Click it and Unblock the Notifications
Don't Miss!
-
KKR vs RR IPL 2024: ಜೋಸ್ ದಿ ಬಾಸ್ ಬಟ್ಲರ್ ಆರ್ಭಟಕ್ಕೆ ಕೆಕೆಆರ್ ಹೈರಾಣ; ರಾಯಲ್ ಆಗಿ ಗೆದ್ದ ರಾಜಸ್ಥಾನ -
ಬೇಸಿಗೆಯಲ್ಲಿ ಇಡ್ಲಿ, ದೋಸೆಯ ಹಿಟ್ಟು ಹುಳಿ ಬಂದರೆ ಹುಳಿ ಕಡಿಮೆಯಾಗಲು ಏನು ಮಾಡಬೇಕು? -
Dwarakish: ವಿಧಾನಸಭಾ ಚುನಾವಣೆಗೆ ಸ್ಪರ್ಧಿಸಿದ್ದ ದ್ವಾರಕೀಶ್ ಪಡೆದಿದ್ದ ಮತಗಳೆಷ್ಟು? -
ಪೆಟ್ರೋಲ್ ಎಂಜಿನ್ಗಳಲ್ಲಿ ಮಾತ್ರ ಬರಲಿದೆ ರೆನಾಲ್ಟ್ನ ಬ್ರಹ್ಮಾಸ್ತ್ರ ಡಸ್ಟರ್ -
ಇಸ್ರೇಲ್-ಇರಾನ್ ಯುದ್ಧದ ಪರಿಣಾಮ ಷೇರು ಪೇಟೆಯಲ್ಲಿ ಭಾರಿ ನಷ್ಟ -
YouTube: ಯೂಟ್ಯೂಬ್ ಬಳಕೆದಾರರಿಗೆ ಶಾಕಿಂಗ್ ನ್ಯೂಸ್! ಆಡ್ ಬ್ಲಾಕರ್ ವಿರುದ್ಧ ಸಮರ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಾಲ್ಯದಲ್ಲಿ ಆರೆಸ್ಸೆಸ್‌ನಲ್ಲಿದ್ದೆ ಎಂದ ಬಾಲಿವುಡ್ ಹಿರಿಯ ನಟ: ಟ್ವಿಟ್ಟರ್‌ನಲ್ಲಿ ಟ್ರೆಂಡ್
ತಾವು ಚಿಕ್ಕಂದಿನಲ್ಲಿ ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ (ಆರೆಸ್ಸೆಸ್) ಕಾರ್ಯಕರ್ತನಾಗಿದ್ದಾಗಿ ಖ್ಯಾತ ರೂಪದರ್ಶಿ-ನಟ-ಅಥ್ಲೀಟ್ ಮಿಲಿಂದ್ ಸೋಮನ್ ಹೇಳಿದ್ದಾರೆ. ಇದು ಸಾಮಾಜಿಕ ಜಾಲತಾಣಗಳಲ್ಲಿ ತೀವ್ರ ಚರ್ಚೆಗೆ ಒಳಗಾಗಿದೆ. ಅನೇಕರು ಮಿಲಿಂದ್ ವಿರುದ್ಧ ಟೀಕಾಪ್ರಹಾರ ನಡೆಸಿದ್ದಾರೆ.
Recommended Video
ಮುಂಬೈನ ಶಿವಾಜಿ ಪಾರ್ಕ್‌ನಲ್ಲಿದ್ದ ಸ್ಥಳೀಯ ಶಾಖಾದಲ್ಲಿ ಆರೆಸ್ಸೆಸ್ ಚಟುವಟಿಕೆಯಲ್ಲಿ ಪಾಲ್ಗೊಳ್ಳುತ್ತಿದ್ದುದ್ದಾಗಿ ಮಿಲಿಂದ್ ನೆನಪಿಸಿಕೊಂಡಿದ್ದಾರೆ. ಶಿಸ್ತುಬದ್ಧ ಜೀವನ ಪದ್ಧತಿಯನ್ನು ತಿಳಿದುಕೊಳ್ಳಲು ಆರೆಸ್ಸೆಸ್ ಶಾಖೆಗಳು ನೆರವಾಗಲಿದೆ ಎಂದು ತಮ್ಮ ತಂದೆ ಯಾವಾಗಲೂ ನಂಬಿದ್ದರು ಎಂದು ಮಿಲಿಂದ್ ತಿಳಿಸಿದ್ದಾರೆ.
'ಇಂದು ಎಲ್ಲ ವಿಧ್ವಂಸಕ ಕೃತ್ಯಗಳು, ಕೋಮುವಾದದ ಸಂಚುಗಳನ್ನು ಮಾಧ್ಯಮಗಳು ಆರೆಸ್ಸೆಸ್ ಮೇಲೆ ಹೊರಿಸುತ್ತಿರುವುದನ್ನು ಕಂಡು ನಾನು ನಿಜಕ್ಕೂ ಆಘಾತಗೊಂಡಿದ್ದೇನೆ' ಎಂದು ಮಿಲಿಂದ್ ಹೇಳಿದ್ದಾರೆ.
ಸದಾ ಚಟುವಟಿಕೆಯಿಂದ ಇರುತ್ತಿದ್ದೆವು
'ಪ್ರತಿ ವಾರಾಂತ್ಯದ ಸಂಜೆ 6 ರಿಂದ 7 ಗಂಟೆಯವರೆಗೆ ನಮ್ಮ ಶಾಖೆಯಲ್ಲಿ ನಡೆಯುತ್ತಿದ್ದ ಘಟನೆಗಳು ಸಂಪೂರ್ಣ ಬೇರೆಯದ್ದೇ ಆಗಿತ್ತು. ನಮ್ಮ ಖಾಕಿ ಚಡ್ಡಿಗಳನ್ನು ಹಾಕಿಕೊಂಡು ಮೆರವಣಿಗೆ ಹೋಗುತ್ತಿದ್ದೆವು, ಸ್ವಲ್ಪ ಸಮಯ ಯೋಗ ಮಾಡುತ್ತಿದ್ದೆವು, ಯಾವುದೇ ಫ್ಯಾನ್ಸಿ ಸಾಧನಗಳಿಲ್ಲದೆ ಹೊರಾಂಗಣ ಜಿಮ್ನಾಸಿಸಂ ಮಾಡುತ್ತಿದ್ದೆವು, ಹಾಡುಗಳನ್ನು ಹಾಡುತ್ತಿದ್ದೆವು, ನಮಗೆ ಅರ್ಥವಾಗದೆ ಇದ್ದ ಸಂಸ್ಕೃತ ಮಂತ್ರಗಳನ್ನು ಪಠಿಸುತ್ತಿದ್ದೆವು, ಆಟಗಳನ್ನು ಆಡುತ್ತಿದ್ದೆವು ಮತ್ತು ನಮ್ಮಸಹವರ್ತಿಗಳೊಂದಿಗೆ ತಮಾಷೆ ಮಾಡಿ ಮಜಾ ಮಾಡುತ್ತಿದ್ದೆವು' ಎಂದು ನೆನಪಿಸಿಕೊಂಡಿದ್ದಾರೆ.
ಉತ್ತಮ ವ್ಯಕ್ತಿಗಳನ್ನಾಗಿ ರೂಪಿಸುವುದು ಅವರ ಬಯಕೆ
ಆಗಾಗ್ಗೆ ನಮ್ಮನ್ನು ಬಾಂಬೆಯ ಸುತ್ತಮುತ್ತಲಿನ ಬೆಟ್ಟಗಳಿಗೆ ಚಾರಣಗಳಿಗೆ ಅಥವಾ ರಾತ್ರಿ ಶಿಬಿರದ ಪ್ರವಾಸಗಳಿಗೆ ಕರೆದುಕೊಂಡು ಹೋಗಲಾಗುತ್ತಿತ್ತು. ಅವುಗಳಿಗೆ ನಾವು ಕಾತರದಿಂದ ಕಾಯುತ್ತಿದ್ದೆವು. ಅವುಗಳನ್ನು ತುಂಬಾ ಎಂಜಾಯ್ ಮಾಡುತ್ತಿದ್ದೆವು. ಇಡೀ ಕಾರ್ಯಕ್ರಮಗಳನ್ನು ಅಷ್ಟೇನೂ ಮಹತ್ವಾಕಾಂಕ್ಷಿಗಳಲ್ಲದ, ಆದರೆ ಚೆನ್ನಾಗಿ ತಿಳಿದುಕೊಂಡಿರುವ ವಯಸ್ಕರು ನಿಭಾಯಿಸುತ್ತಿದ್ದರು. ಅವರು ಉತ್ತಮ ನಾಗರಿಕ ಯೋಧರನ್ನು ತಯಾರಿಸುತ್ತಿರುವುದರಲ್ಲಿ ದೃಢ ನಂಬಿಕೆ ಹೊಂದಿದ್ದರು.
ದೇಶಿ ಸ್ಕೌಟ್ಸ್ ಚಳವಳಿ
ಹುಡುಗರನ್ನು ಗೌರವಯುತವಾಗಿ, ವಯಸ್ಕರ ಎದುರು ಉತ್ತಮವಾಗಿ ನಡೆದುಕೊಳ್ಳುವಂತೆ, ದೈಹಿಕ ಕ್ಷಮತೆಯ ಮಹತ್ವದ ಕುರಿತು ಚೆನ್ನಾಗಿ ತಿಳಿದಿರುವಂತೆ, ಅವರು ದೊಡ್ಡವರಾದ ಬಳಿಕ ದೇಶ ನಿರ್ಮಾಣ ಕಾರ್ಯದಲ್ಲಿ ತಮ್ಮ ಪ್ರಯತ್ನ ಹಾಕುವಂತೆ ಮಾಡುವುದು ಅವರ ಉದ್ದೇಶವಾಗಿತ್ತು. ಇದು ದೇಶಿ ಸ್ಕೌಟ್ಸ್ ಚಳವಳಿಯಂತಿತ್ತು. ಇಲ್ಲಿ ತಮ್ಮ ಮಕ್ಕಳನ್ನು ಸೇರಿಸುವ ಪೋಷಕರಿಗೆ ಶಾಖಾ ಅವರಿಗೆ ಉತ್ತಮ ರೂಪ ನೀಡುವ ಹಾಗೂ ತೊಂದರೆಗಳಿಂದ ತಪ್ಪಿಸಿಕೊಳ್ಳುವ ಮತ್ತೊಂದು ಮಾರ್ಗವೂ ಆಗಿತ್ತು.
54ನೇ ವಯಸ್ಸಿನಲ್ಲಿ ಟ್ರೆಂಡ್ ಆಗುತ್ತಿದ್ದೇನೆ
ಮಿಲಿಂದ್ ಅವರ ಈ ಹೇಳಿಕೆಗಳು ವೈರಲ್ ಆಗುತ್ತಿದ್ದಂತೆಯೇ ಆರೆಸ್ಸೆಸ್ ವಿರೋಧಿಗಳ ಕೆಂಗಣ್ಣಿಗೆ ಮಿಲಿಂದ್ ಗುರಿಯಾಗಿದ್ದಾರೆ. 50ರ ಗಡಿ ದಾಟಿದ್ದರೂ 'ಹಾಟ್' ಮಾಡೆಲ್ ಎಂದೇ ಕರೆಸಿಕೊಳ್ಳುತ್ತಿರುವ ಮಿಲಿಂದ್ ಒಬ್ಬ 'ಸಂಘಿ' ಎಂದು ಅವರ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಇದಕ್ಕೆ ತಮಾಷೆಯಾಗಿ ಪ್ರತಿಕ್ರಿಯಿಸಿರುವ ಮಿಲಿಂದ್, 'ನನ್ನ ಹತ್ತನೇ ವಯಸ್ಸಿನಲ್ಲಿ ಪಡೆದ ಅನುಭವಕ್ಕಾಗಿ 54ನೇ ವಯಸ್ಸಿನಲ್ಲಿ ಟ್ರೆಂಡ್ ಆಗುತ್ತಿದ್ದೇನೆ. ಅದ ವಯಸ್ಸಿನಲ್ಲಿ ಸ್ವಿಮ್ಮಿಂಗ್ ಮಾಡುತ್ತಿದ್ದೆ ಎಂಬುದರ ಬಗ್ಗೆಯೂ ಈ ಟ್ರೆಂಡ್ ಆಗಬೇಕಿತ್ತು' ಎಂದು ಹೇಳಿದ್ದಾರೆ.
