ಮುಖಪುಟ

ಬಾಲಿವುಡ್

ಭಾರತದಲ್ಲಿ 'ಪದ್ಮಾವತಿ' ಸಿನಿಮಾ ಬಿಡುಗಡೆಯಾಗುವುದು ಸದ್ಯಕ್ಕೆ ಕಷ್ಟ. ಆದ್ರೆ, ಲಂಡನ್ ನಲ್ಲಿ 'ಪದ್ಮಾವತಿ' ರಿಲೀಸ್ ಆಗಲಿದೆ ಎನ್ನಲಾಗಿತ್ತು. ಆದ್ರೀಗ, ಬ್ರಿಟನ್ ನಲ್ಲೂ ದೀಪಿಕಾ ಸಿನಿಮಾಗೆ ಸಂಕಷ್ಟ ಎದುರಾಗಿದೆ.

ಹೌದು, ಇತ್ತೀಚೆಗಷ್ಟೇ ಲಂಡನ್ ಸೆನ್ಸಾರ್ ಮಂಡಳಿಯಲ್ಲಿ ಸೆನ್ಸಾರ್ ಮುಗಿಸಿದ್ದ 'ಪದ್ಮಾವತಿ' ಯಾವುದೇ ಕಟ್ ಗಳಿಲ್ಲದೇ ಸಿನಿಮಾ ಬಿಡುಗಡೆಯಾಗಲು ಅನುಮತಿ ಪಡೆದುಕೊಂಡಿತ್ತು. ಹೀಗಾಗಿ, ನಿರೀಕ್ಷೆಯಂತೆ ಡಿಸೆಂಬರ್ 1 ರಂದು ತೆರೆ ಮೇಲೆ ಬರಬೇಕಿತ್ತು. ಇದೀಗ, ಅಲ್ಲಿಯೂ ರಿಲೀಸ್ ಆಗಲ್ಲ ಎಂದು ಚಿತ್ರತಂಡ ತಿಳಿಸಿದೆ.

ಭಾರತದಲ್ಲಿ ಈ ಸಿನಿಮಾ ಕುರಿತಾದ ವಿವಾದ ತಣ್ಣಗಾಗುವವರೆಗೆ ಬ್ರಿಟನ್‌ನಲ್ಲೂ ಈ ಸಿನಿಮಾ ಬಿಡುಗಡೆಯಾಗುವುದು ಬೇಡ ಎಂದು ಸಿನಿಮಾದ ನಿರ್ಮಾಪಕರು ನಿರ್ಧರಿಸಿದ್ದಾರಂತೆ.

ಭಾರತದಲ್ಲಿ 'ಪದ್ಮಾವತಿ' ಸಿನಿಮಾ ಯಾವಾಗ ಬಿಡುಗಡೆಯಾಗಲಿದೆ ಎಂಬ ಗೊಂದಲ ಸದ್ಯಕ್ಕೆ ಹಾಗೆಯೇ ಮುಂದುವರಿದಿದೆ. ಸೋ, ಪದ್ಮಾವತಿ ಚಿತ್ರವನ್ನ ನೋಡಲು ಕಾತುರದಿಂದ ಕಾಯುತ್ತಿರುವ ಅಭಿಮಾನಿಗಳಿಗಂತೂ ದೊಡ್ಡ ನಿರಾಸೆ ಎದುರಾಗಿದೆ.