ಬೋನಿ ಕಪೂರ್ ಮೊದಲ ಪತ್ನಿ ಮತ್ತು ಶ್ರೀದೇವಿ ಇಬ್ಬರೂ ದುರಾದೃಷ್ಟವಂತರೇ.! ಯಾಕೆ.?

ಬೋನಿ ಕಪೂರ್ ಮೊದಲ ಪತ್ನಿ ಸತ್ತಿದ್ದು ಯಾವಾಗ.?

ಬೋನಿ ಕಪೂರ್ ಮೊದಲ ಪತ್ನಿ ಮೋನಾ ಅವರು 2012, ಮಾರ್ಚ್ 5 ರಂದು ಸಾವಿಗೀಡಾದರು. ಕ್ಯಾನ್ಸರ್ ರೋಗದಿಂದ ಬಳಲುತ್ತಿದ್ದ ಮೋನಾ, ಬಹುಅಂಗಾಂಗ ವೈಫಲ್ಯದಿಂದ ಕೊನೆಯುಸಿರೆಳೆದರು.

ಮಗನ ಚೊಚ್ಚಲ ಸಿನಿಮಾ ನೋಡಲೇ ಇಲ್ಲ

ಮೋನಾ ಅವರ ಮಗ ಅರ್ಜುನ್ ಕಪೂರ್ ಅಭಿನಯದ ಚೊಚ್ಚಲ ಸಿನಿಮಾ 'ಇಶಾಕ್ ಝಾದೆ' ಮೇ ತಿಂಗಳಲ್ಲಿ ತೆರೆಕಾಣಲು ಸಿದ್ದವಾಗಿತ್ತು. ಆದ್ರೆ, ಮಗನ ಸಿನಿಮಾ ನೋಡುವ ಭಾಗ್ಯ ಆ ತಾಯಿಗೆ ಸಿಗಲಿಲ್ಲ. ಅರ್ಜುನ್ ಕಪೂರ್ ಅವರ ಚೊಚ್ಚಲ ಚಿತ್ರಕ್ಕೂ ಮುಂಚೆಯೇ ಮೋನಾ ಇಹಲೋಕ ತ್ಯಜಿಸಿದರು.

ಶ್ರೀದೇವಿ ವಿಚಾರದಲ್ಲೂ ಅದೇ ಆಯ್ತು

ಬೋನಿ ಕಪೂರ್ ಎರಡನೇ ಪತ್ನಿ ಶ್ರೀದೇವಿ ವಿಚಾರದಲ್ಲೂ ಅದೇ ಆಗಿದೆ. ಮಗಳನ್ನ ಬಾಲಿವುಡ್ ಗೆ ಪರಿಚಯಿಸಬೇಕು ಎಂದು ಕನಸು ಕಂಡಿದ್ದ ಶ್ರೀದೇವಿ ಕೊನೆಗೂ ಮಗಳ ಚಿತ್ರವನ್ನ ನೋಡದೆ ಕೊನೆಯುಸಿರೆಳೆದಿದ್ದಾರೆ.

ಜುಲೈನಲ್ಲಿ ಜಾಹ್ನವಿ ಕಪೂರ್ ಸಿನಿಮಾ ರಿಲೀಸ್

''ದಡಕ್'' ಚಿತ್ರದಲ್ಲಿ ನಾಯಕಿಯಾಗಿ ಅಭಿನಯಿಸುತ್ತಿರುವ ಜಾಹ್ನವಿ ಕಪೂರ್, ಚೊಚ್ಚಲ ಚಿತ್ರದ ಬಿಡುಗಡೆಗೆ ಸಜ್ಜಾಗುತ್ತಿದ್ದರು. ಜುಲೈ ತಿಂಗಳಲ್ಲಿ ಶ್ರೀದೇವಿ ಪುತ್ರಿ ಜಾಹ್ನವಿ ಕಪೂರ್ ಚೊಚ್ಚಲ ಸಿನಿಮಾ ತೆರೆಕಾಣಲಿದೆ. ಆದ್ರೆ, ಮಗಳ ಮೊದಲ ಸಿನಿಮಾ ನೋಡಲು ಈ ತಾಯಿಯೂ ಇಲ್ಲದಂತಾಗಿದೆ.

ಬೋನಿ ಕಪೂರ್ ಗೆ ಮತ್ತೆ ಪತ್ನಿ ವಿಯೋಗ

ಬೋನಿ ಕಪೂರ್ ತಮ್ಮ ಜೀವನದಲ್ಲಿ ಎರಡನೇ ಸಲವೂ ತಮ್ಮ ಪತ್ನಿಯನ್ನ ಕಳೆದುಕೊಳ್ಳುವಂತಾಯಿತು. ಸದ್ಯ, ದುಬೈ ಪೊಲೀಸರಿಂದ ಭಾರತಕ್ಕೆ ಶ್ರೀದೇವಿಯ ಪಾರ್ಥಿವ ಶರೀರ ಹಸ್ತಾಂತರವಾಗಿದ್ದು, ನಾಳೆ ಅಂತ್ಯ ಸಂಸ್ಕಾರ ನಡೆಯುವ ಸಾಧ್ಯತೆ ಇದೆ.