3ನೇ ಚಿತ್ರಕ್ಕೆ ಸಹಿ ಮಾಡಿದ 'ಮಿಸ್ ವರ್ಲ್ಡ್' ಮಾನುಷಿ ಚಿಲ್ಲರ್

ಅಹಾನ್ ಪಾಂಡೆ ಜೊತೆ ಮಾನುಷಿ?

ಬಾಲಿವುಡ್ ನಟ ಚಂಕಿ ಪಾಂಡೆ ಸೋದರಳಿಯ ಅಹಾನ್ ಪಾಂಡೆ ಸಿನಿಮಾ ಇಂಡಸ್ಟ್ರಿ ಪ್ರವೇಶಿಸಲು ಸಜ್ಜಾಗುತ್ತಿದ್ದು, ನಿರ್ದೇಶಕ ಶಿವ್ ರಾವಲಿ ಪರಿಚಯ ಮಾಡಲು ತಯಾರಿ ನಡೆಸಿದ್ದಾರೆ. ಇದೇ ಸಿನಿಮಾಗೆ ಈಗ ಮಾನುಷಿ ಚಿಲ್ಲರ್ ನಾಯಕಿ ಎಂದು ಆಯ್ಕೆ ಮಾಡಿಕೊಳ್ಳಲಾಗಿದೆ. ಈ ಚಿತ್ರಕ್ಕೆ ಆದಿತ್ಯ ಚೋಪ್ರಾ ಬಂಡವಾಳ ಹಾಕುತ್ತಿದ್ದಾರೆ.

ವಿಕ್ಕಿ ಕೌಶಲ್ ಜೊತೆ ಮಿಸ್ ವರ್ಲ್ಡ್

ಇದಕ್ಕೂ ಮುಂಚೆ ವಿಜಯ್ ಕೃಷ್ಣ ಅಚಾರ್ಯ ನಿರ್ದೇಶನ ಮಾಡಲಿರುವ ಕಾಮಿಡಿ ಸಿನಿಮಾದಲ್ಲಿ ಮಾನಷಿ ಚಿಲ್ಲರ್ ನಟಿಸುತ್ತಿದ್ದಾರೆ. ಈ ಪ್ರಾಜೆಕ್ಟ್‌ನಲ್ಲಿ ವಿಕ್ಕಿ ಕೌಶಲ್ ನಾಯಕ. ಈ ಸಿನಿಮಾ ಸಹ ಯಶ್ ರಾಜ್ ಫಿಲಂಸ್ ಸಂಸ್ಥೆಯ ಅಡಿಯಲ್ಲಿ ನಿರ್ಮಾಣವಾಗುತ್ತಿದೆ. ಅಲ್ಲಿಗೆ ಮಾನುಷಿ ನಟಿಸುತ್ತಿರುವ ಮೊದಲ ಮೂರು ಸಿನಿಮಾಗಳು ಯಶ್ ರಾಜ್ ಬ್ಯಾನರ್ ಎನ್ನುವುದು ವಿಶೇಷ.

ಪೃಥ್ವಿರಾಜ್ ಚಿತ್ರದಲ್ಲಿ ನಾಯಕಿ

ನಟ ಅಕ್ಷಯ್ ಕುಮಾರ್ ನಟಿಸಿರುವ 'ಪೃಥ್ವಿರಾಜ್' ಸಿನಿಮಾದಲ್ಲಿ ಮಾನುಷಿ ಚಿಲ್ಲರ್ ಕಾಣಿಸಿಕೊಂಡಿದ್ದಾರೆ. ಇದು ಮಿಸ್ ವರ್ಲ್ಡ್ ಸುಂದರಿಯ ಚೊಚ್ಚಲ ಸಿನಿಮಾ. ಸಂಪೂರ್ಣವಾಗಿ ಶೂಟಿಂಗ್ ಮುಗಿದಿದೆ. ಎಲ್ಲ ಅಂದುಕೊಂಡಂತೆ ಆಗಿದ್ದರೆ ಇಷ್ಟೊತ್ತಿಗಾಗಲೇ ಚಿತ್ರಮಂದಿರಕ್ಕೆ ಸಿನಿಮಾ ಬರಬೇಕಿತ್ತು. ಆದ್ರೆ, ಕೋವಿಡ್ ಕಾರಣದಿಂದ ವಿಳಂಬವಾಗಿದೆ.

ಯಶ್ ರಾಜ್ ಸಂಸ್ಥೆಯ ನೆಚ್ಚಿನ ನಟಿ

ಅಂದ್ಹಾಗೆ, 2017ರ ಭುವನ ಸುಂದರಿ ಜೊತೆ ಯಶ್ ರಾಜ್ ಫಿಲಂಸ್ ಮೂರು ಪ್ರಾಜೆಕ್ಟ್‌ಗಳ ಒಪ್ಪಂದ ಮಾಡಿಕೊಂಡಿತ್ತು. ಆ ಹಿನ್ನೆಲೆ ಮೂರು ಸಿನಿಮಾಗೆ ಸಹಿ ಮಾಡಿದ್ದಾರೆ. ಇನ್ನು ನಟಿಯ ಡೆಡಿಕೇಷನ್, ಕೆಲಸ, ಶ್ರದ್ಧೆ ಬಗ್ಗೆ ನಿರ್ಮಾಣ ಸಂಸ್ಥೆ ಮೆಚ್ಚುಗೆ ವ್ಯಕ್ತಪಡಿಸಿದೆ.