ಹುಟ್ಟುಹಬ್ಬದಂದು ಬೀಚ್‌ನಲ್ಲಿ ಬೆತ್ತಲಾಗಿ ಓಡಿದ ಬಾಲಿವುಡ್ ನಟ!

ನಗ್ನವಾಗಿ ಸಮುದ್ರದಲ್ಲಿ ಓಡಿದ ಮಿಲಿಂದ್ ಸೊಮನ್

ನಗ್ನವಾಗಿ ಸಮುದ್ರ ಕಿನಾರೆಯಲ್ಲಿ ಓಡುತ್ತಿರುವ ತಮ್ಮದೇ ಚಿತ್ರವನ್ನು ಇನ್‌ಸ್ಟಾಗ್ರಾಂ ನಲ್ಲಿ ಹಂಚಿಕೊಂಡಿರುವ ಮಿಲಿಂದ್ ಸೋಮನ್, 'ನನಗೆ ಹುಟ್ಟುಹಬ್ಬದ ಶುಭಾಶಯಗಳು' ಎಂದು ಬರೆದುಕೊಂಡಿದ್ದಾರೆ. ಮಿಲಿಂದ್ ನಗ್ನ ಚಿತ್ರ ಹಂಚಿಕೊಂಡಿದ್ದಕ್ಕೆ ಕೆಲವರು ಸಿಟ್ಟಾಗಿದ್ದರೆ, ಇನ್ನು ಕೆಲವು ಸಾಮಾನ್ಯವಾಗಿ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದಾರೆ.

ಗೋವಾದಲ್ಲಿರುವ ಮಿಲಿಂದ್-ಅಂಕಿತಾ

ಅಂಕಿತಾ ಹಾಗೂ ಮಿಲಿಂದ್ ಗೋವಾದಲ್ಲಿ ಇದ್ದಾರೆ. ಅಂಕಿತಾ ಸಹ ಮಿಲಿಂದ್ ಹಾಗೂ ತಮ್ಮ ಚಿತ್ರಗಳನ್ನು ಹಂಚಿಕೊಂಡಿದ್ದು, 'ನನ್ನ ಆತ್ಮ ಹಾಗೂ ಹೃದಯವನ್ನು ಹೊಂದಿರುವ ವ್ಯಕ್ತಿಗೆ ಹುಟ್ಟುಹಬ್ಬದ ಶುಭಾಶಯ, ನಾನು ಬದುಕಿರುವವರೆಗೆ ನಿನ್ನನ್ನು ಪ್ರೀತಿಸುವೆ, ನಿನ್ನೊಂದಿಗೆ ಪ್ರತಿದಿನವೂ ಆಚರಣೆಯೇ' ಎಂದಿದ್ದಾರೆ.

ಬೆಂಗಳೂರು ಮ್ಯಾರಥಾಮ್‌ನಲ್ಲಿ ಅತಿಥಿ ಓಟಗಾರ

ಅಂಕಿತಾ ಹಾಗೂ ಮಿಲಿಂದ್ ಇಬ್ಬರೂ ಸಹ ಅದ್ಭುತ ಓಟಗಾರರು, ಇಬ್ಬರೂ ಇಂದು 12 ಕಿ.ಮೀ ಗೋವಾದ ಬೀಚ್‌ನಲ್ಲಿ ಓಡಿದ್ದಾರಂತೆ. ಮಿಲಿಂದ್ ದೇಶದ ವಿವಿಧ ನಗರಗಳಲ್ಲಿ ನಡೆವ ಮ್ಯಾರಥಾನ್ ಸ್ಪರ್ಧೆಗಳಲ್ಲಿ ಅತಿಥಿ ಓಟಗಾರರಾಗಿ ಭಾಗವಹಿಸುತ್ತಾರೆ. ಬೆಂಗಳೂರಿನಲ್ಲೂ ಸಹ.

26 ವರ್ಷ ಕಿರಿಯ ಯುವತಿಯನ್ನು ಮದುವೆಯಾಗಿರುವ ಮಿಲಿಂದ್

ಇನ್ನು ಮಿಲಿಂದ್ ಹಾಗೂ ಅಂಕಿತಾ ವಿವಾಹ ತುಸು ವಿವಾದ ಎಬ್ಬಿಸಿತ್ತು. ಮಿಲಿಂದ್ ಸೋಮನ್ ತನಗಿಂದ 26 ವರ್ಷ ಕಡಿಮೆ ವಯಸ್ಸಿನ ಅಂಕಿತಾರನ್ನು ಮದುವೆಯಾಗಿದ್ದಾರೆ. ಅಂಕಿತಾಗೆ 26 ವರ್ಷ ವಯಸ್ಸಾಗಿದ್ದಾಗ 56 ವರ್ಷದ ಮಿಲಿಂದ್ ಅವರನ್ನು ಮದುವೆಯಾಗಿದ್ದರು.