ಸುಶಾಂತ್ ಸಿಂಗ್ ಪ್ರಕರಣವನ್ನು ಸಿಬಿಐ ತನಿಖೆಗೆ ಒತ್ತಾಯಿಸಿ ಟ್ರೋಲ್ ಆಗುತ್ತಿರುವ ರಿಯಾ

ಮತ್ತೆ ಟ್ರೋಲ್ ಗೆ ಆಹಾರವಾದ ರಿಯಾ

ರಿಯಾ, ಸುಶಾಂತ್ ಸಿಂಗ್ ಪ್ರೇಯಸಿ ಎಂದು ಒಪ್ಪಿಕೊಂಡು, ಸಿಬಿಐ ತನಿಖೆಗೆ ಒತ್ತಾಯಿಸಿ ಟ್ವೀಟ್ ಮಾಡುತ್ತಿದ್ದಂತೆ ನೆಟ್ಟಿಗರು ಆಕೆಯ ಮೇಲೆ ಮುಗಿಬಿದ್ದಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ರಿಯಾ ಮತ್ತೆ ಟ್ರೋಲ್ ಗೆ ಗುರಿಯಾಗಿದ್ದಾರೆ. ಕೆಲವರು ರಿಯಾ ಧೈರ್ಯವಾಗಿ ಸಿಬಿಐಗೆ ಒಪ್ಪಿಸಿ ಎಂದು ಹೇಳಿರುವ ಬಗ್ಗೆ ಮಚ್ಚುಗೆ ವ್ಯಕ್ತಪಡಿಸಿದ್ರೆ, ಅನೇಕರು ರಿಯಾರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

ಈಗ ಪ್ರೇಯಸಿ ಎಂದು ಹೇಗೆ ಹೇಳುತ್ತಿದ್ದೀರಿ?

"ಸುಶಾಂತ್ ಸಿಂಗ್ ಗಾಗಿ ಸಿಬಿಐ ತನಿಖೆಗೆ ಒತ್ತಾಯಿಸುತ್ತಿದ್ದಾರೆ. ಜೊತೆಗೆ ಗರ್ಲ್ ಫ್ರೆಂಡ್ ಎಂದು ಹೇಳುತ್ತಿದ್ದಾರೆ. ಆದರೆ ಈ ಹಿಂದೆ ಎಂದಿಗೂ ರಿಯಾ ಸುಶಾಂತ್ ಪ್ರೇಯಸಿ ಎಂದು ಒಪ್ಪಿಕೊಂಡಿಲ್ಲ. ಸಾವಿಗೆ ಮುಂಚೆಯೆ ಬ್ರೇಕ್ ಅಪ್ ಮಾಡಿಕೊಂಡಿದ್ದರು. ಅಲ್ಲದೆ ಎಲ್ಲಾ ಪೋಸ್ಟ್ ಗಳನ್ನ ಡಿಲೀಟ್ ಮಾಡಿದ್ದಾರೆ. ಬದುಕಿದಾಗ ಪ್ರೀತಿಸುವುದಿಲ್ಲ ಮತ್ತು ಕಾಳಜಿ ವಹಿಸುವುದಿಲ್ಲ. ಈಗ ಇದ್ದಕ್ಕಿದ್ದಂತೆ ಪ್ರೇಯಸಿ ಎಂದು ಹೇಳುತ್ತಿದ್ದಾರೆ" ನೆಟ್ಟಿಗನೊಬ್ಬ ಕಾಮೆಂಟ್ ಮಾಡಿದ್ದಾರೆ.

ಎಲ್ಲಾ ಸಾಕ್ಷಿಗಳನ್ನು ನಾಶಗೊಳಿಸಿದ್ರಾ?

"ರಿಯಾ ಚಕ್ರವರ್ತಿ ತಿಂಗಳು ಬಳಿಕ ಎಚ್ಚರಗೊಂಡು ಸಿಬಿಐ ತನಿಖೆಗೆ ಕೇಳುತ್ತಿದ್ದಾರೆ. ಒಂದು ತಿಂಗಳಿಂದ ಸಾಮಾಜಿಕ ಜಾಲತಾಣಲ್ಲಿ ಈ ಬಗ್ಗೆ ಅಭಿಯಾನಮಾಡಿದಾಗ ಮಾತನಾಡಲಿಲ್ಲ. ಯಾಕೆ ಸೈಲೆಂಟ್ ಆಗಿದ್ದರು. ಈಗ ಎಲ್ಲಾ ಸಾಕ್ಷಿಗಳು ನಾಶವಾಗಿದೆಯೇ? ಹಾಗಾಗಿ ಕೇಳುತ್ತಿದ್ದೀರಾ?" ಎಂದು ಪ್ರಶ್ನಿಸುತ್ತಿದ್ದಾರೆ.

1 ತಿಂಗಳಿಂದ ಯಾಕೆ ಸೈಲೆಂಟ್ ಆಗಿದ್ರಿ?

ಇನ್ನೊಬ್ಬರು ಕಾಮೆಂಟ್ ನಲ್ಲಿ "ಸುಶಾಂತ್ ಸಿಂಗ್ ನಿಧನಹೊಂದಿ ಒಂದು ತಿಂಗಳಾಗಿದೆ. ಈಗ ಸಿಬಿಐ ವಿಚಾರಣೆ ಕೇಳುತ್ತಿದ್ದೀರಿ. ಸುಳಿವು, ಪುರಾವೆಗಳು ನಾಶಪಡಿಸಲು ಇಷ್ಟು ದಿನ ಕಾಯುತ್ತಿದ್ದೀರಾ? ಹಾಗಾಗಿ ಈಗ ಕೇಳುತ್ತಿದ್ದೀರಾ?" ಎಂದು ಪ್ರಶ್ನಿಸುತ್ತಿದ್ದಾರೆ. ರಿಯಾ ಏನೆ ಪೋಸ್ಟ್ ಮಾಡಿದ್ರು ಟ್ರೋಲ್ ಮಾಡುತ್ತಿದ್ದಾರೆ. ಇನ್ನೂ ಸುಶಾಂತ್ ಸಾವಿನ ಪ್ರಕರಣವನ್ನು ಸಿಬಿಐಗೆ ಒಪ್ಪಿಸುತ್ತಾರಾ ಎಂದು ಕಾದುನೋಡಬೇಕು.