2ನೇ ಮದುವೆಯಾದ ಅಪ್ಪ, ಆತ್ಮಹತ್ಯೆಗೆ ಯತ್ನಿಸಿದ ಅಮ್ಮ, ಕಹಿ ಘಟನೆ ಬಿಚ್ಚಿಟ್ಟ ನೀನಾ ಗುಪ್ತಾ

ಹೆತ್ತವರ ಬಗ್ಗೆ ನೀನಾ ಗುಪ್ತಾ ಹೇಳಿದ್ದೇನು?

ಆತ್ಮಕಥೆಯಲ್ಲಿ ತನ್ನ ಹೆತ್ತವರ ಬಗ್ಗೆಯೂ ಬರೆದುಕೊಂಡಿದ್ದಾರೆ. ನೀನಾ ಚಿಕ್ಕವಳಾಗಿದ್ದಾಗ ತಂದೆ ಮತ್ತೊಂದು ಮದುವೆಯಾದ ಬಗ್ಗೆ ಬಹಿರಂಗ ಪಡಿಸಿದ್ದಾರೆ. ನೀನಾ ತಾಯಿ ಶಕುಂತಲಾ ಪಂಜಾಬಿ ಮೂಲದವರು. ಬೇರೆ ಜಾತಿಯ ಹುಡುಗನನ್ನು ಪ್ರೀತಿಸಿ ಮದುವೆಯಾದರು. ಪ್ರೀತಿಸಿದ ಹುಡುಗಿಯನ್ನು ಮದುವೆಯಾಗುವ ಧೈರ್ಯ ತಂದೆ ಅವರಿಗೂ ಇತ್ತು ಎಂದಿದ್ದಾರೆ ನೀನಾ ಗುಪ್ತಾ.

ಅಪ್ಪನಿಗೆ ತುಂಬಾ ಧೈರ್ಯ

ನೀನಾ ತನ್ನ ಆತ್ಮಕಥೆಯಲ್ಲಿ, "ನನ್ನ ತಂದೆ ಪ್ರೀತಿಗಾಗಿ ನನ್ನ ತಾಯಿಯನ್ನು ಮದುವೆಯಾಗುವ ಧೈರ್ಯ ಹೊಂದಿದ್ದರು. ಆದರೆ ಅವರೊಬ್ಬ ಕರ್ತವ್ಯನಿಷ್ಠ ಮಗನಾಗಿದ್ದರು. ಅವರ ತಂದೆ ತನ್ನ ಸಮುದಾಯದ ಯುವತಿಯನ್ನು ಮದುವೆಯಾಗುವಂತೆ ಒತ್ತಾಯಿಸಿದಾಗ ಅದನ್ನು ನಿರಾಕರಿಸಲಿಲ್ಲ" ಎಂದಿದ್ದಾರೆ.

ಅಮ್ಮ ಆತ್ಮಹತ್ಯೆಗೆ ಪ್ರಯತ್ನ ಪಟ್ಟಿದ್ದರು

ತಂದೆ ಮತ್ತೊಂದು ಮದುವೆ ಆಗುತ್ತಿರುವ ವಿಚಾರ ಕೇಳಿ ನೀನಾ ತಾಯಿ ಕುಗ್ಗಿ ಹೋಗಿದ್ದರು. ಆತ್ಮಹತ್ಯೆ ಪ್ರಯತ್ನ ಕೂಡ ಮಾಡಿದ್ದರು. "ನನ್ನ ತಂದೆಯಿಂದ ಆದ ಈ ದ್ರೋಹವು ತಾಯಿಯನ್ನು ಆತ್ಮಹತ್ಯೆ ಮಾಡಿಕೊಳ್ಳುವಂತೆ ಮಾಡಿತ್ತು. ಪ್ರತಿದಿನ ಸಂಜೆ ಊಟದ ನಂತರ ಯಾವುದು ಸಹಜವಾಗಿ ಇರುತ್ತಿರಲಿಲ್ಲ. ಸೀಮಾ ಆಂಟಿ (ನೀನಾ ತಂದೆಯ ಮತ್ತೋರ್ವ ಪತ್ನಿ) ಜೊತೆಯು ಸಮಯ ಕಳೆಯಲಿಲ್ಲ" ಎಂದು ಹೇಳಿದ್ದಾರೆ.

Recommended Video

Sudeep ಅವರು Chess ಆಡುವಾಗ ಮೋಸ ಮಾಡಿದ ಆರೋಪ | Filmibeat Kannada

ಮೊದಲ ಮದುವೆ ರಹಸ್ಯ ಬಿಚ್ಚಿಟ್ಟ ನೀನಾ

"ತಂದೆ ಎರಡು ಕುಟುಂಬದ ಜೊತೆಯೂ ನಿರಂತರವಾಗಿ ಓಡಾಡುತ್ತಿದ್ದರು. ಎರಡನೇ ಪತ್ನಿಗೆ ಇಬ್ಬರು ಗಂಡು ಮಕ್ಕಳು," ಎಂದು ನೀನಾ ಬಹಿರಂಗ ಪಡಿಸಿದ್ದಾರೆ. ಇನ್ನು ನೀನಾ ತನ್ನ ಮೊದಲ ಮದುವೆಯ ರಹಸ್ಯವನ್ನು ಬಹಿರಂಗ ಪಡಿಸಿದ್ದಾರೆ. ಕಾಲೇಜಿನಲ್ಲಿ ಇರುವಾಗಲೇ ಮದುವೆಯಾಗಿ ಪತಿಯಿಂದ ದೂರ ಆಗಿದ್ದ ಸತ್ಯವನ್ನು ತನ್ನ ಆತ್ಮಕಥೆಯಲ್ಲಿ ಬಿಚ್ಚಿಟ್ಟಿದ್ದಾರೆ.