ಸೋನು ಸೂದ್ ಆಪ್ತ ಗೆಳತಿ, ಯಾರಿದು ನೀತಿ ಗೋಯಲ್?

ಸೋನು ಸೂದ್ ಮಾಡಿದ ಕಾರ್ಯದಲ್ಲಿ ಈ ಮಹಿಳೆಯ ಪಾಲು ಇದೆ

ಕೊರೊನಾ ಲಾಕ್‌ಡೌನ್ ಸಮಯದಲ್ಲಿ ಸೋನು ಸೂದ್ ಮಾಡಿದ ಬಹುತೇಕ ಒಳ್ಳೆಯ ಕಾರ್ಯಸಗಳಲ್ಲಿ ಈ ಮಹಿಳೆಯದ್ದೂ ಪಾಲಿದೆ. ಈ ಮಹಿಳೆ ಹೆಸರು ನೀತಿ ಗೋಯಲ್. ಸೋನು ಸೂದ್ ಮಾಡಿದ ಒಳ್ಳೆಯ ಕಾರ್ಯಗಳಿಗೆ ಹೆಗಲಾಗಿದ್ದವರು ಈಕೆ.

ರೆಸ್ಟೋರೆಂಟ್ ಬ್ಯುಸಿನೆಸ್ ಮಾಡುವ ನೀತಿ ಗೋಯಲ್

ರೆಸ್ಟೋರೆಂಟ್ ಬ್ಯುಸಿನೆಸ್ ನಿರ್ವಹಿಸುವ ನೀತಿ ಗೋಯಲ್, ಸೋನು ಸೂದ್‌ ಗೆ ಹಳೆಯ ಗೆಳತಿ. ಕೊರೊನಾ ಸಂಕಷ್ಟದಲ್ಲಿ ಇಬ್ಬರೂ ಸೇರಿ ಆಹಾರ ಉಚಿತವಾಗಿ ನೀಡಲು ಪ್ರಾರಂಭಿಸಿದರು. ನೂರು ಆಹಾರದ ಪೊಟ್ಟಣಗಳಿಂದ ಪ್ರಾರಂಭವಾದ ಇವರಿಬ್ಬರ ಸೇವೆ ಇಂದು ದಿನಕ್ಕೆ 45,000 ಊಟಗಳನ್ನು ಹಂಚುವವರೆಗೆ ತಲುಪಿದೆ. 'ಕಾನಾಚಾಹಿಯೆ' ಎಂಬ ಅಭಿಯಾನವನ್ನೇ ನಡೆಸುತ್ತಿದ್ದಾರೆ ನೀತಿ ಗೋಯಲ್.

ಸಂದರ್ಶನಗಳಲ್ಲಿ ನೀತಿ ಘೋಯಲ್ ಅವರನ್ನು ಉಲ್ಲೇಖಿಸುತ್ತಾರೆ ಸೋನು

ಸೋನು ಸೂದ್ ಸಹ ನೀತಿ ಗೋಯಲ್ ಅವರನ್ನು ಹಲವು ಸಂದರ್ಶನಗಳಲ್ಲಿ ಉಲ್ಲೇಖಿಸಿದ್ದಾರೆ. 'ಆಕೆ ನನ್ನ ಒಳ್ಳೆಯ ಗೆಳತಿ. ನಾವಿಬ್ಬರೂ ಸೇರಿ 'ಘರ್ ಬೇಜೋ' (ಮನೆಗೆ ತಲುಪಿಸಿ) ಅಭಿಯಾನವನ್ನು ಪ್ರಾರಂಭಿಸಿದೆವು. ಮೊದಲಿಗೆ ಕರ್ನಾಟಕದ ಕಾರ್ಮಿಕರನ್ನು 21 ಬಸ್‌ ಗಳ ಮೂಲಕ ಮನೆಗೆ ಕಳುಹಿಸಿದೆವು ಆನಂತರ ದೇಶದ ಕಾರ್ಮಿಕರನ್ನು ಅವರ ಮನೆಗೆ ಕಳುಹಿಸುವ ಕಾರ್ಯ ಮಾಡಿದೆವು ಎಂದು ಸಂದರ್ಶನದಲ್ಲಿ ಹೇಳಿದ್ದರು ಸೋನು ಸೂದ್.

ಎಲ್ಲೆಡೆ ನೀತಿ ಅವರನ್ನು ಕರೆದುಕೊಂಡು ಹೋಗ್ತಾರೆ ಸೋನು

ಕಾರ್ಮಿಕರನ್ನು ಮನೆಗೆ ತಲುಪಿಸುವ ಕಾರ್ಯ, ಆಹಾರ ಹಂಚುವ ಕಾರ್ಯ, ಆಸ್ಪತ್ರೆ ಭೇಟಿ ಎಲ್ಲೆಡೆ ಸೋನು ಸೂದ್ ಜೊತೆಗೆ ನೀತಿ ಗೋಯಲ್ ಇದ್ದೇ ಇರುತ್ತಾರೆ. ಕೆಲವು ರಾಜಕಾರಣಿಗಳು ಸೋನು ಸೂದ್ ಅವರನ್ನು ಭೇಟಿಗೆ ಆಹ್ವಾನಿಸಿದ್ದಾಗಲೂ ಸಹ ಸೋನು ಸೂದ್ ಗೆಳತಿ ನೀತಿ ಘೋಯಲ್ ಅವರನ್ನು ಕರೆದುಕೊಂಡು ಹೋಗಿದ್ದರು. ಕಪಿಲ್ ಶರ್ಮಾ ಶೋ ಗೂ ಸಹ ಸೋನು ಸೂದ್ ಅವರು ನೀತಿ ಅವರನ್ನು ಕರೆದುಕೊಂಡು ಹೋಗಿದ್ದರು.