Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಾಜ್ ಕಪೂರ್, ದಿಲೀಪ್ ಕುಮಾರ್ ಮನೆ ಖರೀದಿಗೆ ಮುಂದಾದ ಪಾಕ್ ಪ್ರಾಂಥೀಯ ಸರ್ಕಾರ
ಭಾರತೀಯ ಸಿನಿಮಾದ ದಿಗ್ಗಜರಾದ ರಾಜ್ ಕಪೂರ್ ಹಾಗು ದಿಲೀಪ್ ಕುಮಾರ್ ಅವರ ಮೂಲ ಮನೆಯನ್ನು ಖರೀದಿಸಲು ಪಾಕಿಸ್ತಾನದ ಕೈಬರ್ ಫಕ್ತುಂಖ್ವಾ ಪ್ರಾಥೀಯ ಸರ್ಕಾರ ಮುಂದಾಗಿದೆ.
ಈ ಇಬ್ಬರು ದಿಗ್ಗಜರ ಮನೆಗಳು ಪೇಶಾವರ ನಗರದಲ್ಲಿವೆ. ರಾಷ್ಟ್ರೀಯ ಸ್ಮಾರಕವನ್ನಾಗಿ ಈ ಮನೆಗಳನ್ನು ಈಗಾಗಲೇ ಘೋಷಿಸಲಾಗಿದ್ದು, ಮನೆಗಳನ್ನು ಕೊಂಡುಕೊಳ್ಳಲು ಹಣ ಬಿಡುಗಡೆ ಮಾಡಲು ಪ್ರಾಂಥೀಯ ಸರ್ಕಾರ ನಿಶ್ಚಯಿಸಿದೆ.
ಪೇಶಾವರದ ಕಿಸ್ಸಾ ಖಾನ್ವಿ ಬಜಾರ್ ನಲ್ಲಿರುವ ಕಪೂರ್ ಹವೇಲಿಯನ್ನು 1918-1922 ರ ಅವಧಿಯಲ್ಲಿ ಪಂಡಿತ ಬಸವೇಶ್ವರನಾಥ್ ಕಪೂರ್ ಅವರು ನಿರ್ಮಿಸಿದ್ದರು. ಇದೇ ಮನೆಯಲ್ಲಿ ರಾಜ್ ಕಪೂರ್ ಜನಿಸಿದ್ದರು ಮತ್ತು ಬಾಲ್ಯವನ್ನು ಇಲ್ಲಿಯೇ ಕಳೆದಿದ್ದರು.
ದಿಲೀಪ್ ಕುಮಾರ್ ಮನೆ ಸಹ ಇಲ್ಲಿಯೇ ಇದೆ
ಭಾರತೀಯ ಸಿನಿಮಾರಂಗದ ಮತ್ತೊಬ್ಬ ದಿಗ್ಗಜ ದಿಲೀಪ್ ಕುಮಾರ್ ಮನೆ ಸಹ ಇದೇ ಪ್ರದೇಶದಲ್ಲಿದೆ. ದಿಲೀಪ್ ಕುಮಾರ್ ಜನಿಸಿದ ಮನೆ ಅದಾಗಿದೆ. ಆ ಮನೆಗೆ 100 ವರ್ಷಕ್ಕೂ ಹಳೆಯ ಇತಿಹಾಸವಿದೆ. ಇವೆರಡನ್ನೂ ರಾಷ್ಟ್ರೀಯ ಸ್ಮಾರಕವಾಗಿ ಪಾಕ್ ಸರ್ಕಾರ ಘೋಷಿಸಿದೆ.
200 ಕೋಟಿ ಬೇಡಿಕೆ ಇಟ್ಟಿರುವ ಈಗಿನ ಮಾಲೀಕ
ಕಪೂರ್ ಹವೇಲಿಯ ಈಗಿನ ಮಾಲೀಕರಾಗಿರುವ ಅಲಿ ಕ್ವಾದರ್, ಮನೆಯನ್ನು ಪಾಕ್ ಪ್ರಾಂಥೀಯ ಸರ್ಕಾರಕ್ಕೆ ಮಾರಲು ಒಪ್ಪಿದ್ದು, ಇದಕ್ಕಾಗಿ ಅವರು 200 ಕೋಟಿ ರೂಪಾಯಿ ಬೇಡಿಕೆ ಇಟ್ಟಿದ್ದಾರೆ.
ದಿಲೀಪ್ ಕುಮಾರ್ ಮನೆಯನ್ನು ಕೆಡವಲು ಯತ್ನಿಸಲಾಗಿತ್ತು
ದಿಲೀಪ್ ಕುಮಾರ್ ನಿವಾಸವನ್ನು ಕೆಡವಲು ಅದರ ಪ್ರಸ್ತುತ ಮಾಲೀಕರು ಹಲವು ಯತ್ನಗಳನ್ನು ಮಾಡಿದರು ಆದರೆ ಸರ್ಕಾರ ಅದಕ್ಕೆ ಅವಕಾಶ ನೀಡಲಿಲ್ಲ. ನ್ಯಾಯಾಲಯದಲ್ಲೂ ಪ್ರಸ್ತುತ ಮಾಲೀಕರಿಗೆ ಹಿನ್ನಡೆಯಾಯಿತು. ಈಗ ಅಂತಿಮವಾಗಿ ಎರಡೂ ಕಟ್ಟಡವನ್ನು ಸರ್ಕಾರ ಅಧಿಕೃತವಾಗಿ ಕೊಂಡುಕೊಳ್ಳಲಿದೆ.
Recommended Video
ಕಪೂರ್ ಕವೇಲಿ ಸಂಗ್ರಹಾಲಯ ಮಾಡಲು ನಿರ್ಧಾರ
ಕಪೂರ್ ಹವೇಲಿಯನ್ನು ಸಂಗ್ರಹಾಲಯ ಮಾಡುವಂತೆ ರಿಶಿ ಕಪೂರ್ ಅವರು 2018 ರಲ್ಲಿ ಪಾಕಿಸ್ತಾನ ಸರ್ಕಾರಕ್ಕೆ ಮನವಿ ಸಲ್ಲಿಸಿದ್ದರು. ಅವರ ಮನವಿಯನ್ನು ಪುರಸ್ಕರಿಸಿದ್ದ ಸರ್ಕಾರ ಕಪೂರ್ ಹವೇಲಿಯನ್ನು ಸಂಗ್ರಹಾಲಯ ಮಾಡಲು ನಿಶ್ಚಯಿಸಿತ್ತು, ಆದರೆ ಅದು ಇನ್ನೂ ಕಾರ್ಯರೂಪಕ್ಕೆ ಬಂದಿಲ್ಲ.