗೆ ನನಗೆ ವಿಶ್ವಾಸವಿತ್ತು. ಹಾಗಾಗಿ ಅವರನ್ನು ಮತ್ತೊಮ್ಮೆ ಪರೀಕ್ಷಿಸಿ ನೋಡಿ ಎಂದು ವಿನಂತಿಸಿಕೊಂಡೆ'' ಎಂದು ಅಂದಿನ ಘಟನೆಯನ್ನು ನೆನಪಿಸಿಕೊಂಡಿದ್ದಾರೆ ಮನೋಜ್.

ಸಿನಿಮಾ ಬಿಡುಗಡೆ ಆಗಲೇ ಇಲ್ಲ: ಮನೋಜ್

''ಅವರು ಮತ್ತೊಮ್ಮೆ ನೋಡಿ ಈ ಸಿನಿಮಾ ಬಿಡುಗಡೆ ಆಗುವುದಿಲ್ಲ. ನಿನಗೆ ಈ ಸಿನಿಮಾದಿಂದ ಯಾವ ಲಾಭವೂ ಆಗುವುದಿಲ್ಲ ಎಂದು ಖಚಿತವಾಗಿ ಹೇಳಿದರು. ಆಗ ನಾನು ಅವರ ಮಾತನ್ನು ನಂಬಿರಲಿಲ್ಲ. ಸಿನಿಮಾದ ಚಿತ್ರೀಕರಣ ಪೂರ್ಣವಾಯಿತು ಆದರೆ ಆ ಸಿನಿಮಾ ಬಿಡುಗಡೆ ಆಗಲೇ ಇಲ್ಲ. ಆ ಸಿನಿಮಾದಿಂದ ನನ್ನ ವೃತ್ತಿ ಜೀವನಕ್ಕೆ ಯಾವ ಲಾಭವೂ ಆಗಲಿಲ್ಲ'' ಎಂದು ನೆನಪು ಮಾಡಿಕೊಂಡಿದ್ದಾರೆ ಮನೋಜ್.

ಆಫರ್‌ಗಳು ಬರುತ್ತಿವೆ, ಆದರೆ ಒಪ್ಪಿಕೊಳ್ಳುತ್ತಿಲ್ಲ: ಮನೋಜ್

ಆ ಘಟನೆ ನಡೆದು ಎರಡು ದಶಕವಾಗಿದೆ ಆದರೆ ಮನೋಜ್‌ ಯಾವ ಹಾಲಿವುಡ್ ಸಿನಿಮಾದಲ್ಲಿಯೂ ನಟಿಸಿಲ್ಲ. 2020ರ ಸಂದರ್ಶನವೊಂದರಲ್ಲಿ ಅವರೇ ಹೇಳಿಕೊಂಡಿರುವಂತೆ ಹಾಲಿವುಡ್‌ನಿಂದ ಆಫರ್‌ಗಳು ಬರಲು ಆರಂಭವಾಗಿದೆ ಆದರೆ ತಾವು ಸೂಕ್ತ ಅವಕಾಶಕ್ಕಾಗಿ ಕಾಯುತ್ತಿದ್ದು, ಒಳ್ಳೆಯ ಕತೆ, ಒಳ್ಳೆಯ ಪಾತ್ರವರ್ಗ, ಒಳ್ಳೆಯ ಪ್ರೊಡಕ್ಷನ್ ಸಂಸ್ಥೆ ಸಿಕ್ಕರಷ್ಟೆ ಹಾಲಿವುಡ್ ಸಿನಿಮಾದಲ್ಲಿ ನಟಿಸುವುದಾಗಿ ಹೇಳಿದ್ದರು.

ಮಲಯಾಳಂ ಸಿನಿಮಾಕ್ಕೆ ಪಾದಾರ್ಪಣೆ

'ದಿ ಫ್ಯಾಮಿಲಿ ಮ್ಯಾನ್' ಸೀಸನ್ 2 ಯಶಸ್ಸು ಕಂಡಿರುವ ಖುಷಿಯಲ್ಲಿರುವ ಮನೋಜ್, ಸೀಸನ್ 3ಗೆ ತಯಾರಾಗಿದ್ದಾರೆ. ಸೀಸನ್ 3ಗೆ ದೊಡ್ಡ ಮೊತ್ತದ ಸಂಭಾವನೆಯನ್ನೇ ಮನೋಜ್ ಕೇಳಿದ್ದಾರೆ. ಅದರ ಜೊತೆಗೆ 'ಡಯಲ್ 100', ಮಲಯಾಳಂನ 'ಕುರುಪ್', 'ಡಿಸ್‌ಪ್ಯಾಚ್' ಸಿನಿಮಾಗಳಲ್ಲಿಯೂ ಮನೋಜ್ ನಟಿಸುತ್ತಿದ್ದಾರೆ.