Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನನ್ನ ಮೊದಲ ಪ್ರೇಮಿ ಗುರುದತ್, ಮಧುರ ನೆನಪು
ದುರಂತಮಯ ವೈಯಕ್ತಿಕ ಜೀವನ ಹೊಂದಿದ್ದ ಗುರುದತ್ ಆ ನೋವನ್ನು ಮರೆಯಲು ಚಿತ್ರ ನಿರ್ಮಾಣ ಹಾಗೂ ನಿರ್ದೇಶನದ ಮೊರೆ ಹೋದ. ತನ್ನ ನೋವು ಹಾಗೂ ಕನಸುಗಳನ್ನು ಚಿತ್ರಗಳ ಮೂಲಕ ಬಿಂಬಿಸಿದ. ಆತ ನಟಿಸಿದ 'ಸಾಹೀಬ್ ಬೀವಿ ಔರ್ ಗುಲಾಮ', 'ಚೌದವೀ ಕಾ ಚಾಂದ್','ಆರ್ ಪಾರ್', 'ಸುಹಾಗನ್' ಇವತ್ತಿಗೂ ಸ್ಮರಣೀಯ. ಆತ ನಟಿಸಿ ನಿರ್ದೇಶಿಸಿದ 'ಕಾಗಜ್ ಕೆ ಫೂಲ್' ಮತ್ತು 'ಪ್ಯಾಸಾ' ಚಿತ್ರಗಳು ಇವತ್ತಿಗೂ ಹಿಂದಿ ಚಿತ್ರರಂಗದ ಮೈಲಿಗಲ್ಲುಗಳು.
ಪ್ರೇಮದ ನವಿರು ಭಾವನೆಗಳನ್ನು ಸೊಗಸಾಗಿ ಚಿತ್ರೀಕರಿಸುವ ಮೂಲಕ ಹಿಂದಿ ಸಿನಿಮಾಗಳಿಗೆ ಸೂಕ್ಷ್ಮತೆ ತಂದುಕೊಟ್ಟ ಗುರುದತ್ ತಮ್ಮ ಸಮಕಾಲೀನ ನಟ, ನಿರ್ದೇಶಕರನ್ನು ಪ್ರಭಾವಗೊಳಿಸಿದಾತ. ಅತ್ಯಂತ ಬಡತನದಿಂದ ಬಂದಿದ್ದರೂ ಹಿಂದಿ ಚಿತ್ರರಂಗದ ದಂತಕತೆಯಾದಾತ. ವೈಯಕ್ತಿಕ ಜೀವನದ ನೋವು, ವೃತ್ತಿ ಜೀವನದ ಅನಿವಾರ್ಯತೆಗಳು ತಂದುಕೊಟ್ಟ ಆಘಾತ ಮರೆಯಲಾಗದೇ ನಿದ್ರೆ ಮಾತ್ರೆ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಾಗ ಗುರುದತ್ಗೆ ಕೇವಲ 39 ವರ್ಷ ವಯಸ್ಸು.
"ಚೌದವೀಕಾ ಚಾಂದ್ ಹೋ..." ಹಾಡನ್ನು ಮೊಟ್ಟ ಮೊದಲ ಬಾರಿಗೆ ದೂರದರ್ಶನದಲ್ಲಿ ನೋಡಿದಾಗ ನನಗೆ 10, 12 ವರ್ಷ. ಅದೇನೋ ಮೊದಲ ನೋಟದಲ್ಲೇ ಪ್ರೇಮ ಹುಟ್ಟುತ್ತೆ ಅನ್ನೋದಾದ್ರೆ ...ನಾನು ಆವತ್ತೇ ಗುರುದತ್ ರನ್ನ ಮನಸಾರೆ ಇಷ್ಟಪಟ್ಟೆ. ಈಗಲೂ ಅವರೇ ನನ್ನ ಮೊದಲ ಪ್ರೇಮಿ. "ಜಾನೆ ಓ ಕೈಸೆ ಲೋಗ್ ಥೆ ಜಿನ್ ಕೆ ಪ್ಯಾರ ಕೊ ಪ್ಯಾರ್ ಮಿಲಾ, ಹಮ್ ನೆ ತೊ ಜಬ್ ಕಲಿಯಾಂ ಮಾಂಗೀ ಕಾಂಟೊಂ ಕಾ ಹಾರ ಮಿಲಾ..' ಎನ್ನುವ ಆ ಹಾಡು ನೋಡಿದಾಗಲೆಲ್ಲಾ...ಛೇ, ನಾನಾದ್ರೂ 'ಮಾಲಾಸಿನ್ಹ ' ಆಗ್ಬಾರದಿತ್ತಾ ಅಂತ ಪರಿತಪಿಸಿದ್ದೂ ಇದೆ.
ಗುರುದತ್ ನ ಹಣೆಯ ಮೇಲೆ ಮೂಡುವ ನೆರಿಗೆ ನನ್ನ ಅದೆಷ್ಟು ಆಕರ್ಷಿಸಿತ್ತು ಅಂದ್ರೆ...ನಾ ಮದುವೆಯಾಗೋ ಹುಡುಗನ ಹಣೆಯ ಮೇಲೆ ಥೇಟ್ ಹಾಗೇ ನೆರಿಗೆ ಮೂಡಬೇಕು ಅಂತ ದಿನಾ ದೇವರಲ್ಲಿ ಬೇಡಿಕೊಳ್ತಾ ಇದ್ದೆ. ಗುರುದತ್ ಅಮರರಾಗಿದ್ದು ಅಕ್ಟೋಬರ್ 10, 1964.
ನನ್ನ ಜನ್ಮದಿನ ಅಕ್ಟೋಬರ್ 10 ನಾನು ಗುರುದತ್ ರನ್ನು ಇಷ್ಟಪಡೋಕೆ ಶುರು ಮಾಡಿದಾಗಿನಿಂದ...ಆ ದಿನವನ್ನು ಪ್ರಾರಂಭಿಸೋದೇ ಅವರ ಸ್ಮರಣೆಯೊಂದಿಗೆ ಅಂತಹ ನನ್ನ 'ಗುರುದತ್ ನ ಜನ್ಮದಿನ ಇವತ್ತು ಚಲನಚಿತ್ರರಂಗ ಇರುವವರೆಗೂ...ಇವರಂತಹ ಕಲಾವಿದರು ನಮ್ಮ ಜೊತೆ ಇದ್ದೇ ಇರುತ್ತಾರೆ. (ಕೃಪೆ: ಕುಮುದವಲ್ಲಿ ಫೇಸ್ ಬುಕ್)