ನಿರ್ದೇಶಕ ಸಾಜಿದ್ ಖಾನ್ ವಿರುದ್ಧ ಸಿಡಿದೆದ್ದ ನಟಿ ಸಿಮ್ರನ್ ಸೂರಿ.!

'ಹಿಮ್ಮತ್ ವಾಲಾ' ಕಾಸ್ಟಿಂಗ್ ಸಂದರ್ಭ

'ಹಿಮ್ಮತ್ ವಾಲಾ' ಚಿತ್ರದ ಕಾಸ್ಟಿಂಗ್ ಸಂದರ್ಭದಲ್ಲಿ ಸಾಜಿದ್ ಖಾನ್ ನಿಂದ ಸಿಮ್ರನ್ ಲೈಂಗಿಕ ಕಿರುಕುಳಕ್ಕೆ ಒಳಗಾಗಿದ್ದರಂತೆ. ಮನೆಯಲ್ಲೇ ಆಡಿಷನ್ ಮಾಡಿದ ಸಾಜಿದ್ ಖಾನ್, ಸಿಮ್ರನ್ ಬಟ್ಟೆ ಕಳಚಲು ಹೇಳಿದ್ನಂತೆ.

ಅಂದು ಯಾರೂ ನಂಬುತ್ತಿರಲಿಲ್ಲ

ಬಟ್ಟೆ ಬಿಚ್ಚಲು ಸಿಮ್ರನ್ ಒಲ್ಲೆ ಎಂದಾಗ, ಸಿಮ್ರನ್ ತೊಟ್ಟಿದ ಬಟ್ಟೆಯನ್ನ ಸಾಜಿದ್ ಖಾನ್ ಕಳಚಿದನಂತೆ. ಈ ಘಟನೆ ಆದ್ಮೇಲೆ, ಸಾಜಿದ್ ಖಾನ್ ಫೋನ್ ನಂಬರ್ ನ ಸಿಮ್ರನ್ ಡಿಲೀಟ್ ಮಾಡಿದ್ದಾರೆ. ''ಅವತ್ತೇ ಈ ಘಟನೆಯನ್ನ ವಿವರಿಸಿದ್ದರೆ ಯಾರೂ ನನ್ನ ಮಾತನ್ನ ನಂಬುತ್ತಿರಲಿಲ್ಲ'' ಎಂದು ಸಿಮ್ರನ್ ತಮ್ಮ ಅಳಲನ್ನು ತೋಡಿಕೊಂಡಿದ್ದಾರೆ.

ಐದನೇ ಆರೋಪ

ಇದು ಸಾಜಿದ್ ಖಾನ್ ವಿರುದ್ಧ ಕೇಳಿಬರುತ್ತಿರುವ ಐದನೇ ಆರೋಪ. #ಮೀಟೂ ಅಭಿಯಾನದಿಂದ ಬಾಲಿವುಡ್ ನಲ್ಲಿ ಸಾಜಿದ್ ಖಾನ್ ಮಾನ ಮೂರು ಕಾಸಿಗೆ ಹರಾಜಾಗಿದೆ.

ಹೌಸ್ ಫುಲ್-4 ಚಿತ್ರದಿಂದ ಔಟ್

ತಮ್ಮ ವಿರುದ್ಧ ಆರೋಪಗಳು ಕೇಳಿಬರುತ್ತಿದ್ದಂತೆಯೇ, ನೈತಿಕ ಹೊಣೆ ಹೊತ್ತು 'ಹೌಸ್ ಫುಲ್-4' ಚಿತ್ರದ ನಿರ್ದೇಶಕನ ಸ್ಥಾನದಿಂದ ಸಾಜಿದ್ ಖಾನ್ ಕೆಳಕ್ಕೆ ಇಳಿದಿದ್ದಾರೆ.