ಸುಶಾಂತ್ ಜೊತೆಗೆ ನಟಿಸುವುದಿಲ್ಲ ಎಂದಿದ್ದ ನಟಿ: 'ಟಿವಿ ನಟ' ಎಂದು ಮೂದಲಿಸಿದ್ದರು!

ಟಿವಿ ನಟನೊಂದಿಗೆ ನಟಿಸುವುದಿಲ್ಲ ಎಂದಿದ್ದರು ಪರಿಣಿತಿ: ಅನುರಾಗ್

ಸಂದರ್ಶನವೊಂದರಲ್ಲಿ ಮಾತನಾಡಿರುವ ನಿರ್ದೇಶಕ ಅನುರಾಗ್ ಕಶ್ಯಪ್, 'ಹಸೀ ಥೋ ಪಸಿ' ಸಿನಿಮಾಕ್ಕೆ ಪರಿಣಿತಿ ಚೋಪ್ರಾ ಹಾಗೂ ಸುಶಾಂತ್ ಅನ್ನು ಆಯ್ಕೆ ಮಾಡಿದ್ದೆವು. ಆದರೆ 'ನಾನು ಸುಶಾಂತ್ ಜೊತೆ ನಟಿಸುವುದಿಲ್ಲ' ಎಂದು ಪರಿಣಿತಿ ಹೇಳಿದ್ದರು' ಎಂದು ಅನುರಾಗ್ ಕಶ್ಯಪ್ ಹೇಳಿದ್ದಾರೆ.

ದೊಡ್ಡ ಸ್ಟಾರ್ ಆಗಲಿದ್ದಾನೆ ಎಂದು ಹೇಳಿದ್ದೆವು: ಅನುರಾಗ್

ಆದರೆ ನಾವು ಅವರಿಗೆ ಅರ್ಥ ಮಾಡಿಸಿದೆವು, ಆತ ಕಾಯ್‌ಪೋ ಚೇ ಮಾಡಿದ್ದಾನೆ, ಪಿಕೆ ಸಿನಿಮಾದಲ್ಲಿ ಅನುಷ್ಕಾ ಶರ್ಮಾ ಜೊತೆ ನಟಿಸಿದ್ದಾನೆ. ಈ ಸಿನಿಮಾ ಬಿಡುಗಡೆ ಆಗುವ ವೇಳೆಗೆ ಆತ ಟಿವಿ ನಟ ಆಗಿರುವುದಿಲ್ಲ, ದೊಡ್ಡ ಸ್ಟಾರ್ ಆಗಿರುತ್ತಾನೆ ಎಂದು ಮನದಟ್ಟು ಮಾಡಿದೆವು ಎಂದಿದ್ದಾರೆ ಅನುರಾಗ್ ಕಶ್ಯಪ್.

ಸುಶಾಂತ್‌ ಗೆ ಯಶ್‌ರಾಜ್ ಫಿಲಮ್ಸ್‌ನಿಂದ ಆಫರ್ ಬಂತು

ಆದರೆ ಆ ವೇಳೆಗಾಗಲೆ ಸುಶಾಂತ್‌ ಗೆ ಯಶ್‌ರಾಜ್ ಫಿಲಮ್ಸ್‌ನಿಂದ ಆಫರ್ ಬಂತು, ಹಾಗಾಗಿ ಆತ ನಮ್ಮ ಸಿನಿಮಾ ಬಿಟ್ಟು ಆ ಸಿನಿಮಾಕ್ಕೆ ಹೋದ, ನಾವು ಪರಿಣಿತಿ ಹಾಗೂ ಸಿದ್ಧಾರ್ಥ್‌ ಅನ್ನು ಹಾಕಿಕೊಂಡು ಹಸಿ ಥೋ ಪಸಿ ಸಿನಿಮಾ ಮಾಡಿದೆವು ಎಂದಿದ್ದಾರೆ. ಯಶ್‌ರಾಜ್ ಬ್ಯಾನರ್ಸ್‌ನ ಶುದ್ ದೇಸಿ ರೋಮಾನ್ಸ್‌ನಲ್ಲಿ ಪರಿಣಿತಿ ಮತ್ತು ಸುಶಾಂತ್ ಇಬ್ಬರೂ ಒಟ್ಟಿಗೆ ನಟಿಸಿದರು ಎಂದಿದ್ದಾರೆ ಅನುರಾಗ್.

Recommended Video

RCB ಅಭಿಮಾನಿಗಳ ಕ್ರೇಜ್ ಹೆಚ್ಚಿಸಿದ Duniya Vijay | Filmibeat Kannada

ದೊಡ್ಡ ಬ್ಯಾನರ್‌ ಸಿನಿಮಾದಲ್ಲಿ ನಟಿಸಲು ಆಸಕ್ತಿ

ಸುಶಾಂತ್‌ ಗೆ ನಾನು ಎರಡು ಬಾರಿ ಸಿನಿಮಾ ಆಫರ್ ಮಾಡಿದೆ. ಆದರೆ ಎರಡೂ ಬಾರಿ ಆತ ದೊಡ್ಡ ಸಿನಿಮಾ ಬ್ಯಾನರ್‌ ನಲ್ಲಿ ನಟಿಸಲೆಂದು ನನ್ನ ಸಿನಿಮಾ ಒಪ್ಪಿಕೊಳ್ಳಲಿಲ್ಲ. ಆ ನಂತರ ನಾನು ಸುಶಾಂತ್ ಸಿಂಗ್ ಗೆ ಸಿನಿಮಾ ಆಫರ್‌ ಮಾಡುವುದನ್ನು ಬಿಟ್ಟೆ ಎಂದಿದ್ದಾರೆ ಅನುರಾಗ್ ಕಶ್ಯಪ್.