ರಾಹುಲ್ ಗಾಂಧಿ ಗಡ್ಡಕ್ಕೆ ಕೈ ಹಾಕಿದ ಹಾಟ್ ಚೆಲುವೆ

'ಸಿಂಗ್ ಈಸ್ ಕಿಂಗ್' ಸೇರಿದಂತೆ ಹಲವು ಹಿಟ್ ಚಿತ್ರಗಳಲ್ಲಿ ಅಭಿನಯಿಸಿರುವ ಮಾಜಿ ಮಿಸ್ ಇಂಡಿಯಾ ನೇಹಾ ಧುಪಿಯಾ ರಾಜಕಾರಣಿಗಳಿಗೆ ಗ್ಲಾಮರ್ ಪಾಠ ಮಾಡಲು ಹೊರಟಿದ್ದಾರೆ. ಕಾಂಗ್ರೆಸ್ ಉಪಾಧ್ಯಕ್ಷ ರಾಹುಲ್ ಗಾಂಧಿ ಅವರಿಗೂ ನೇಹಾ ನುಣುಪಾದಂತಹ ಸಲಹೆ ಕೊಟ್ಟಿದ್ದಾರೆ.

ಬರಲಿರುವ ಲೋಕಸಭೆ ಚುನಾವಣೆಗಾಗಿ ರಾಹುಲ್ ಗಾಂಧಿ ಸಿಕ್ಕಾಪಟ್ಟೆ ಬಿಜಿಯಾಗಿದ್ದಾರೆ. ಅವರಿಗೆ ಪಾಪ ಗಡ್ಡ ಬೋಳಿಸಿಕೊಳ್ಳಲೂ ಸಮಯ ಸಿಗುತ್ತಿದೆಯೋ ಇಲ್ಲವೋ. ಅವರು ನುಣ್ಣಗೆ ಶೇವ್ ಮಾಡಿಕೊಂಡರೆ ಇನ್ನಷ್ಟು ಸುಂದರವಾಗಿ ಕಾಣಿಸುತ್ತಾರೆ ಎಂದು ನೇರವಾಗಿ ಅವರ ಗಡ್ಡಕ್ಕೇ ಕೈ ಹಾಕಿದ್ದಾರೆ ನೇಹಾ ಧುಪಿಯಾ.

ನೇಹಾ ಧುಪಿಯಾ

"ಅವರು ಗಡ್ಡ ಬೋಳಿಸಿದಾಗ ಚೆನ್ನಾಗಿ ಕಾಣಿಸುತ್ತಾರೆ. ಇನ್ನು ಬಿಜೆಪಿ ಪ್ರಧಾನಿ ಅಭ್ಯರ್ಥಿ ನರೇಂದ್ರ ಮೋದಿ ಅವರು ಗಡ್ಡದಲ್ಲಿ ಕಾಣಿಸುತ್ತಿರುವುದು ಸಾಮಾನ್ಯವಾಗಿದೆ. ಮೋದಿಗಿಂತಲೂ ರಾಹುಲ್ ವಯಸ್ಸಿನಲ್ಲಿ ಚಿಕ್ಕವರಾದ ಕಾರಣ ಗಡ್ಡ ತೆಗೆದರೆ ಚೆನ್ನಾಗಿರುತ್ತದೆ" ಎಂದಿದ್ದಾರೆ ನೇಹಾ.

ಬಳಿಕ ನೇಹಾ ಮಾತು ಬಿಕಿನಿ ಕಡೆಗೆ ಹೊರಳಿತು. ಈಗ ಅವಶ್ಯಕತೆ ಇರಲಿ ಬಿಡಲಿ ಬಿಕಿನಿ ತೊಡುವುದು ಸಿನಿಮಾಗಳಲ್ಲಿ ಸಾಮಾನ್ಯವಾಗಿದೆ. ನಿರ್ದೇಶಕ, ನಿರ್ಮಾಪಕರು ಅದನ್ನೇ ಕಮರ್ಷಿಯಲ್ ಎಂದು ಭಾವಿಸುತ್ತಿದ್ದಾರೆ. ಮಾಧ್ಯಮಗಳು ಸಹ ಹೆಚ್ಚು ಪ್ರಚಾರ ನೀಡುತ್ತಿವೆ. ಚಿತ್ರದಲ್ಲಿ ಕಥೆ ಇಲ್ಲದೆ ಬರೀ ಬಿಕಿನಿ ತೋರಿಸುವುದರಿಂದ ನಯಾಪೈಸೆ ಪ್ರಯೋಜನವಿಲ್ಲ ಎಂದಿದ್ದಾರೆ. (ಏಜೆನ್ಸೀಸ್)