'ಚಪಾಕ್' ಚಿತ್ರದಲ್ಲಿ ಆಸಿಡ್ ಎರಚಿದವನ ಹೆಸರು ರಾಜೇಶ್ ಅಲ್ಲ: ಬಷೀರ್ ಖಾನ್.!

'ಚಪಾಕ್' ಬಹಿಷ್ಕರಿಸಿ ಎಂಬ ಟ್ವೀಟ್ಸ್

ಆಸಿಡ್ ಎರಚಿದ ದುಷ್ಕರ್ಮಿಯ ಧರ್ಮವನ್ನು ಬದಲಾವಣೆ ಮಾಡಿದ 'ಚಪಾಕ್' ಚಿತ್ರವನ್ನು ಬಹಿಷ್ಕರಿಸಿ ಎಂದು ಕೆಲವರು ಟ್ವೀಟ್ ಮಾಡಿದ್ದರು. ಇದೀಗ ಇದೇ ವಿಚಾರಕ್ಕೆ ಸಂಬಂಧ ಪಟ್ಟಂತೆ ಚಿತ್ರತಂಡದಿಂದ ವಿವರಣೆ ಸಿಕ್ಕಿದೆ.

ಪಾತ್ರದ ಹೆಸರು ಬಷೀರ್ ಖಾನ್.!

ಸಿನಿಮಾದಲ್ಲಿ ಲಕ್ಷ್ಮಿ ಅಗರ್ವಾಲ್ ಗೆ ಆಸಿಡ್ ಎರಚಿದ ದುಷ್ಕರ್ಮಿಯ ಹೆಸರನ್ನು ಬದಲಾಯಿಸಿರುವುದು ನಿಜ. ಆದ್ರೆ, ಧರ್ಮವನ್ನು ಬದಲಾವಣೆ ಮಾಡಿಲ್ಲ. ಲಕ್ಷ್ಮಿ ಅಗರ್ವಾಲ್ ಮೇಲೆ ಆಸಿಡ್ ದಾಳಿ ಮಾಡಿದ ನದೀಮ್ ಖಾನ್ ಪಾತ್ರಕ್ಕೆ ಬಷೀರ್ ಖಾನ್ ಎಂಬ ಹೆಸರಿಡಲಾಗಿದೆ ಎಂದು ಚಿತ್ರತಂಡ ತಿಳಿಸಿದೆ.

ಬೇರೆ ಪಾತ್ರಕ್ಕೆ ರಾಜೇಶ್ ಹೆಸರು

ಅಸಲಿಗೆ, 'ಚಪಾಕ್' ಚಿತ್ರದಲ್ಲಿ ರಾಜೇಶ್ ಎಂಬ ಪಾತ್ರ ಕೂಡ ಇದೆ. ಲಕ್ಷ್ಮಿ ಅಗರ್ವಾಲ್ (ಮಾಲತಿ ಅಗರ್ವಾಲ್) ಫ್ರೆಂಡ್ ಪಾತ್ರಕ್ಕೆ ರಾಜೇಶ್ ಅಂತ ಹೆಸರಿಡಲಾಗಿದೆ.

ನಾಳೆ ಬಿಡುಗಡೆ

ಲಕ್ಷ್ಮಿ ಅಗರ್ವಾಲ್ ಪಾತ್ರದಲ್ಲಿ ದೀಪಿಕಾ ಪಡುಕೋಣೆ ಅಭಿನಯದ 'ಚಪಾಕ್' ಚಿತ್ರ ನಾಳೆ (ಜನವರಿ 10) ರಿಲೀಸ್ ಆಗಲಿದೆ. ಮೇಘನಾ ಗುಲ್ಜರ್ ನಿರ್ದೇಶನ ಮಾಡಿರುವ ಈ ಚಿತ್ರಕ್ಕೆ ನಟಿ ದೀಪಿಕಾ ಪಡುಕೋಣೆ ಬಂಡವಾಳ ಕೂಡ ಹಾಕಿದ್ದಾರೆ.