ಕಿರುತೆರೆ ನಟಿಯ ನಗ್ನ ಎಂಎಂಎಸ್ ಗುಟ್ಟು ರಟ್ಟು

ಜೆಸ್ಸಿ ಜೈಸಿ ಕೋಯಿ ನಹಿ, ಕ್ಯಾ ಹುವಾ ತೇರಾ ವಾದಾ ಎಂಬ ಧಾರಾವಾಹಿಗಳಲ್ಲಿ ಮೋನಾ ಸಿಂಗ್ ಅಭಿನಯಿಸಿದ್ದಾರೆ. ಎಸ್ಎಂಎಸ್ ಮೂಲಕ ತಮ್ಮ ಅಶ್ಲೀಲ ಚಿತ್ರಗಳು, ವಿಡಿಯೋಗಳನ್ನು ರವಾನಿಸಿ ತಮ್ಮ ತೇಜೋವಧೆ ಮಾಡಲಾಗುತ್ತಿದೆ ಎಂದು ಮೋನಾ ಅವರು ಸೈಬರ್ ಕ್ರೈಂ ಪೊಲೀಸರಿಗೆ ದೂರು ನೀಡಿದ್ದರು.

ಈಕೆಯ ಅಶ್ಲೀಲ ವಿಡಿಯೋವನ್ನು ಇಂಟರ್ ನೆಟ್ ಗೆ ಅಪ್ ಲೋಡ್ ಮಾಡಲಾಗಿತ್ತು. ಈ ವಿಡಿಯೋವನ್ನು ಇಂಟರ್ ನೆಟ್ ಗೆ ಹಾಕಿರುವ ವ್ಯಕ್ತಿಗಾಗಿ ಪೊಲೀಸರು ಬಲೆ ಬೀಸಿದ್ದಾರೆ. ಮೋನಾ ಅವರ ಅಶ್ಲೀಲ ಚಿತ್ರಗಳ ಸೃಷ್ಟಿಯ ಹಿಂದಿರುವ ಕೈಗೆ ಕೋಳ ತೊಡಿಸಲು ಪೊಲೀಸರು ಮುಂದಾಗಿದ್ದಾರೆ.

ಮೋನಾ ಸಿಂಗ್ ಅವರು ಅಮೀರ್ ಖಾನ್ ಅಭಿನಯದ '3 ಎಡಿಯಟ್ಸ್' ಚಿತ್ರದ ಸಣ್ಣ ಪಾತ್ರವನ್ನು ಪೋಷಿಸಿದ್ದರು. ಕರೀನಾ ಕಪೂರ್ ಅವರ ಅಕ್ಕನ ಪಾತ್ರದಲ್ಲಿ ಗರ್ಭಿಣಿಯಾಗಿ ಅಭಿನಯಿಸಿದ್ದಾರೆ. ಕಿರುತೆರೆಯ ಕೆಲವು ರಿಯಾಲಿಟಿ ಶೋಗಳು, ಸೀರಿಯಲ್ ಗಳಲ್ಲಿ ಅಭಿನಯಿಸಿದ್ದಾರೆ.

ಅಶ್ಲೀಲ ವಿಡಿಯೋವನ್ನು ಮಾರ್ಫ್ ಮಾಡಿ ಯಾರದೋ ದೇಹಕ್ಕೆ ತಮ್ಮ ಮುಖವನ್ನು ಅಂಟಿಸಿದ್ದರು. ಈ ಬಗ್ಗೆ ತನಿಖೆ ನಡೆಸುವಂತೆ ಮುಂಬೈ ಪೊಲೀಸರಿಗೆ ಮೋನಾ ಸಿಂಗ್ ದೂರು ನೀಡಿದ್ದರು. ಒಟ್ಟಿನಲ್ಲಿ ಬಾಲಿವುಡ್ ನಲ್ಲಿ ಭಾರಿ ಅಲ್ಲೋಲ ಕಲ್ಲೋಲ ಸೃಷ್ಟಿಸಿದ್ದ ವಿಡಿಯೋ ನಕಲಿ ಎಂಬುದು ಗೊತ್ತಾಗಿದೆ.