Don't Miss!
- Sports DC vs SRH: ಟ್ರಾವಿಸ್ ಹೆಡ್, ಅಭಿಷೇಕ್ ದಾಖಲೆಯ ಜೊತೆಯಾಟ: ಡೆಲ್ಲಿ ಗೆಲುವಿಗೆ ಬೃಹತ್ ಗುರಿ
- News ಕಲೆ ಮತ್ತು ಕಲೆಗಾರ! ಪ್ರಧಾನಿ ನರೇಂದ್ರ ಮೋದಿ ಕಾಲೆಳೆದ ಸಿಎಂ ಸಿದ್ದರಾಮಯ್ಯ
- Automobiles ಭಾರತದಲ್ಲಿ 80 ಲಕ್ಷ ಸ್ಕೂಟರ್ ಮಾರಿದ ಜಪಾನ್ ಕಂಪನಿ: ವಿಶ್ವಗುರು ಭಾರತದಲ್ಲಿ ಎಲ್ಲವೂ ಸಾಧ್ಯ!
- Technology 6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು?
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸೋನು ಸೂದ್ ಭೇಟಿಗೆ ನೂರಾರು ಮೈಲಿ ದೂರದಿಂದ ಬರುತ್ತಿರುವ ಜನ
ಕೊರೊನಾ ಲಾಕ್ಡೌನ್ ಸಮಯದಲ್ಲಿ ಬಿಡುವಿಲ್ಲದೆ ಶ್ರಮಿಕರು, ಕಾರ್ಮಿಕರಾಗಿ ಕೆಲಸ ಮಾಡಿದ ಸೋನು ಸೂದ್ ಇನ್ನೂ ವಿರಮಿಸಿಲ್ಲ, ತಮ್ಮನ್ನು ಸಹಾಯಕ್ಕಾಗಿ ಬೇಡಿದ ಬಹುತೇಕ ಎಲ್ಲರಿಗೂ ಸಹಾಯ ಹಸ್ತ ಚಾಚುತ್ತಿದ್ದಾರೆ ಸೂನು ಸೂದ್.
ಸೋನು ಸೂದ್ ಹೋದಲ್ಲೆಲ್ಲಾ ಅವರನ್ನು ಜನರು ಮುತ್ತಿಕೊಳ್ಳುತ್ತಿದ್ದಾರೆ. ಅವರಿಂದ ಸಹಾಯ ಪಡೆಯಲೆಂದು ದೂರ-ದೂರದ ಊರುಗಳಿಂದ ಕುಟುಂಬ ಸಮೇತರಾಗಿ ಜನ ಆಗಮಿಸುತ್ತಿದ್ದಾರೆ. ಹಾಗೆ ಬಂದವರನ್ನು ಭೇಟಿಯಾಗುತ್ತಿದ್ದಾರೆ ಸೋನು ಸೂದ್.
ಕೊರೊನಾ ಲಾಕ್ಡೌನ್ ಅಂತ್ಯವಾದ ಬಳಿಕ ಸೋನು ಸೂದ್ ಮತ್ತೆ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದಾರೆ. ಹೈದರಾಬಾದ್ನಲ್ಲಿ ತೆಲುಗು ಸಿನಿಮಾವೊಂದರ ಚಿತ್ರೀಕರಣದಲ್ಲಿದ್ದಾರೆ ಸೋನು. ಆದರೆ ಅಲ್ಲಿಗೂ ಸೋನು ಸೂದ್ ಅನ್ನು ಹುಡುಕಿಕೊಂಡು ಪ್ರತಿದಿನ ಜನ ಬರುತ್ತಿದ್ದಾರಂತೆ.
ಚಿತ್ರೀಕರಣ ಸೆಟ್ಗೆ ಬರುತ್ತಿರುವ ಜನ
ನೂರಾರು ಕಿ.ಮೀಗಳು ಕ್ರಮಿಸಿ ಹೈದರಾಬಾದ್ನಲ್ಲಿ ಚಿತ್ರೀಕರಣದಲ್ಲಿರುವ ಸೋನು ಸೂದ್ರಿಂದ ನೆರವು ಪಡೆಯಲು ಆಗಮಿಸಿದವರೊಂದಿಗೆ ಸೋನು ಮಾತನಾಡಿ, ಅವರ ಕಷ್ಟ ಕೇಳುತ್ತಿರುವ ವಿಡಿಯೋ ಒಂದನ್ನು ಹಿರಿಯ ಸಿನಿಮಾ ಪತ್ರಕರ್ತ, ವಿಮರ್ಶಕ ರಮೇಶ್ ಬಾಲಾ ಟ್ವಿಟ್ಟರ್ನಲ್ಲಿ ಪ್ರಕಟಿಸಿದ್ದಾರೆ.
'ಸಹಾಯ ಮಾಡಲು ದೇವರು ಕಳಿಸಿದ್ದಾನೋ ಏನೊ?'
ರಮೇಶ್ ಬಾಲಾ ಅವರ ವಿಡಿಯೋಗೆ ಪ್ರತಿಕ್ರಿಯಿಸಿರುವ ಸೋನು ಸೂದ್, ಕಷ್ಟದಲ್ಲಿರುವವರಿಗೆ ಸಹಾಯ ಮಾಡಲೆಂದೇ ದೇವರು ನನ್ನನ್ನು ಕಳುಹಿಸಿದ್ದಾನೆಯೋ ಏನೋ? ನಿಮ್ಮ ಈ ಬೆನ್ನುತಟ್ಟುವ ನುಡಿಗಳಿಗೆ ಧನ್ಯವಾದ ಎಂದಿದ್ದಾರೆ ಸೋನು ಸೂದ್.
ಸಾಮಾಜಿಕ ಜಾಲತಾಣದಲ್ಲಿ ಸಹ ಮನವಿ
ಸೋನು ಸೂದ್ ನೆರವು ಅಪೇಕ್ಷಿಸಿ ಹಲವಾರು ಮಂದಿ ಸಾಮಾಜಿಕ ಜಾಲತಾಣದಲ್ಲಿ, ದೂರವಾಣಿ ಮೂಲಕ ಸಂಪರ್ಕಿಸುತ್ತಲೇ ಇರುತ್ತಾರೆ. ಅಂಥಹವರಿಗೆ ಸಹಾಯ ಮಾಡುವ ಸೋನು ಸೂದ್, ಮಾಹಿತಿಯನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಾರೆ. ಲಾಕ್ಡೌನ್ ಅಂತ್ಯವಾದ ನಂತರವೂ ಅವರು ತಮ್ಮ ಸೇವೆ ನಿಲ್ಲಿಸಿಲ್ಲ.
Recommended Video
ಪ್ರತಿದಿನ ರಾಶಿ-ರಾಶಿ ಪತ್ರಗಳು ಬರುತ್ತವೆ
ಇತ್ತೀಚೆಗೆ ರಾಶಿ ರಾಶಿ ಪತ್ರಗಳ ಚಿತ್ರವೊಂದನ್ನು ಸೋನು ಸೂದ್ ಹಂಚಿಕೊಂಡಿದ್ದರು. ಇವೆಲ್ಲವೂ ನೆರವು ಕೇಳಿ ಬಂದಿರುವ ಪತ್ರಗಳು. ಎಲ್ಲ ಪತ್ರಗಳಿಗೂ, ಮನವಿಗಳಿಗೂ ಸ್ಪಂದಿಸುವ ಕಾರ್ಯ ಮಾಡುತ್ತೇವೆ. ಒಂದು ದಿನ ಈ ರೀತಿಯ ಪತ್ರಗಳು ನಿಂತುಹೋಗಲಿ, ಜನರು ಕಷ್ಟಗಳಿಂದ ದೂರಾಗಲಿ ಎಂದಿದ್ದಾರೆ ಸೂನು ಸೂದ್.