ಲೆಜೆಂಡ್ ಗಾಯಕಿಗೆ ಬಯೋಪಿಕ್ ಮಾಡುವ ಆಸೆ: ರೆಹಮಾನ್ ಬಿಚ್ಚಿಟ್ಟ ವಿಷಯ

ದೂರವಾಣಿಯಲ್ಲಿ ಮಾತನಾಡಿದ ರೆಹಮಾನ್

ಪಿ ಸುಶೀಲಾ ಜೊತೆ ಎಆರ್ ರೆಹಮಾನ್ ದೂರವಾಣಿ ಮೂಲಕ ಮಾತನಾಡಿದ್ದು, ತಮ್ಮ 99 ಸಾಂಗ್ಸ್ ಕುರಿತು ಮೆಚ್ಚುಗೆ ವ್ಯಕ್ತಪಡಿಸಿದರಂತೆ. ಬಳಿಕ, 'ನನ್ನದು ಈ ರೀತಿ ಬಯೋಪಿಕ್ ಮಾಡಲು ಸಹಾಯ ಮಾಡು' ಎಂದು ಕೇಳಿದರಂತೆ. ಈ ವಿಷಯ ಕೇಳಿ ರೆಹಮಾನ್ ಥ್ರಿಲ್ ಆಗಿದ್ದಾರೆ.

ದಿಗ್ಗಜ ಗಾಯಕಿಯ ಬಯೋಪಿಕ್?

ಸಂಗೀತ ಲೋಕ ಕಂಡ ಅದ್ಭುತ ಗಾಯಕಿ ಸುಶೀಲಾ ಅವರು ತಮ್ಮದೇ ಜೀವನವನ್ನು ತೆರೆಮೇಲೆ ನೋಡುವ ಆಸೆ ವ್ಯಕ್ತಪಡಿಸಿದ್ದಾರೆ. ಸುಶೀಲಾರ ಬಯೋಪಿಕ್ ಮಾಡಬೇಕು ಎಂದುಕೊಂಡಿದ್ದವರಿಗೆ ಇದು ಬಹಳ ಖುಷಿಯ ಸಮಾಚಾರ. ಬಹುಶಃ ಶೀಘ್ರದಲ್ಲೇ ಸುಶೀಲಾ ಅವರ ಕಥೆ ಬೆಳ್ಳಿತೆರೆ ಮೇಲೆ ಬಂದರೂ ಅಚ್ಚರಿ ಇಲ್ಲ.

ಪಿ ಸುಶೀಲಾರ ಬಗ್ಗೆ.....

ಆರು ದಶಕಗಳಿಗೂ ಹೆಚ್ಚು ಕಾಲ ಪಿ.ಸುಶೀಲಾ ಸಂಗೀತ ಕ್ಷೇತ್ರದಲ್ಲಿದ್ದಾರೆ. ಮೂಲತಃ ಆಂಧ್ರಪ್ರದೇಶ ಆಗಿದ್ದರೂ ತಮಿಳು, ಕನ್ನಡ, ಮಲಯಾಳ, ಹಿಂದಿ, ಬೆಂಗಾಳಿ ಸೇರಿದಂತೆ ಭಾರತೀಯ ಪ್ರಮುಖ ಭಾಷೆಗಳಲ್ಲಿ ಹಾಡಿದ್ದಾರೆ. ರಾಷ್ಟ್ರ ಪ್ರಶಸ್ತಿ ಹಾಗೂ ಹಲವು ರಾಜ್ಯ ಪ್ರಶಸ್ತಿ ಸಹ ಲಭಿಸಿದೆ. 50 ಸಾವಿರಕ್ಕೂ ಅಧಿಕ ಹಾಡು ಹಾಡಿದ್ದಾರೆ. ಗಿನ್ನಿಸ್ ದಾಖಲೆ, ಏಷ್ಯಾ ಬುಕ್ ದಾಖಲೆ ಸಹ ಇವರ ಹೆಸರಿನಲ್ಲಿದೆ. ಕನ್ನಡವೊಂದರಲ್ಲಿ 5 ಸಾವಿರ ಚಲನಚಿತ್ರಗೀತೆಗಳಿಗೆ ಕಂಠ ನೀಡಿದ್ದಾರೆ ಎಂದು ವರದಿಯಾಗಿದೆ.

Recommended Video

ತಂದೆ-ತಾಯಿ ವಿಚ್ಛೇದನ ಪಡೆದು ದೂರವಾಗಿದ್ದಾಗ ಖುಷಿಯಾಗಿತ್ತು ಎಂದ ಶ್ರುತಿ ಹಾಸನ್ | Filmibeat Kannada

99 ಸಾಂಗ್ಸ್ ಕುರಿತು

99 ಸಾಂಗ್ಸ್ ಚಿತ್ರಕ್ಕೆ ರೆಹಮಾನ್ ಕಥೆ ಬರೆದಿದ್ದಾರೆ. ವಿಶ್ವೇಷ ಕೃಷ್ಣಮೂರ್ತಿ ಚಿತ್ರಕಥೆ ರಚಿಸಿ ನಿರ್ದೇಶಿಸಿದ್ದಾರೆ. ವಿಶೇಷ ಅಂದ್ರೆ ರೆಹಮಾನ್ ಸ್ವತಃ ಈ ಚಿತ್ರ ನಿರ್ಮಾಣ ಮಾಡಿದರು. ಸಂಗೀತ ಜೀವನದಲ್ಲಿ ಹೇಗೆ ಮುಖ್ಯ ಮತ್ತು ಒಂದು ಹಾಡು ಗಾಯಕನ ಜೀವನವನ್ನು ಹೇಗೆ ಬದಲಿಸುತ್ತದೆ ಎಂದು ಸಿನಿಮಾದಲ್ಲಿ ತೋರಿಸಲಾಗಿದೆ. ಇಹಾನ್ ಭಟ್ ಮತ್ತು ಇಡಿಲ್ಸಾ ವರ್ಗಿಸ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.