ದಕ್ಷಿಣ ಭಾರತ ಸಿನಿಮಾಗಳ ಬಗ್ಗೆ ಅಸಡ್ಡೆ ತೋರಿದರೇ ನವಾಜುದ್ದೀನ್ ಸಿದ್ಧಿಕಿ?

ಆ ಸಿನಿಮಾಗಳನ್ನು ನೋಡಿಲ್ಲ ಎಂದ ಸಿದ್ಧಿಕಿ

'RRR' 'ಪುಷ್ಪ', 'ಕೆಜಿಎಫ್ 2' ಸಿನಿಮಾಗಳ ಯಶಸ್ಸಿನ ಬಗ್ಗೆ ಸಂದರ್ಶಕಿ ಮಾಡಿದ ಪ್ರಶ್ನೆಗೆ ಉತ್ತರಿಸಿರುವ ನವಾಜುದ್ದೀನ್ ''ಆ ಸಿನಿಮಾಗಳನ್ನು ನಾನು ನೋಡಿಲ್ಲ. ನೋಡುವುದು ಸಹ ಇಲ್ಲ. ನನಗೆ ಕಮರ್ಶಿಯಲ್‌ ಸಿನಿಮಾಗಳನ್ನು ನೋಡಲು ಸಾಧ್ಯವಾಗುವುದಿಲ್ಲ. ನನಗೆ ಇಷ್ಟವಾಗುವುದಿಲ್ಲ. ಅಂಥಹಾ ಸಿನಿಮಾಗಳಲ್ಲಿ ನಟಿಸುತ್ತೇನೆ, ಆದರೆ ಅಂಥಹಾ ಸಿನಿಮಾಗಳನ್ನು ನೋಡುವುದಿಲ್ಲ. ಯಾಕೆ ನಾನು ಅಂಥಹಾ ಸಿನಿಮಾಗಳನ್ನು ನೋಡುವುದಿಲ್ಲ ಎಂಬ ಬಗ್ಗೆ ನನ್ನ ಬಳಿ ಸ್ಪಷ್ಟ ಉತ್ತರ ಇಲ್ಲ'' ಎಂದಿದ್ದಾರೆ ನವಾಜುದ್ದೀನ್ ಸಿದ್ಧಿಕಿ.

ಹಿಟ್ ಸಿನಿಮಾಗಳ ಬಗ್ಗೆ ಜನ ಮಾತನಾಡುವುದು ಸಹಜ: ಸಿದ್ಧಿಕಿ

''ಯಾವುದೇ ಸಿನಿಮಾ ಹಿಟ್ ಆದಾಗ ಜನರೆಲ್ಲ ಅದರ ಬಗ್ಗೆ ಮಾತನಾಡಲು ಆರಂಭಿಸುತ್ತಾರೆ. ಹಿಟ್ ಸಿನಿಮಾದ ನಂತರ ಬರುವ ಸ್ಕ್ರಿಪ್ಟ್‌ಗಳು ಅದೇ ಮಾದರಿಯಲ್ಲಿಯೇ ಇರುತ್ತವೆ, ನಟರೂ ಸಹ ಹಿಟ್ ಸಿನಿಮಾದ ರೀತಿಯಲ್ಲಿಯೇ ಕತೆಗಳನ್ನು ಆಯ್ಕೆ ಮಾಡಿಕೊಳ್ಳಲು ತೊಡಗುತ್ತಾರೆ. ಆದರೆ ಅದೆಲ್ಲ ತಾತ್ಕಾಲಿಕ ಅಷ್ಟೆ, ಒಂದೆರಡು ಸಿನಿಮಾ ಫ್ಲಾಪ್ ಆದರೆ ಜನ ಎಲ್ಲವನ್ನೂ ಮರೆತುಬಿಡುತ್ತಾರೆ. ಆದರೆ ಜನ ಚಿತ್ರಮಂದಿರಕ್ಕೆ ಮರಳಿ ಬರುತ್ತಿದ್ದಾರೆ ಎಂಬುದು ಸಂತೋಷದ ವಿಷಯ'' ಎಂದಿದ್ದಾರೆ ನಟ ನವಾಜುದ್ದೀನ್ ಸಿದ್ಧಿಕಿ.

'ಕಿಂಗ್ ರಿಚರ್ಡ್ಸ್', 'ಕೋಡಾ' ಸಿನಿಮಾ ನೋಡಿದೆ: ಸಿದ್ಧಿಕಿ

''ನನ್ನ ಜೀವನದ ಎರಡು ಗಂಟೆ ಯಾವುದಕ್ಕಾದರೂ ನೀಡುತ್ತಿದ್ದೇನೆ ಅಂದರೆ ಅದು ಅದ್ಭುತವಾಗಿರಬೇಕು. ನನ್ನನ್ನು ಯೋಚನೆಗೆ ಹಚ್ಚಬೇಕು, ನನ್ನಲ್ಲಿ ಸ್ಪೂರ್ತಿ ತುಂಬಬೇಕು, ನನ್ನ ಮೆದುಳಿಗೆ ಕೆಲಸ ನೀಡಬೇಕು, ನಾನು ಇನ್ನೂ ಉತ್ತಮ ವ್ಯಕ್ತಿಯಾಗುವಲ್ಲಿ ಪ್ರೇರೇಪಿಸಬೇಕು, ಅಂಥಹಾ ಸಿನಿಮಾಗಳನ್ನಷ್ಟೆ ನಾನು ನೋಡುತ್ತೇನೆ. ಕೆಲವು ದಿನಗಳ ಹಿಂದೆ ನಾನು ಫ್ರೀಯಾಗಿದ್ದೆ, ಆಗ 'ಕಿಂಗ್ ರಿಚರ್ಡ್ಸ್', 'ಕೋಡಾ' ಸಿನಿಮಾಗಳನ್ನು ನೋಡಿದೆ'' ಎಂದಿದ್ದಾರೆ ನವಾಜುದ್ದೀನ್ ಸಿದ್ಧಿಕಿ.

'ಕಿಂಗ್ ರಿಚರ್ಡ್ಸ್', 'ಕೋಡಾ' ಸಿನಿಮಾ ನೋಡಿದೆ: ಸಿದ್ಧಿಕಿ

''ನನ್ನ ಜೀವನದ ಎರಡು ಗಂಟೆ ಯಾವುದಕ್ಕಾದರೂ ನೀಡುತ್ತಿದ್ದೇನೆ ಅಂದರೆ ಅದು ಅದ್ಭುತವಾಗಿರಬೇಕು. ನನ್ನನ್ನು ಯೋಚನೆಗೆ ಹಚ್ಚಬೇಕು, ನನ್ನಲ್ಲಿ ಸ್ಪೂರ್ತಿ ತುಂಬಬೇಕು, ನನ್ನ ಮೆದುಳಿಗೆ ಕೆಲಸ ನೀಡಬೇಕು, ನಾನು ಇನ್ನೂ ಉತ್ತಮ ವ್ಯಕ್ತಿಯಾಗುವಲ್ಲಿ ಪ್ರೇರೇಪಿಸಬೇಕು, ಅಂಥಹಾ ಸಿನಿಮಾಗಳನ್ನಷ್ಟೆ ನಾನು ನೋಡುತ್ತೇನೆ. ಕೆಲವು ದಿನಗಳ ಹಿಂದೆ ನಾನು ಫ್ರೀಯಾಗಿದ್ದೆ, ಆಗ 'ಕಿಂಗ್ ರಿಚರ್ಡ್ಸ್', 'ಕೋಡಾ' ಸಿನಿಮಾಗಳನ್ನು ನೋಡಿದೆ'' ಎಂದಿದ್ದಾರೆ ನವಾಜುದ್ದೀನ್ ಸಿದ್ಧಿಕಿ.

ರಜನೀಕಾಂತ್ ಜೊತೆ ನಟಿಸಿರುವ ಸಿದ್ಧಿಕಿ

ನವಾಜುದ್ದೀನ್ ಸಿದ್ಧಿಕಿ ಬಾಲಿವುಡ್‌ನ ಜನಪ್ರಿಯ ಹಾಗೂ ಬ್ಯುಸಿ ನಟರಲ್ಲಿ ಪ್ರಮುಖರು. ನವಾಜುದ್ದೀನ್ ರಜನೀಕಾಂತ್‌ ಜೊತೆ ತಮಿಳಿನ 'ಪೆಟಾ' ಸಿನಿಮಾದಲ್ಲಿ ನಟಿಸಿದ್ದಾರೆ. ಕಮರ್ಶಿಯಲ್ ಸಿನಿಮಾಗಳ ಜೊತೆಗೆ ರಿಯಲಿಸ್ಟಿಕ್ ಸಿನಿಮಾಗಳಲ್ಲಿ ಹೆಚ್ಚಿಗೆ ನವಾಜುದ್ದೀನ್ ಸಿದ್ಧಿಕಿ ನಟಿಸುತ್ತಾರೆ. 'RRR', 'ಪುಷ್ಪ', 'ಕೆಜಿಎಫ್ 2' ಸಿನಿಮಾಗಳು ದೊಡ್ಡ ಯಶಸ್ಸು ಗಳಿಸಿರುವುದು ಸಹಜವಾಗಿಯೇ ಬಾಲಿವುಡ್ಡಿನ ಹಲವರಿಗೆ ಅಭ್ರತೆ ಮೂಡಿಸಿರುವ ಸಾಧ್ಯತೆ ಇದೆ.